ଶ୍ରୀମନ୍ଦିରରେ ଦଇତା ପ୍ରବେଶ ଆଜି । ସ୍ନାନ ଯାତ୍ରା ଠାରୁ ନୀଳାଦ୍ରୀ ବିଜେ ପର୍ଯ୍ୟନ୍ତ ଦଇତାପତିମାନେ କରିବେ ଚତୁର୍ଦ୍ଧାମୂର୍ତ୍ତିଙ୍କ ସେବା । ଶ୍ରୀ ଜିଉଙ୍କ ଅଙ୍ଗ ରକ୍ଷକ ଭାବେ ପରିଚିତ ଦଇତାପତି ସେବକ । ଆଜି ଦଇତାପ୍ରବେଶ ପରେ ଶ୍ରୀଜିଉଙ୍କର ବଡ଼ ସିଂହାର ଭୋଗ । ପହୁଡ଼ ଆଳତି, ପରେ ଶ୍ରୀଜିଉଙ୍କର ଶ୍ରୀମୂଖକୁ ଖଣ୍ଡୁଆରେ ଢ଼ଙ୍କି କରାଯିବ । ପରେ ସେବକମାନେ ପ୍ରଭୁଙ୍କ ବାହୁଟ କଣ୍ଟ ନୀତି ସଂପାଦନ କରିବେ । ବାହୁଟ କଣ୍ଟ ପରେ କୋଠ ସୁଆସିଆଁ ସେବକମାନେ ରତନ ସିଂହାସନରେ ଚାର ବାନ୍ଧି ବାହାରିବା ପରେ ଦଇତାପତିମାନେ ମହାପ୍ରଭୁଙ୍କ ସେନାପଟ୍ଟା ବାନ୍ଧିବା ନୀତି ସମ୍ପନ୍ନ କରିବେ । ଦେବସ୍ନାନ ଯାତ୍ରା ପରଠାରୁ ଦଇଦାପତି ସେବାୟତମାନେ ଅଣସର ପିଣ୍ଡିରେ ମହାପ୍ରଭୁଙ୍କର ଗୁକ୍ତ ଅନବସର ସେବା କରିବେ । ପରେ ରଥ ଯାତ୍ରା ସରିବା ପରେ ମହାପ୍ରଭୁଙ୍କ ସୁନାବେଶ ଠାରୁ ଆରମ୍ଭ କରି ଅଧରପଣା ନୀତି ସାରି ମହାପ୍ରଭୁଙ୍କୁ ନିଳାଦ୍ରୀ ବିଜେ କରାଇବେ