Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ବରଗଡ଼: ‘ନୋ କ୍ଲାସ୍ ନୋ ଫି’ ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି :ପଡିଆ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ଗିରଫ କଲା ଭିଜିଲାନ୍ସ
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଝାରସୁଗୁଡା : ଟେଣ୍ଟ ହାଉସ୍ ଗୋଦାମରେ ଅଗ୍ନିକାଣ୍ଡ, ୫୦ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||
  • କଟକ : ଘରୋଇ ସ୍କୁଲ ଫି’ କମାଇବା ମାମଲା : ଫି’ କେତେ କମିବ ସତ୍ୟପାଠ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||

ନୀଳାଦ୍ରି ବିଜେ ପର୍ଯ୍ୟନ୍ତ ଖୋଲିବନି ସିଂହଦ୍ବାର, ଏଥର ବିନା ଭକ୍ତରେ ମହାପ୍ରଭୁଙ୍କ ସ୍ନାନଯାତ୍ରା ଓ ରଥଯାତ୍ରା !

30/05/2020 at 2:55 PM

ପୁରୀ ୩୦।୫: ଶ୍ରୀମନ୍ଦିର ଓ ବଡଠାକୁରଙ୍କ ରୀତିନୀତି ଏବଂ ପରମ୍ପରା ନେଇ କିଛି ନିଆର ପ୍ରସ୍ତାବ ରଖିଛନ୍ତି ଶ୍ରୀମନ୍ଦିର ପରିଚାଳନା କମିଟି । କରୋନା ମହାମାରୀ ଜନିତ ଭୟ ଏବଂ ରାଜ୍ୟ ତଥା ସାରା ବିଶ୍ବରେ ଅସାଧାରଣ ପରିସ୍ଥିତି ପରିପ୍ରେକ୍ଷୀରେ ନୀଳାଚଳ କ୍ଷେତ୍ରରେ ଠାକୁରଙ୍କ ରୀତିନୀତି ପ୍ରଭାବିତ ହୋଇଛି । ଶ୍ରୀମନ୍ଦିରରେ ଭକ୍ତଙ୍କ ଗହଳି ନାହିଁ । ସାମାଜିକ ଦୂରତା ଲାଗି ଭକ୍ତଙ୍କ ଦର୍ଶନ, ସେବାୟତଙ୍କ ସେବାରେ କଟକଣା ଲାଗିଛି ।

ରଥ ନିର୍ମାଣ ସହ ଚନ୍ଦନଯାତ୍ରା ପ୍ରଭାବିତ ହୋଇଥିବା ବେଳେ ତାହାକୁ ନୂଆ ନିୟମରେ କରାଯାଇଛି ଓ ଯାଉଛି । ଏହି ପରିପ୍ରେକ୍ଷୀରେ ଆଗକୁ ମହାପ୍ରଭୁଙ୍କ ସ୍ନାନଯାତ୍ରା ଏବଂ ରଥଯାତ୍ରା ମଧ୍ୟ ପ୍ରଭାବିତ ହେବା ଆଶଙ୍କା ବେଳେ ଶ୍ରୀମନ୍ଦିର ପରିଚାଳନା କମିଟି ଶ୍ରୀଜିଉଙ୍କ ରୀତିନୀତି ନେଇ ରାଜ୍ୟ ସରକାରଙ୍କ ପାଖରେ କିଛି ପ୍ରସ୍ତାବ ରଖିଛନ୍ତି ।

ଏହି ପ୍ରସ୍ତାବ ଅନୁଯାୟୀ ବିନା ଭକ୍ତରେ ଶ୍ରୀଜିଉଙ୍କ ସ୍ନାନଯାତ୍ରା ଏବଂ ରଥଯାତ୍ରା କରାଯିବା ନେଇ ପରିଚାଳନା କମିଟି ମତ ରଖିଥିବା ଜଣାଯାଇଛି । ଶ୍ରୀମନ୍ଦିର ପରିଚାଳନା କମିଟି ବୈଠକରେ ଏଭଳି କିଛି ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି । ଏହି ଅନୁଯାୟୀ  ସୀମିତ ସେବାୟତଙ୍କୁ ନେଇ ସ୍ନାନ ଯାତ୍ରା କରାଯିବ । ସ୍ନାନ ଯାତ୍ରା ବେଳେ ବଡ ଦାଣ୍ଡରେ ଭକ୍ତଙ୍କୁ ଉପସ୍ଥିତ ରହିବାକୁ ବାରଣ କରାଯିବ ।

ସେପଟେ ରଥଯାତ୍ରା ହେଲେ ମଧ୍ୟ ବଡ ଦାଣ୍ଡରେ ଭକ୍ତଙ୍କୁ ପ୍ରବେଶ ପାଇଁ ଅନୁମତି ଦିଆଯିବନାହିଁ । ସ୍ନାନ ଯାତ୍ରାରୁ ନୀଳାଦ୍ରି ବିଜେ ପର୍ଯ୍ୟନ୍ତ ବଡ ଦାଣ୍ଡରେ ଭକ୍ତଙ୍କୁ ବାରଣ କରାଯିବ । ଲକ୍‌ଡାଉନ୍‌ ଉଠିଲେ ମଧ୍ୟ ନୀଳଦ୍ରି ବିଜେ ପର୍ଯ୍ୟନ୍ତ ଶ୍ରୀମନ୍ଦିର ଖୋଲିବନାହିଁ ବୋଲି ବୈଠକରେ ନିଷ୍ପତ୍ତି ନିଆଯାଇଛି । ଏ ସମସ୍ତ ବିଷୟରେ ପରିଚାଳନା କମିଟି ସରକାରଙ୍କୁ ପ୍ରସ୍ତାବ ଦେଇଛି ।

ଭିଡିଓ କନଫେରେନସିଂ ଜରିଆରେ ଶ୍ରୀମନ୍ଦିର ପରିଚାଳନା କମିଟି ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଗଜପତି ମହାରାଜା ଅଧ୍ୟକ୍ଷତା କରିଥିଲେ । କାଯ୍ୟକାରୀ ଅଧ୍ୟକ୍ଷ ସୁରେଶ ମହାପାତ୍ର, ମୁଖ୍ୟ ପ୍ରଶାସକ କ୍ରୀଷନ୍ କୁମାର, ଜିଲ୍ଲାପାଳ ବଲୱନ୍ତ ସିଂ, ଏସପି ଉମାଶଙ୍କର ଦାସ ପ୍ରମୁଖ ମଧ୍ୟ ବୈଠକରେ ଉପସ୍ଥିତ ଥିଲେ । ଏହାସହ ବୈଠକରେ ସମସ୍ତ ପରିଚାଳନା କମିଟି ସଦସ୍ୟ, ସେବାୟତ ପ୍ରତିନିଧି ଯୋଗ ଦେଇଥିଲେ ।

   Related Posts