Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ବାତିଲ ହେବନି ପାକ୍ ସିରିଜ୍, ନୂଆ ଟିମ୍ ଘୋଷଣା କଲା ଶ୍ରୀଲଙ୍କା

11/09/2019 at 10:09 PM

କଲମ୍ବୋ : ସେପ୍ଟେମ୍ବର ୨୭ ତାରିଖରୁ ଆରମ୍ଭ ହେବାକୁ ଥିବା ପାକ୍-ଶ୍ରୀଲଙ୍କା କ୍ରିକେଟ ସିରିଜ୍ ବାତିଲ ହେବନି। ଏଥିଲାଗି ପାକ୍ ବିପକ୍ଷରେ ଶ୍ରୀଲଙ୍କା କ୍ରିକେଟ୍ ବୋର୍ଡ ନୂଆ ଟିମ୍ ଘୋଷଣା କରିଛି। ଲାହିରୁ ଥିରିମାନେଙ୍କୁ ବୋର୍ଡ ୱାନଡେ ଟିମ୍ ର କ୍ୟାପ୍ଟେନ ଦାୟିତ୍ୱ ଅର୍ପଣ କରିଥିବା ବେଳେ ଦାଶୁନ ଶନାକାଙ୍କୁ ଟି-୨୦ ଟିମର କ୍ୟାପ୍ଟେନ ମନୋନୟ କରିଛି। 

ସୁରକ୍ଷାଗତ କାରଣ ଦର୍ଶାଇ ଶ୍ରୀଲଙ୍କା ନିୟମିତ କ୍ରିକେଟ୍ ଟିମର ୧୦ ଜଣ ଖେଳାଳି ପାକିସ୍ତାନ ଗସ୍ତରେ ଯିବେ ନାହିଁ ବୋଲି ମନା କରିଦେଇଥିଲେ। ଏଣୁ ପାକ୍ ସିରିଜକୁ ନେଇ ଅନିଶ୍ଚିତତା ଉପୁଜିଥିବା ବେଳେ ଶ୍ରୀଲଙ୍କା କ୍ରିକେଟ ବୋର୍ଡ ଟୁର ଲାଗି ଟିମ୍ ଚୟନ କରିଛି। ଏଥିରେ ମିନୋଦ ବନୁକା ଓ ଭାନୁକା ରାଜପକ୍ଷେ ପାକ୍ ବିପକ୍ଷରେ ଖେଳି ନିଜର ଅନ୍ତର୍ଜାତୀୟ କ୍ୟାରିୟର ଆରମ୍ଭ କରିବେ। ସେହିପରି ଗତ ବାଂଲାଦେଶ ଟୁରରୁ ବାଦ ପଡିଥିବା ବାମହାତୀ ସ୍ପିନର ଲଖନ ସନ୍ଦକନଙ୍କୁ ଟିମରେ ଜାଗା ମିଳିଛି।

୨୦୦୯ରେ ଉଗ୍ରବାଦୀ ଲାହୋରରେ ଶ୍ରୀଲଙ୍କା ଟିମର ବସ୍ ଉପରକୁ ଅନ୍ଧାଦୁନିଆ ଗୁଳିମାଡ କରିଥିଲେ। ଏହି ଘଟଣା ପରେ ଶ୍ରୀଲଙ୍କା ଟିମ୍  ଆଉ ଦ୍ୱିତୀୟବାର ପାକିସ୍ତାନ ଟୁର କରିନାହିଁ।  ପାକିସ୍ତାନ ମଧ୍ୟ ପୂର୍ବ ଭଳି ଦେଶରେ ଆଉ ଅନ୍ତର୍ଜାତୀୟ କ୍ରିକେଟ ଆୟୋଜନ କରିନଥିଲା।  ତେବେ ଦେଶରେ ପୁଣି ଥରେ ଅନ୍ତର୍ଜାତୀୟ କ୍ରିକେଟର ଯୁଗ ଆରମ୍ଭ କରିବାକୁ ଇମ୍ରାନ ସରକାର ପଦକ୍ଷେପ ନେଇଥିବା ବେଳେ ପିସିବି ଶ୍ରୀଲଙ୍କାକୁ ଆମନ୍ତ୍ରଣ କରିଥିଲା। 

୨୭ ସେପ୍ଟେମ୍ବର ଟୁର ଲାଗି ଶ୍ରୀଲଙ୍କା ନିୟମିତ ଟିମର ଚୟନ ଲାଗି ସୁରକ୍ଷା ସମୀକ୍ଷା ବେଳେ  ଟି-୨୦ ଟିମ କ୍ୟାପ୍ଟେନ ଲସିଥ ମଲିଙ୍ଗା, ପୂର୍ବ କ୍ୟାପ୍ଟେନ ଏଞ୍ଜେଲୋ ମାଥ୍ୟୁସ୍ ଟୁର ପାଇଁ ରାଜି ହୋଇନଥିଲେ। ତାଙ୍କ ସହ ଅନ୍ୟ ଖେଳାଳି ଦିନେଶ ଚାନ୍ଦିମଲ, ସରଙ୍ଗା ଲକମଲ, ଦିମୁଥ କରୁଣାରତ୍ନେ, ତିସାରା ପେରେରା, ଅକିଲା ଧନଞ୍ଜୟ, କୁଶଲ ପେରେରା, ଧନଞ୍ଜୟ ଡିସିଲଭା ଓ ନିରୋଶନ ଡିକବେଲା ମଧ୍ୟ ଟୁର ଲାଗି ମନା କରିଦେଇଥିଲେ।  ଏଣୁ ସିରିଜକୁ ନେଇ କଳ୍ପନାଜଳ୍ପନା ଲାଗି ରହିଥିବା ବେଳେ ଶ୍ରୀଲଙ୍କା ବୋର୍ଡ ପିସିବିକୁ ଆଶ୍ୱସ୍ତ କରିଛି।

   Related Posts