Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୨ ଜଣଙ୍କ ଜୀବନ, ୩୩୮୮ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୪୦୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଚିରାଗଙ୍କ ହାତରୁ ଖସିଲା କମାଣ୍ଡ୍ : ଚାଚା ପଶୁପତିଙ୍କୁ ଗ୍ରୀନ ସିଗନାଲ୍, LJP ସଂସଦୀୟ ଦଳର ନେତା ହେଲେ ପାରସ
  • ||
  • ସାରା ବିଶ୍ୱର ଚିନ୍ତା ବଢାଇଲା ଡେଲ୍ଟା ଭାରିଆଣ୍ଟ : ବ୍ରିଟେନ ସମେତ ଅନେକ ଦେଶରେ ଫେରିଲା କଟକଣା
  • ||
  • ନକଲି ଔଷଧ ମାମଲାର ତଦନ୍ତ କରିବ କ୍ରାଇମବ୍ରାଞ୍ଚ୍, ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ
  • ||
  • କାର୍ଯ୍ୟାଳୟ ନା ସ୍ପା ? ଖଟରେ ଆରାମରେ ଶୋଇଛନ୍ତି ପୋଲିସ ବାବୁ, କଏଦୀ କରୁଛନ୍ତି ମସାଜ୍
  • ||

ଆପ୍‌ କି ବିଏସପିରେ ଯୋଗ ଦେବେନି ଶ୍ରୀକାନ୍ତ ଜେନା: କହିଲେ ‘ଲଢିବିନି ମଧ୍ୟ ନିର୍ବାଚନ’

27/01/2019 at 2:10 PM

ଭୁବନେଶ୍ବର୨୭|୧: ଆପ୍‌ ଏବଂ  ବିଏସ୍‌ପିରେ ଯୋଗ ଦେବା ଚର୍ଚ୍ଚା ପ୍ରସଙ୍ଗକୁ ଖଣ୍ଡନ କଲେ  କଂଗ୍ରେସରୁ ବହିଷ୍କୃତ ନେତା ଶ୍ରୀକାନ୍ତ ଜେନା ।ସେ କୌଣସି ଦଳରେ ଯୋଗ ଦେବାର ନାହିଁ କିମ୍ବା ନିର୍ବାଚନ ଲଢିବେ ନାହିଁ ଓ ସାଧାରଣ ନାଗରିକ ପରି ରହିବେ ବୋଲି କହିଛନ୍ତି ।

ତେବେଯେଉଁମାନେ ସାମାଜିକ ନ୍ୟାୟ ପାଇଁ ଲଢିବେ, ସେମାନଙ୍କ ପାଇଁ ପ୍ରଚାର କରିବେ  ବୋଲି ଶ୍ରୀକାନ୍ତ ଆଜି ସ୍ପଷ୍ଟ କରିଛନ୍ତି । କଂଗ୍ରେସରୁ ଏକ ସାଂଗେ ବହିଷ୍କୃତ ନେତା ତଥା ପୂର୍ବତନ କୋରାପୁଟ ବିଧାୟକ କୃଷ୍ଣ ସଗରିଆ ବିଏସପିରେ ଯୋଗ ଦେବାକୁ ଯାଉଥିବା କହିବାପରେ ଶ୍ରୀକାନ୍ତ ମଧ୍ୟ ବିଏସପିରେ ଯୋଗ ଦେବେ ବୋଲି ଚର୍ଚ୍ଚା ହେଉଥିଲା । ଏଥି ସହିତ ଶ୍ରୀକାନ୍ତଙ୍କ ପରାମର୍ଶରେ କୃଷ୍ଣ ପରିଚାଳିତ ହେଉଥିଲେ ବୋଲି ଚର୍ଚ୍ଚା ଯୋଗୁଁ ମଧ୍ୟ ଏଭଳି ଧାରଣା ସୃଷ୍ଟି ହୋଇଥିଲା ।

ସାମାଜିକ ନ୍ୟାୟ ଅଭିଯାନ ପକ୍ଷରୁ ୩୧ରେ ହେଉଥିବା ସମାବେଶରେ ଶ୍ରାକାନ୍ତ ଯୋଗ ଦେଉଛନ୍ତି । ଏହି ସମାବେଶରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ ନେତା ଅରବିନ୍ଦ କେଜରିୱାଲ ମଧ୍ୟ ଯୋଗ ଦେବେ । ତେଣୁ କାଳେ ଶ୍ରୀକାନ୍ତ ଆପ ମୁହାଁ କି ବୋଲି ଚର୍ଚ୍ଚା ଜୋର ଧରିଥିଲା । ତେବେ ଶ୍ରୀକାନ୍ତ କହିଛନ୍ତି ଯେ,  ଦଳିତଙ୍କ ନ୍ୟାୟ ପାଇଁ ଆଲୋଚନା ହେଉଥିବାରୁ ସେ ଏହି ସଭାରେ ଯୋଗ ଦେବେ । ଆପ୍‌ ସହିତ ତାଙ୍କର କୌଣସି ସମ୍ପର୍କ ନାହିଁ ।

   Related Posts