Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୈତାନ ସ୍ୱାମୀ, ସ୍ତ୍ରୀର ତଣ୍ଟିଚିପି କଲା ହତ୍ୟା !
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୨ ଜଣଙ୍କ ଜୀବନ, ୩୩୮୮ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୪୦୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଚିରାଗଙ୍କ ହାତରୁ ଖସିଲା କମାଣ୍ଡ୍ : ଚାଚା ପଶୁପତିଙ୍କୁ ଗ୍ରୀନ ସିଗନାଲ୍, LJP ସଂସଦୀୟ ଦଳର ନେତା ହେଲେ ପାରସ
  • ||
  • ସାରା ବିଶ୍ୱର ଚିନ୍ତା ବଢାଇଲା ଡେଲ୍ଟା ଭାରିଆଣ୍ଟ : ବ୍ରିଟେନ ସମେତ ଅନେକ ଦେଶରେ ଫେରିଲା କଟକଣା
  • ||
  • ନକଲି ଔଷଧ ମାମଲାର ତଦନ୍ତ କରିବ କ୍ରାଇମବ୍ରାଞ୍ଚ୍, ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ
  • ||
  • କାର୍ଯ୍ୟାଳୟ ନା ସ୍ପା ? ଖଟରେ ଆରାମରେ ଶୋଇଛନ୍ତି ପୋଲିସ ବାବୁ, କଏଦୀ କରୁଛନ୍ତି ମସାଜ୍
  • ||

ତୁଟିଲା ବିବାଦ : ଶ୍ରୀଜୀଉମାନେ ୧୨ଘଣ୍ଟା ଓପାସରେ ରହିବା ପରେ ଶେଷରେ ଖୋଲିଲା ଶ୍ରୀମନ୍ଦିର ଭିତର ଦ୍ବାର

28/12/2018 at 4:41 PM

ପୁରୀ ୨୮|୧୨: ତୁଟିଲା ବିବାଦ ।  ଖୋଲିଲା ଶ୍ରୀମନ୍ଦିରର ଭିତର ଦ୍ବାର ବା ଜୟ ବିଜୟ ଦ୍ବାର । ୧୨ଘଣ୍ଟା ନୀତି ବିଳମ୍ବ ଯୋଗୁଁ ମହାପ୍ରଭୁ ଉପାସରେ ରହିବା ପରେ ଅପରାହ୍ଣ ସାଢ଼େ ୪ଟା ପରେ ଆରମ୍ଭ ହେଲା ନୀତିକାନ୍ତି । ପୁରୀରେ ସେବାୟତ-ପୋଲିସ ମୁହାଁମୁହିଁ ଘଟଣାକୁ ନେଇ ଶ୍ରୀମନ୍ଦିରରେ ସୃଷ୍ଟି ହୋଇଥିଲା ଅଚଳାବସ୍ଥା । ସମାଧାନ ପାଇଁ ଶ୍ରୀମନ୍ଦିର ପ୍ରଶାସକ ଓ ସେବାୟତଙ୍କ ମଧ୍ୟରେ ଆଲୋଚନା ହୋଇଥିଲେ ମଧ୍ୟ ତାହା ବିଫଳ ହୋଇଥିଲା । ସରକାରଙ୍କ ହସ୍ତକ୍ଷେପ ଲୋଡ଼ିଥିଲେ ଗଜପତି । ଏପଟେ ସିଂହଦ୍ବାର ସମ୍ମୁଖରେ ମହାପ୍ରଭୁଙ୍କ ଦର୍ଶନରୁ ବଞ୍ଚିତ ଅଗଣିତ ଭକ୍ତଙ୍କ ଭିତରେ ଉତ୍ତେଜନା ପ୍ରକାଶ ପାଇଥିଲା । ଦୀର୍ଘ ସମୟ ଧରି ଅପେକ୍ଷା କରିବା ପରେ ବ୍ୟାରିକେଡ୍‌ ଭାଙ୍ଗି ଶ୍ରୀମନ୍ଦିର ଭିତରକୁ ଧଶେଇ ପଶିଥିଲେ ଭକ୍ତ । …..

୧୨ଘଣ୍ଟା ପରେ ଶ୍ରୀମନ୍ଦିରରେ ସ୍ବଭାବିକ ହେଲା ଠାକୁରଙ୍କ ନୀତିକାନ୍ତି । ୧୨ଘଣ୍ଟା ବିଶ୍ବ ନିୟନ୍ତାଙ୍କୁ ଓପାସ ରଖିବା ପରେ ସେବା କରିବାକୁ ଆସିଲେ ସେବାୟତ । ପୁରୀ ଶ୍ରୀମନ୍ଦିରରେ ଏଭଳି କିଛି ବିଭ୍ରାଟକୁ ନେଇ କୋଟି କୋଟି ଜଗନ୍ନାଥ ପ୍ରେମୀଙ୍କ ମନକୁ ଆଘାତ ଲାଗିଛି । ସେବାୟତ-ପୋଲିସ ମୁହାଁମୁହିଁ ଘଟଣାକୁ ନେଇ ଆଜି ସକାଳୁ ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିକାନ୍ତିକୁ ବନ୍ଦ କରିଦେଇଥିଲେ ସେବାୟତ । ଗଲାକାଲି ମନ୍ଦିର ଦର୍ଶନ ପାଇଁ କିଛି ଶ୍ରଦ୍ଧାଳୁଙ୍କୁ ନେଇ ଯାଉଥିବା ଜଣେ ସେବାୟତଙ୍କୁ ସିଂହଦ୍ବାରରେ ଅଟକାଇଥିଲେ ସୁରକ୍ଷା ଦାୟିତ୍ବରେ ଥିବା କର୍ମଚାରୀ । ଯାତ୍ରୀ ଜଣକ ବିଦେଶୀ ବୋଲି ସଂଦେହ କରିଥିଲେ ଉପସ୍ଥିତ ପୋଲିସ କର୍ମଚାରୀ । ଯାହାକୁ ନେଇ ସଂପୃକ୍ତ ସେବାୟତ ଓ ପୋଲିସ କର୍ମଚାରୀଙ୍କ ଭିତରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ମାମଲା ସିଂହଦ୍ବାର ଥାନାକୁ ଯାଇଥିବା ବେଳେ ଆଜି ସକାଳୁ ଠାକୁରଙ୍କ ନୀତିକାନ୍ତି ବନ୍ଦ କରିଦେଇଥିଲେ ସେବାୟତ । ପ୍ରଥମ ପର୍ଯ୍ୟାୟରେ ଜିଲ୍ଲାପାଳ ଓ ଏସପି ସେବାୟତଙ୍କ ସହ ଆଲୋଚନା କରିଥିଲେ ମଧ୍ୟ କୌଣସି ସୁଫଳ ମିଳିନଥିଲା ।

ଏପଟେ ମହାପ୍ରଭୁଙ୍କ ଦର୍ଶନ ପାଇଁ ସିଂହଦ୍ବାରା ସମ୍ମୁଖରେ ଅପେକ୍ଷା କରିରହିଥିଲେ ହଜାର ହଜାର ଭକ୍ତ । ଦୀର୍ଘ ସମୟ ଧରି ସମସ୍ୟାର କୌଣସି ସମାଧାନ ହୋଇପାରିନଥିବାରୁ ଭକ୍ତଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ଦେଖିବାକୁ ମିଳିଥିଲା । ଶେଷରେ ସେମାନେ ବ୍ୟାରିକେଡ୍‌ ଭାଙ୍ଗି ଶ୍ରୀମନ୍ଦିର ଭିତରକୁ ଧଶେଇ ପଶିବାର ମଧ୍ୟ ଦେଖିବାକୁ ମିଳିଥିଲା ।  

ପର୍ଯ୍ୟାୟକ୍ରମେ ସେବାୟତଙ୍କ ସହ ଶ୍ରୀମନ୍ଦିର ମୁଖ୍ୟ ପ୍ରଶାସକ ଆଲୋଚନା କରିଥିଲେ ମଧ୍ୟ ସମସ୍ୟାର ସମାଧାନ ହୋଇପାରିନଥିଲା । ତଥାପି ସେବାୟତମାନେ ନିଜ ବିବେକ୍‌ ଅନୁସାରେ କାମ କରନ୍ତୁ ବୋଲି କହିଥିଲେ ମୁଖ୍ୟ ପ୍ରଶାସକ । ସେହଭଳି ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିକାନ୍ତିରେ ବିଭ୍ରାଟକୁ ଦେଖି ମୁହଁ ଖୋଲିଥିଲେ ଗଜପତି ମହାରାଜା । କହିଥିଲେ, ଅଗଣିତ ଭକ୍ତଙ୍କୁ ମହାପ୍ରଭୁଙ୍କ ଦର୍ଶନରୁ ବଞ୍ଚିତ କରାନଯାଉ । ଶ୍ରୀମନ୍ଦିରର ମହାନ୍‌ ପରମ୍ପରାରେ କଳଙ୍କ ନଲାଗୁ । ମହାପ୍ରଭୁଙ୍କ ସେବା ଠାରୁ ଆଉ କୌଣସି ପ୍ରସଙ୍ଗ ବଡ଼ ନୁହେଁ । ଏହି ପ୍ରସଙ୍ଗରେ ସରକାର ତୁରନ୍ତ ହସ୍ତକ୍ଷେପ କରିବାକୁ କହିଥିଲେ ଗଜପତି ।

ଅଗଷ୍ଟ ମାସରୁ ସେବାୟତଙ୍କୁ ପାଳିଆ ପୁରସ୍କାର ଅର୍ଥ ରାଶି ବନ୍ଦ ଥିବାରୁ ସେମାନଙ୍କ ମଧ୍ୟରେ ଅସନ୍ତୋଷ ରହିଥିଲା। ଫଳରେ ଗଲା ୪-୫ଦିନ ହେଲା ମହାପ୍ରଭୁଙ୍କ ପହିଲି ଭୋଗ ନୀତିରେ ଅନିୟମିତତା ସାମ୍ନାକୁ ଆସିଥିଲା। ଗତକାଲି ତ ପହିଲିଭୋଗ ନୀତିରେ ୪ଘଣ୍ଟା ବିଳମ୍ବ ହୋଇଥିଲା। ଏସବୁ ଭିତରେ ସେବାୟତ-ପୋଲିସ ମୁହାଁମୁହିଁ ଘଟଣା ସେବାୟତଙ୍କ ଅସନ୍ତୋଷକୁ ଆହୁରି ବଳ ଦେଇଥିଲା। ଆଉ ମହପ୍ରଭୁଙ୍କ ନୀତି ଠପ୍‌ କରି ମନମାନିକୁ ଓହ୍ଲାଇଥିଲେ ସେମାନେ।  

   Related Posts