ନୂଆଦିଲ୍ଲୀ ୫/୭ : ଚୀନ ତାର ବିସ୍ତାରବାଦୀ ନୀତି କାର୍ଯ୍ୟକାରୀ କରିବାକୁ ପ୍ରଥମେ ଋଣ ଦେଇଥାଏ ପରେ ଦଖଲ କରିଥାଏ । ପ୍ରଥମେ ପାକିସ୍ତାନ ଏବେ ଶ୍ରୀଲଙ୍କା ମଧ୍ୟ ଚୀନ ଋଣ ଜାଲରେ ଫସିଛି । ଚୀନ୍ ଧୀରେ ଧୀରେ ଶ୍ରୀଲଙ୍କାର ଭିତ୍ତିଭୂମିକୁ ମାଡିବାକୁ ବସିଛି । ସମ୍ପ୍ରତି ଶ୍ରୀଲଙ୍କାର କଲମ୍ବୋ ସହରରେ କିଛି ଚୀନ୍ ସୈନିକଙ୍କୁ ଦେଖିବାକୁ ମିଳିଛି । ସେନା ପୋଷାକରେ ଥିବା ଏହି ସୈନିକମାନେ ହାମବନ୍ତୋଟାସ୍ଥିତ ଏକ ପୋଖରୀରେ ଜମା ହୋଇଥିବା ଆବର୍ଜନାଗୁଡ଼ିକୁ ସଫା କରୁଥିଲେ ।
ସେମାନେ ପିନ୍ଧିଥିବା ୟୁନିଫର୍ମ ଚାଇନାର ସାମରିକ ପୋଷାକ ସହିତ ମେଳ ଖାଉଥିଲା । ଏହା ପରେ ସେଠାରେ ଥିବା ଲୋକମାନେ ଚୀନ୍କୁ ବିରୋଧ କରିବା ଆରମ୍ଭ କରି ଦେଇଛନ୍ତି । ରିପୋର୍ଟ ଅନୁଯାୟୀ ଶ୍ରୀଲଙ୍କାରେ ଚୀନ୍ର ହସ୍ତକ୍ଷେପକୁ ନେଇ ପୁଣି ଥରେ ଅସନ୍ତୋଷ ପ୍ରକାଶ ପାଇଛି । ନିକଟରେ ଚୀନ୍ ୯୯ ବର୍ଷ ଧରି କଲମ୍ବୋ ପୋର୍ଟ ସିଟି ପ୍ରୋଜେକ୍ଟକୁ ମଧ୍ୟ ଅଧିକାର କରି ନେଇଛି ।
ଚୀନ୍ ସୈନିକଙ୍କୁ ୟୁନିଫର୍ମରେ ଆବର୍ଜନା ହଟାଇବା ଦେଖାଯିବା ଶ୍ରୀଲଙ୍କା ନିୟମ ବିରୋଧ ଅଟେ । ତେବେ ଶ୍ରୀଲଙ୍କାରେ ଥିବା ଚୀନ୍ ଦୂତାବାସ ଏହି ଅଭିଯୋଗକୁ ଅସ୍ୱୀକାର କରି କହିଛି ଯେ ଏଭଳି ପୋଷାକ ପିନ୍ଧିବା ସାଧାରଣ କଥା । ଶ୍ରୀଲଙ୍କା ନିୟମ ଅନୁଯାୟୀ, ଯେଉଁମାନେ ସେନାରେ ସେବା କରୁନାହାଁନ୍ତି ସେମାନଙ୍କ ପାଇଁ ୟୁନିଫର୍ମ ପିନ୍ଧିବା ମଧ୍ୟ ନିଷେଧ । ଏହା ଉପରେ ସେହି ବ୍ୟକ୍ତିଙ୍କୁ ଗିରଫ କରାଯାଇ ଦଣ୍ଡ ଦିଆଯାଇପାରେ ।
ଏହାପୂର୍ବରୁ ପାକିସ୍ତାନରେ ମଧ୍ୟ ଚୀନ୍ ପାକିସ୍ଥାନ ଅର୍ଥନୈତିକ କରିଡର ଉପରେ ନଜର ରଖିବା ପାଇଁ ଅନେକ ସାମରିକ ନିୟୋଜିତ କରିଛି । ଶ୍ରୀଲଙ୍କା ପ୍ରଶାସନର ଅନୁମତି ନ ନେଇଥିବା ରିପୋର୍ଟ ଅନୁଯାୟୀ, ଅନେକ ପ୍ରମାଣ ଅଛି ଯାହା ପ୍ରମାଣ କରେ ଯେ ଲୋକମାନେ ପିନ୍ଧିଥିବା ୟୁନିଫର୍ମ ଚୀନ୍ ସେନାର ଥିଲା । କେବଳ ଏତିକି ନୁହେଁ ଶ୍ରୀଲଙ୍କାର ପ୍ରତ୍ନତତ୍ତ୍ୱ ବିଭାଗର ଅନୁମୋଦନ ନ ନେଇ ଆବର୍ଜନା ଖୋଳିବା କାର୍ଯ୍ୟ ମଧ୍ୟ କରାଯାଇଥିଲା । ଫୁଟେଜ ଭାଇରାଲ ହେବା ମାତ୍ରେ କାମ ବନ୍ଦ କରିବାକୁ ଅନୁମତି ଦିଆଯାଇଥିଲା.
