Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ଫେଲ୍ ମାରିଲା ବ୍ୟାଟିଂ, ଦକ୍ଷିଣ ଆଫ୍ରିକା ନିକଟରୁ ୩୧ ରନରେ ହାରିଲା ଭାରତ
  • ||
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||

ଶ୍ରୀ ଗଣେଶ ଲେଖିଥିଲେ ମହାଭାରତ : ମହର୍ଷି ବେଦବ୍ୟାସଙ୍କ ସମ୍ମୁଖରେ ରଖିଥିଲେ ୨ଟି ସର୍ତ୍ତ

21/04/2020 at 7:41 PM

ଭୁବନେଶ୍ୱର ୨୧/୦୪ : ମହାଭାରତ ଯୁଦ୍ଧ ସମ୍ପର୍କରେ ପ୍ରତ୍ୟକ ମଣିଷ ପରିଚିତ | କିନ୍ତୁ ମହାଭାରତ କିଏ ଲେଖିଥିଲେ ତାହା ବହୁତ କମ ଲୋକ ଜାଣିଛନ୍ତି | ଅଧିକାଂଶ ଲୋକ ଜାଣିଛନ୍ତି ଯେ ମହାଭାରତ ମହର୍ଷି ବେଦବ୍ୟାସ ଲେଖିଛନ୍ତି | ବହୁତ କମ ଲୋକ ଜାଣିଛନ୍ତି ଯେ ମହର୍ଷି ବେଦବ୍ୟାସ ମହାଭାରତ କଥା ସମ୍ପର୍କରେ ବ୍ୟାଖ୍ୟା କରିଥିଲେ କିନ୍ତୁ ଲେଖିନଥିଲେ | ମହାଭାରତ ମହାଦେବ ଓ ପାର୍ବତୀ ପୁତ୍ର ଶ୍ରୀ ଗଣେଶ ଲେଖିଥିଲେ | ଧାର୍ମିକ ତଥ୍ୟ ଅନୁସାରେ ଯେତେବେଳେ ମହର୍ଷି ବେଦବ୍ୟାସ ମହାଭାରତ କାବ୍ୟ ରଚନା କରିବାକୁ ଚିନ୍ତା କରିଥିଲେ ସେତେବେଳେ ସେ ଏମିତି ଜଣେ ଲେଖକଙ୍କୁ ଖୋଜୁଥିଲେ ଯିଏ ତାଙ୍କ ବିଚାରରେ ବାଧା ନଦେଇ ଲଗାତାର ଲେଖିପାରିବେ |

ଠିକ ଏତିକିବେଳେ ମହର୍ଷି ବେଦବ୍ୟାସଙ୍କୁ ଗଣେଶଙ୍କ ବିଦ୍ୟା ଓ ଲେଖନୀ କଥା ମନେପଡ଼ିଗଲା | କାରଣ ଗଣେଶ ବିଦ୍ୟା ଓ ଲେଖନୀର ଅଧିପତି | ଶାସ୍ତ୍ରରେ ମଧ୍ୟ ଦୁଃଖ ହର୍ତ୍ତା ଗଣେଶଙ୍କ ଲେଖନୀ ଶକ୍ତିକୁ ଅଦ୍ୱିତୀୟ ବୋଲି ବିଶ୍ୱାସ ରହିଛି | ଗଣେଶଙ୍କ କଥା ମନେପଡିବ ପରେ ମହର୍ଷି ବେଦବ୍ୟାସ ଗଣେଶଙ୍କୁ ଅନୁରୋଧ କରିଥିଲେ | ମହର୍ଷିଙ୍କ ଅନୁରୋଧ ରକ୍ଷା କରି ଗଣେଶ ବେଦବ୍ୟାସଙ୍କ ମହାକାବ୍ୟର ଲେଖକ ହେଲେ | ମହର୍ଷି ବେଦବ୍ୟାସଙ୍କ କଥା ଶୁଣିବା ପରେ ମହାଭାରତ ଲେଖିବାକୁ ଗଣେଶ ପ୍ରସ୍ତୁତ ହେଇଗଲେ କିନ୍ତୁ ମହର୍ଷିଙ୍କ ସମ୍ମୁଖରେ ଦୁଇଟି ସର୍ତ୍ତ ରଖିଥିଲେ |

ମହର୍ଷିଙ୍କୁ ଗଣେଶ କହିଲେ ଯେ ମହାଭାରତ ଲେଖକ ତ ହେବେ କିନ୍ତୁ ମହର୍ଷି କ୍ଷଣକ ପାଇଁ ମଧ୍ୟ କାହାଣୀ କହିବା ସମୟରେ ବିଶ୍ରାମ ନେବେ ନାହିଁ | ଯଦି ମହର୍ଷି କ୍ଷଣକ ପାଇଁ ମଧ୍ୟ ବିଶ୍ରାମ ନିଅନ୍ତି ତାହେଲେ ସେ ଲେଖା ଛାଡ଼ିଦେବେ | ଏହାସହ କହିଲେ ପ୍ରତ୍ୟେକ ପଂକ୍ତି କହିବା ପୂର୍ବରୁ ତାଙ୍କୁ ତାର ଅର୍ଥ ବୁଝାଇବାକୁ ପଡ଼ିବ |

ମହର୍ଷି ବେଦବ୍ୟାସ ଗଣେଶଙ୍କ ଦୁଇଟି ସର୍ତ୍ତରେ ରାଜି ହୋଇଥିଲେ | ଗଣେଶଙ୍କ ସର୍ତ୍ତରେ ରାଜି ହେବାପରେ ବେଦବ୍ୟାସ ଏବଂ ଗଣେଶ ସମ୍ନାସାମ୍ନି ବସିଲେ | ମହର୍ଷି ଦ୍ରୁତ ଗଟୁରେ କହିବା ଆରମ୍ଭ କରିଥିଲେ | ଗଣେଶ ମଧ୍ୟ ସେହି ଗତିରେ ଲେଖିବା ଆରମ୍ଭ କରିଥିଲେ |

ମହାଭାରତ ଲେଖନୀ କାର୍ଯ୍ୟ ୩ ବର୍ଷରେ ସମ୍ପୂର୍ଣ୍ଣ ହୋଇଥିଲା ବୋଲି ବିଶ୍ୱାସ ରହିଛି | ଏହି ୩ ବର୍ଷ ମଧ୍ୟରେ ଗଣେଶ ଥରେ ମଧ୍ୟ ମହର୍ଷି ବେଦବ୍ୟାସଙ୍କୁ ରୋକି ନଥିଲେ ଏବଂ ମହାକାବ୍ୟ ଲେଖା ସମ୍ପୂର୍ଣ୍ଣ କରିଥିଲେ |

   Related Posts