Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ ବାହିନୀର ସ୍ଵପ୍ନ ଧୂଳିସାତ: ଟେଷ୍ଟ କ୍ରିକେଟ୍‌କୁ ମିଳିଲା ନୂଆ ବାଦଶାହା, ଭାରତକୁ ୮ ଓ୍ଵିକେଟ୍‌ରେ ହରାଇ ବିଶ୍ଵ ଟେଷ୍ଟ ଚମ୍ପିଆନସିପ୍‌ ଜିତିଲା ନ୍ୟୁଜିଲାଣ୍ଡ
  • ||
  • ଭୁବନେଶ୍ୱରରେ ଆଜି ୩୭୫ ପଜିଟିଭ୍‌ ଚିହ୍ନଟ
  • ||
  • ବନ୍ଦିତା ପରିଡ଼ା ହେଲେ ମହିଳା କଂଗ୍ରେସ ସଭାନେତ୍ରୀ
  • ||
  • ୟୁକେ ହାଇକୋର୍ଟରୁ ନିରବ ମୋଦୀଙ୍କୁ ଝଟକା, ପ୍ରତ୍ୟର୍ପଣ ବିରୋଧରେ ଦାଖଲ ଆବେଦନ ଖାରଜ, ଏବେ ଭାରତ ଆସିବାକୁ ପଡିବ !
  • ||
  • ଭୁବନେଶ୍ବର : ଗୋରୁ ଚୋରା ଚାଲାଣ ବେଳେ ଜବତ ହେଲା ପିକଅପ୍ ଭ୍ୟାନ୍, ୫ ଗୋରୁ ଉଦ୍ଧାର, ଦଲାଲ ଫେରାର
  • ||
  • ଭୁବନେଶ୍ବର : ରାଜଧାନୀରେ ମାତିଲେ ଲୁଟେରା : ତାଲା ଭାଙ୍ଗି ଦୋକାନରେ ବୁଲାଇଲେ କଳାକନା, ସିସିଟିଭିରେ କଏଦ ହେଲା ଦୃଶ୍ୟ
  • ||
  • ଭୁବନେଶ୍ବର : ଅନଲକ୍ ପ୍ରକ୍ରିୟା ଆରମ୍ଭ ପରେ ଲୋକେ ମାନୁନାହାନ୍ତି କୋଭିଡ୍ ନିୟମ, ସୃଷ୍ଟି ହୋଇପାରେ ବିପଦ – ଡିଏମଇଟି
  • ||
  • ଭୁବନେଶ୍ବର : ଚଳିତ ବର୍ଷ ୩୦% ହ୍ରାସ ହେବ ନବମ ଓ ଦଶମ ଶ୍ରେଣୀର ସିଲାବସ୍ – ଗଣଶିକ୍ଷା ମନ୍ତ୍ରୀ
  • ||
  • କାମାକ୍ଷାନଗର : ଜଙ୍ଗଲକୁ ଯାଇଥିବା ବେଳେ ପଡିଗଲେ ଭାଲୁ ହାବୁଡରେ, ଆକ୍ରମଣରେ ୨ ଗୁରୁତର
  • ||
  • ଦେଶରେ ତଳମୁହାଁ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦ ହଜାରରୁ ଅଧିକ ପଜିଟିଭ୍,୧୩୫୮ ମୃତ
  • ||

ଶ୍ରୀଅଲାରନାଥ

30/06/2018 at 12:14 PM

ମହାପ୍ରଭୁ ଶ୍ରୀଜଗନ୍ନାଥଙ୍କ ଅନବସର କାଳରେ ଚଳଚଞ୍ଚଳ ହୋଇଉଠେ ବ୍ରହ୍ମଗିରିର ଅଲାରନାଥ ପୀଠ | ୧୫ ଦିନର ଅନବସର କାଳରେ ଶ୍ରୀକ୍ଷେତ୍ରରେ ଶ୍ରୀଜିଉମାନଙ୍କର ଦର୍ଶନ ପାଇବାରୁ ବଞ୍ଚିତ ହେଉଥିବା ଭକ୍ତମାନେ ଅଲାରନାଥଙ୍କୁ ଦର୍ଶନ କରି ସମାନ ଫଳ ଲାଭ କରିଥାନ୍ତି ବୋଲି ବିଶ୍ୱାସ ରହିଛି | ଗଜପତି ମହାରାଜ ପ୍ରତାପରୁଦ୍ରଦେବଙ୍କ ସମୟରେ ଅଲାରନାଥ ଦର୍ଶନର ପରମ୍ପରା ଆରମ୍ଭ ହୋଇଥିଲା | ଶ୍ରୀଚୈତନ୍ୟ ମହାପ୍ରଭୁ ଅନବସର କାଳରେ ଅଲାରନାଥଙ୍କୁ ଦର୍ଶନ କରି ଏକ ମହାନ ତଥ୍ୟ ପରିବେଷଣ କରିଥିଲେ |
ଅନବସରରେ ଜଗନ୍ନାଥ ନା ପାୟା ଦର୍ଶନ
ବିରହେ ଅଲାରନାଥ କରିଲା ଗମନ
ପୁରୀ ଠାରୁ ୬ କୋଶ ( ପ୍ରାୟ ୨୨କି:ମି) ପଶ୍ଚିମକୁ ପୁରୀ ସାତପଡ଼ା ରାସ୍ତାରେ ଗଲେ ପଡିଥାଏ ବ୍ରହ୍ମଗିରି | କୁହାଯାଏ ଏଠାରେ ବ୍ରହ୍ମ ସ୍ୱର୍ଗରୁ ଅବତରଣ କରିଥିଲେ | ବ୍ରହ୍ମଗିରିର ପ୍ରସିଦ୍ଧ ଅଲାରନାଥ ମନ୍ଦିରର ଇତିହାସରୁ ଜଣାଯାଏ ଅଲାରନାଥ ଆଲବରମାନଙ୍କ ଉପାସ୍ୟ ଠାକୁର ଥିଲେ | ବ୍ରହ୍ମନାରାୟଣ ଅଲାରନାଥଙ୍କୁ ଅନେକେ ଆଲବରନାଥ, ଆଲବନ୍ଦୀରନାଥ,ଆଲାଲ୍ୟନାଥ ଆଦି ନାମରେ ସମ୍ବୋଧନ କରିଥାନ୍ତି | ଠାକୁରଙ୍କ ନାମରେ ଏଠାରେ ଅଲାରପୁର ନାମରେ ଏକ ଗ୍ରାମ ଗଢି ଉଠିଛି | ଅଲାରନାଥ ସଙ୍ଖୋଳିବା ମୁଦ୍ରାରେ ଶ୍ରୀକୃଷ୍ଣଙ୍କର ଦଣ୍ଡାୟମାନ ମଣିବିଗ୍ରହ | ଅନବସର ସମୟରେ ଅଲାରନାଥ ପୀଠରେ ଗୁରୁତ୍ୱ ବହୁ ଗୁଣରେ ବୃଦ୍ଧି ପାଇଥିଲା | ଅଲାରନାଥ ମନ୍ଦିର ପରିସରରେ ଏକ ଚୈତନ୍ୟ ଶିଳା ମଧ୍ୟ ରହିଛି | ଏହି ଶିଳାରେ ଶ୍ରୀଚୈତନ୍ୟଙ୍କ ଶରୀରର ଚିହ୍ନ ରହିଥିବାର ପଣ୍ଡାମାନେ ଦେଖାଇଥାନ୍ତି |
ଶ୍ରୀକ୍ଷେତ୍ରର ମହାପ୍ରସାଦ ପରି ଅଲାରନାଥର କ୍ଷୀରୀ ପ୍ରସାଦ ବିଖ୍ୟାତ | ଠାକୁରଙ୍କ ବିଗ୍ରହର ଛାତିରେ ଓ ପାଦରେ ରହିଥିବା ଧଳା ଚିହ୍ନକୁ ଦେଖାଇ ମନ୍ଦିର ସେବକମାନେ କୁହନ୍ତି ‘କ୍ଷୀରୀ ପ୍ରିୟ ଠାକୁର ତରବରରେ କ୍ଷୀରୀ ଖାଉ ଖାଉ ଛାତି ଓ ପାଦରେ ଗରମ କ୍ଷୀରୀ ପଡି ଏହି ଚିହ୍ନ ସୃଷ୍ଟି ହୋଇଛି |’ କୁହାଯାଏ ନୀଳଗିରିର ଜଗନ୍ନାଥ ଓ ବ୍ରହ୍ମଗିରିର ଅଲାରନାଥ ଏକ ଓ ଅଭିନ୍ନ |

   Related Posts