ବୌଦ୍ଧ, ୧୩/୦୭: ବୌଦ୍ଧ ଜିଲ୍ଲା ମନମୁଣ୍ଡା ଥାନା ମଲ୍ଲିକପଡା ଗ୍ରାମରେ ଅଘଟଣ । ଛାତର ଫଲ୍ସ ଖୋଲୁଥିବା ବେଳେ ଜୀବନ ହାରିଲେ ଶ୍ରମିକ l
ମିଳିଥିବା ସୂଚନା ଅନୁଯାୟୀ, ମଲ୍ଲିକପଡା ଗ୍ରାମରେ ମନମୁଣ୍ଡା ବନ ବିଭାଗ ରେଞ୍ଜ ପକ୍ଷରୁ ଜାଇକା ପ୍ରକଳ୍ପର ଏକ ଗୃହ ନିର୍ମାଣ କାର୍ଯ୍ୟ ଚାଲିଥିଲା l ଉକ୍ତ ନିର୍ମାଣାଧିନ ଗୃହର ଛାତ ପଡିଥିବା ବେଳେ ତାର ଫଲ୍ସ ଖୋଲିବା ପାଇଁ ବିଳାସପୁର ଗ୍ରାମ ପଞ୍ଚାୟତ ଖଇରହନା ଗ୍ରାମର ରବୀନ୍ଦ୍ର ମାଝୀଙ୍କୁ ଶ୍ରମିକ ଭାବେ ବନ ବିଭାଗ ନିୟୋଜିତ କରିଥିଲା | ରବୀନ୍ଦ୍ର ଏକୁଟିଆ କାମ କରୁଥିବା ବେଳେ ତାଙ୍କ ଉପରେ ଫଲ୍ସ ମାଡି ବସି ପୋତି ହୋଇ ଯାଇଥିଲେ l
ଫଳରେ ଘଟଣାସ୍ଥଳରେ ହିଁ ରବୀନ୍ଦ୍ରଙ୍କ ମୃତ୍ୟୁ ହୋଇ ଥିବା ଜଣାପଡିଛି। ଘଟଣା ଜଣା ପଡିବା ପରେ ମନମୁଣ୍ଡା ବନ ବିଭାଗ ଓ ପୋଲିସକୁ ଗ୍ରାମବାସୀମାନେ ସୂଚନା ଦେଇଥିଲେ । ମନମୁଣ୍ଡା ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଚଳାଇଛି ।