ନୂଆଦିଲ୍ଲୀ ୨୪/୧୧: ପ୍ରକୃତରେ କେବେ ମିଳିବ କରୋନା ଭ୍ୟାକ୍ସିନ୍ ? ଭ୍ୟାକ୍ସିନ ବଜାରରେ ଉପଲବ୍ଧ ହେଲେ ବି ଦାମ କେତେ ରହିବ ? ଏଭଳି ପ୍ରଶ୍ନ ଏବେ ଲୋକଙ୍କ ମନରେ ଉଙ୍କିମାରୁଛି। ଏହାରି ଭିତରେ ଋଷ କରୋନା ଭ୍ୟାକ୍ସିନ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ସ୍ପୁଟନିକ୍-ଭିର ମୂଲ୍ୟ ଅନ୍ତର୍ଜାତୀୟ ବଜାରରେ ୧୦ ଡଲାରରୁ କମ୍ ରହିବ। କିନ୍ତୁ ଋଷ ନାଗରିକଙ୍କ ପାଇଁ ଏହା ମାଗଣାରେ ମିଳିବ ବୋଲି ଜଣାପଡ଼ିଛି।
ତେବେ ଜଣେ ବ୍ୟକ୍ତିଙ୍କ ପାଇଁ ସ୍ପୁଟନିକ୍-ଭିର ଦୁଇଟି ଡୋଜ୍ ଆବଶ୍ୟକ ପଡ଼ିବ। ସ୍ପୁଟନିକ୍-ଭିର ଡେଲିଭରି ଜାନୁଆରୀରୁ ଆରମ୍ଭ ହେବ। ଅନ୍ତର୍ଜାତୀୟ ବଜାରକୁ ୨୦୨୧ ଜାନୁଆରୀରୁ ଋଷ ଭ୍ୟାକ୍ସିନ୍ର ଡେଲିଭରି ବିଦେଶୀ କମ୍ପାନୀଗୁଡ଼ିକ ସହ ହୋଇଥିବା ବୁଝାମଣା ଆଧାରରେ ସାଧାରଣ ଲୋକଙ୍କ ପାଇଁ ହେବ । ତେବେ ଏନେଇ ରସିଆନ୍ ଡାଇରେକ୍ଟ ଇନ୍ଭେଷ୍ଟମେଣ୍ଟ ଫଣ୍ଡ (ଆରହିଆଇଏଫ୍) ବିଜ୍ଞପ୍ତି ଜାରି କରିଛି।
ମିଳିଥିବା ସୂଚନା ଅନୁସାରେ ସ୍ପୁଟନିକ୍-ଭିର ପ୍ରଥମ ଡୋଜ୍ ଦେବାର ୨୮ ଦିନ ପରେ ୯୧.୪ ପ୍ରତିଶତ ପ୍ରଭାବଶାଳୀ ରହୁଛି। ତେଣୁ ଏହାର ଦୁଇଟି ଡୋଜ୍ ଆବଶ୍ୟକ ପଡ଼ିବ ବୋଲି କୁହାଯାଉଛି।