Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

କ୍ରୀଡା ବଜେଟରେ କାଟ୍‌ଛାଟ୍, ଗତ ଥର ଅପେକ୍ଷା କମିଲା ୨୩୦ କୋଟି ଟଙ୍କା

2/02/2021 at 11:25 AM

ନୂଆଦିଲ୍ଲୀ, ୦୨/୦୨: ସୋମବାର ସଂସଦରେ ୨୦୨୧-୨୨ ବର୍ଷର ବାର୍ଷିକ ବଜେଟ ଉପସ୍ଥାପନ କରିଥିଲେ ନିର୍ମଳା ସୀତାରମଣ । କରୋନା ମହାମାରୀରୁ ଭାରତୀୟ ଅର୍ଥନୀତି ଧୀରେ ଧୀରେ ଅଣ୍ଟା ସଳଖି ଛିଡ଼ା ହେବାକୁ ବଜେଟରେ ଅନେକ ଚେଷ୍ଟା କରାଯାଇଛି ।

ବଜେଟରେ କେନ୍ଦ୍ର ସରକାର ସବୁ ଦିଗକୁ ସନ୍ତୁଳିତ କରିବାର ପ୍ରୟାସ କରି କିଛି କାଟଛାଟ୍‌ କରିଛନ୍ତି । ତେଣୁ କ୍ରୀଡ଼ା ବାବଦକୁ ଯେତିକି ଅର୍ଥ ଗତ ବଜେଟରେ ମିଳିଥିଲା, ସେଥିରେ ହ୍ରାସ କରାଯାଇଛି । ଚଳିତ ବର୍ଷ ମୋଟ୍‌ ୨୫୯୬.୧୪ କୋଟି ଟଙ୍କା କ୍ରୀଡ଼ା ପାଇଁ ବ୍ୟୟ ବରାଦ ହେବା ନେଇ ଘୋଷଣା କରାଯାଇଛି । ଯାହା ଗତ ବଜେଟରେ ୨୮୨୬.୯୬ କୋଟି ଟଙ୍କା ଥିଲା । ତେଣୁ ଏଥର ପୂର୍ବାପେକ୍ଷା ୨୩୦.୭୮ କୋଟି ଟଙ୍କା କମିଥିବା ଜଣାପଡିଛି ।

ସୂଚନାନୁସାରେ, ୨୦୨୦-୨୧ ବଜେଟରେ ପ୍ରଥମେ ୨୮୨୬.୯୬ କୋଟି ଟଙ୍କା କ୍ରୀଡ଼ା ପାଇଁ ଘୋଷଣା ହୋଇଥିଲା । କିନ୍ତୁ କରୋନା ମହାମାରୀ ଯୋଗୁ ସମସ୍ତ ଇଭେଣ୍ଟ ଏବଂ ଅନ୍ୟାନ୍ୟ କାର୍ଯ୍ୟ ବନ୍ଦ ରହିବାରୁ କେନ୍ଦ୍ର ସରକାର ଏହି ବଜେଟକୁ ସଂଶୋଧନ କରି ୧୮୦୦.୧୫ କୋଟି ଟଙ୍କା କରିଥିଲେ । ଏହିତୁଳନାରେ ଚଳିତ ବର୍ଷ ପୂର୍ବାପେକ୍ଷା ୭୯୫.୯୯ କୋଟି ଟଙ୍କା ବୃଦ୍ଧି କରାଯାଇଛି ବୋଲି କୁହାଯାଉଛି ।

ଗତ ବଜେଟରେ ଖେଲୋ ଇଣ୍ଡିଆ ଯୋଜନା ପାଇଁ ୮୯୦.୪୨ କୋଟି ଟଙ୍କା ବ୍ୟୟ ବରାଦ ହୋଇଥିଲା। ଏଥର ଏହାକୁ ହ୍ରାସ କରାଯାଇଛି ୬୫୭.୭୧ କୋଟି ଟଙ୍କା କରାଯାଇଛି । ଭାରତୀୟ କ୍ରୀଡ଼ା ପାଧିକରଣ (ସାଇ) ପାଇଁ ଗତ ବର୍ଷ ୫୦୦ କୋଟି ଟଙ୍କା ଥିଲା । ଚଳିତ ବର୍ଷ କିନ୍ତୁ ଏହାକୁ ୬୬୦.୪୧ କୋଟି ଟଙ୍କାକୁ ବୃଦ୍ଧି କରି ଦିଆଯାଇଛି । ଜାତୀୟ କ୍ରୀଡ଼ା ଫେଡେରେସନ୍‌ ୨୮୦ କୋଟି ଟଙ୍କା ବଜେଟରେ ଆବଣ୍ଟନ କରାଯାଇଛି ।

   Related Posts