କେନ୍ଦ୍ରାପଡ ୨।୮: ପଟ୍ଟାମୁଣ୍ଡାଇରୁ ୪୦ କିଲୋମିଟର ଦୂର ରାଜନଗର ଜଳି ଛକ ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା। ଏକ ଦ୍ରୁତଗାମୀ ହାଇୱା ୨ଟି ବାଇକ୍ ରେ ଯାଉଥିବା ୩ ଜଣଙ୍କ ଉପରେ ମାଡି ଯାଇ ରାସ୍ତାକଡକୁ ଓଲଟି ପଡିଛି। ଫଳରେ ବାଇକ୍ ରେ ଯାଉଥିବା ଏକ ନାବାଳକ ସମେତ ୩ଜଣଙ୍କ ମୃତ୍ୟୁ ହୋଇଛି।
{"id":140123,"width":575,"height":324}ଦୁର୍ଘଟଣାରେ ମୃତକଙ୍କ ଚିହ୍ନଟ ହୋଇ ପାରିନାହିଁ। ୨ଟି ବାଇକ୍ ହାଇୱା ତଳେ ଦବି ରହିଥିବା ବେଳେ ଅନ୍ୟ ବାଇକଟି ଚୁରମାର ହୋଇ ଯାଇଛି। ଏଣୁ ବାଇକ୍ ଅଥବା ଚାଳକଙ୍କ ଚିହ୍ନଟ ସମ୍ଭବ ହୋଇପାରି ନାହିଁ। ଦୁର୍ଘଟଣା ପରେ ପରେ ସ୍ଥାନୀୟ ଲୋକେ ପହଞ୍ଚି ଉଦ୍ଧାର କରିବାକୁ ଉଦ୍ୟମ କରିଥିଲେ। ତେବେ ଘଟଣାସ୍ଥଳରେ ସମସ୍ତଙ୍କ ମୃତ୍ୟୁ ହୋଇଛି। ଦୁର୍ଘଟଣା ପରେ ହାଇୱା ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି।