Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଶ୍ବକେଶନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ମହାରାଷ୍ଟ୍ର ସ୍ଥିତି ସଙ୍ଗୀନ: ୨୪ ଘଣ୍ଟାରେ ୭୭୩ ମୃତ, ୬୬୮୩୬ ନୂଆ ସଂକ୍ରମିତ ଚିହ୍ନଟ
  • ||
  • ବିଶ୍ବକେତନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||
  • ଆନନ୍ଦପୁର : ଯୁକ୍ତ ୨ ପରୀକ୍ଷା ବାତିଲ ଦାବିରେ ୨ଟି ମହାବିଦ୍ୟାଳୟ ଛାତ୍ରଙ୍କ ରାସ୍ତାରୋକ
  • ||

ବାଘୁଣୀ ଆତଙ୍କ : ନିଶ୍ଚେତକକାରୀ ଦଳକୁ ଚକମା ଦେଇ ଖସିଗଲା ସୁନ୍ଦରୀ, ନୂଆସାହିରେ ପୁଣି ମାରିଲା ବଳଦ; ଚିନ୍ତାରେ ବନବିଭାଗ

24/10/2018 at 2:57 PM

ଅନୁଗୁଳ ୨୪/୧୦ : ବହୁତ ହଲାପଟା କଲାଣି ସୁନ୍ଦରୀ ବାଘୁଣୀ | ଗତକାଲିଠାରୁ ଛକି ବସିଥିବା ଟାଙ୍କୁଲାଇଜିଙ୍ଗ ଦଳକୁ ଚକମା ଦେଇ ଡିଆଁ ମାରି ଫେରାର ହୋଇଯାଇଛି ସୁନ୍ଦରୀ | ଟାଇଁସି ଜଙ୍ଗଲ -୧ରୁ ଟାଇଁସି-୨ ଜଙ୍ଗଲ ଭିତରକୁ ଖସି ଯିବା ପୂର୍ବରୁ ରକ୍ତମୁଖା ହୋଇଛି ସୁନ୍ଦରୀ | ନୁଆସାହି ଗାଁ ଭିତରେ ପଶି ଗୋଟିଏ ବଳଦକୁ ଆକ୍ରମଣ କରି ଜଙ୍ଗଲ ମଧ୍ୟକୁ ଖସି ପଲାଇଛି | ଫଳରେ ଟାଙ୍କୁଲାଇଜିଙ୍ଗ ଦଳ ପାଇଁ ଅସୁବିଧା ସୃଷ୍ଟି ହୋଇଛି |

ଟାଙ୍କୁଲାଇଜିଙ୍ଗ ବେଳେ ୫ ମିଟର ଦୂରରୁ ଟ୍ରାଙ୍କୁଲାଇଜ କରିପାରିଲାନି ବନ ବିଭାଗ | ୫ ଫୁଟ ଉଚ୍ଚକୁ ଡିଆଁ ମାରି ଖସିଗଲା ସୁନ୍ଦରୀ | ଟାଙ୍କୁଲାଇଜିଙ୍ଗ ପାଇଁ ଜଙ୍ଗଲ ଭିତରୁ ବାଘୁଣୀକୁ ଘଉଡ଼ାଇ ଆଣିଥିଲେ ୧୦ରୁ ୧୫ ଜଣ ବନ କର୍ମଚାରୀ | ଗତକାଲି ମଧ୍ୟ ସମାନ ପରିସ୍ଥିତି ହୋଇଥିଲା |

ଗତକାଲି ରାତି ପାହିଗଲା ହେଲେ ଫେଲ ମାରିଲା ସୁନ୍ଦରୀକୁ ଟ୍ରାଙ୍କୁଲାଇଜ୍ କରିବା ଉଦ୍ୟମ । ବନ କର୍ମଚାରୀ ନରହନ୍ତା ବାଘୁଣୀକୁ ଟ୍ରାଙ୍କୁଲାଇଜ କରିପାରିନଥିଲେ । ସୂଚନାଯୋଗ୍ୟ ଯେ, ଓୟୁଏଟିର ଗୋଟିଏ ଓ ନନ୍ଦନକାନନର ୩ ଟି ଟିମ୍ କୁମୁରି ଗାଁରେ ଡେରା ପକାଇ ବାଘର ଗତିବିଧି ଉପରେ ନଜର ରଖିଛନ୍ତି । ସୁନ୍ଦରୀକୁ କାବୁ କରିବା ପାଇଁ ଛେଳି ବନ୍ଧା ହୋଇଥିବା ବେଳେ ମଞ୍ଚା ଉପରେ ଛକି ବସିଥିଲେ ଟାଙ୍କୁଲାଇଜିଙ୍ଗ ଦଳ । ଏପରିକି ଯନ୍ତା ମଧ୍ୟ ପ୍ରସ୍ତୁତ ରଖାଯାଇଥିଲା । ହେଲେ ଧରା ଦେଲାନି ସୁନ୍ଦରୀ ।

ସୂଚନାଯୋଗ୍ୟ ଯେ, ପ୍ରଥମେ ଜଣେ ମହିଳା ଏବଂ ପରେ ସ୍ଥାନୀୟ ଟାଇଁସା ଗାଁର ଜଣେ ଚାଷୀଙ୍କୁ ମାରିବା ପରେ ସାମ୍ବାଦିକଙ୍କ ଉପରେ ଆକ୍ରମଣ କରିଥିଲା ସୁନ୍ଦରୀ । ଏହା ସହ ସୋମବାର ଏକ ବଳଦକୁ ମାରି ପକାଇଥିଲା । ଏ ଘଟଣାକୁ ନେଇ ଗାଁରେ ପ୍ରବଳ ଉତେଜନା ଦେଖାଦେଇଥିଲା । ବାରମ୍ବାର ଲୋକ ଓ ଜୀବଜନ୍ତୁଙ୍କ ଉପରେ ଆକ୍ରମଣ କରୁଥିବାରୁ ମଣିଷଖିଆ ସୁନ୍ଦରୀକୁ ଅନ୍ୟତ୍ର ସ୍ଥାନାନ୍ତର କରିବାକୁ ଗ୍ରାମବାସୀମାନେ ଦାବି କରିଥିଲେ । ଫଳରେ ବାଘୁଣୀକୁ ଟ୍ରାଙ୍କୁଲାଇଜ କରାଯାଇ ରାଇଗଡ଼ ଏନକ୍ଲୋଜରକୁ ଆଣିବାକୁ ନିଷ୍ପତ୍ତି ହୋଇଥିଲା । ତେଣୁ ସାତକୋଶିଆ କୋଠଭୂଇଁ ପଞ୍ଚାୟତ କୁମୁରି ଗାଁ ନିକଟରେ ଚାଲିଛି ସୁନ୍ଦରୀକୁ ଟ୍ରାଙ୍କୁଲାଇଜ୍ କରିବା ଅପରେସନ । ବାଘୁଣୀ ସୁନ୍ଦରୀକୁ ଟ୍ରାଙ୍କୁଲାଇଜ୍‌ କରି ସାତକୋଶିଆ ବାହାରକୁ ନେବାକୁ ଅନୁଗୋଳ ଜିଲ୍ଲାପାଳ ଜଙ୍ଗଲ ଓ ପରିବେଶ ବିଭାଗକୁ ଚିଠି ଲେଖିଥିଲେ । ତେଣୁ ସେହି ଅନୁସାରେ ଜଙ୍ଗଲ ବିଭାଗ କାମ କରୁଛି । ସଂଧ୍ୟା ସୁଦ୍ଧା ସୁନ୍ଦରୀକୁ କାବୁ କରିବାକୁ ଯୋଜନା ରହିଛି । ଏପଟେ ଲୋକଙ୍କୁ ବାହାରକୁ ନବାହାରିବା କୁହାଯାଇଥିବା ବେଳେ ଗାଁ ଲୋକଙ୍କ ସହାୟତା ବି ନେଉଛି ବନ ବିଭାଗ ।

   Related Posts