Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପର ମୁଣ୍ଡରେ ନାହିଁ ବଡ ବର୍ଷା, ରେଙ୍ଗାଳିରୁ ଗୋଟିଏ ଗେଟ୍ ଦେଇ ନିଷ୍କାସନ ହେଉଛି ବନ୍ୟାଜଳ
  • ||
  • ସାଲେପୁର : AC ମେକାନିକ୍‌ଙ୍କ କାରନାମା, ମହିଳାଙ୍କ ଗାଧୁଆ ଘରେ ରେକର୍ଡିଂ ମୋଡ୍‌ରେ ମୋବାଇଲ୍ ରଖି ହେଲେ ଗିରଫ
  • ||
  • ଦେଶରେ କମୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୪୨ହଜାରରୁ ଅଧିକ ପଜିଟିଭ୍
  • ||
  • ଦେଶରେ କମୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୪୨ହଜାରରୁ ଅଧିକ ପଜିଟିଭ୍
  • ||
  • ବାରିପଦା : ଆଜିଠୁ ଖୋଲିଲା ଦ୍ବିତୀୟ ଶ୍ରୀକ୍ଷେତ୍ର, ମୟୂରଭଞ୍ଜର ସମସ୍ତ ମଠ ମନ୍ଦିରରେ ଦର୍ଶନ କରିପାରିବେ ଶ୍ରଦ୍ଧାଳୁ
  • ||
  • ମହାକାଳପଡା : ଆଜିଠୁ ଖୋଲିଲା ଐତିହାସିକସ୍ଥଳୀ ହୁକିଟୋଲା, ଜଳଯାତ୍ରାର ମଜା ଉଠାଉଛନ୍ତି ପର୍ଯ୍ୟଟକ
  • ||
  • ବୌଦ୍ଧ : ଚୋରା ଚାଲାଣ ବେଳେ ୧୬ପେଟି କଫ୍ ସିରପ୍ ଜବତ, ସ୍କର୍ପିଓ ସହ ଜଣେ ଗିରଫ
  • ||
  • ଇତିହାସ ରଚିଲା ଭାରତୀୟ ହକି ଟିମ୍, ୪୧ ବର୍ଷ ପରେ ଅଲିମ୍ପିକ୍ସରେ ଜିତିଲା ପଦକ
  • ||
  • ଇତିହାସ ରଚିଲା ଭାରତୀୟ ହକି ଟିମ୍, ୪୧ ବର୍ଷ ପରେ ଅଲିମ୍ପିକ୍ସରେ ଜିତିଲା ପଦକ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୮ ଜଣଙ୍କ ଜୀବନ
  • ||

ଆଜି ବିଶ୍ବ ହସ୍ତୀ ଦିବସ : ପ୍ରତିବର୍ଷ ହାତୀ-ମଣିଷ ସଂଘର୍ଷରେ ଯାଉଛି ଉଭୟ ପକ୍ଷର ଜୀବନ , ଯୋଜନା ଅଛି କିନ୍ତୁ ହେଉନି ଫଳପ୍ରଦ

12/08/2020 at 8:34 AM

ବାଲେଶ୍ୱର ୧୨।୦୮: ଆଜି ବିଶ୍ବ ହସ୍ତୀ ଦିବସ । ମଣିଷ-ହାତୀ ଲଢ଼େଇରେ କେତେବେଳେ ମଣିଷର ଜୀବନ ଯାଉଛି ତ କେବେ ହାତୀର। ପ୍ରକୃତିର ଅବକ୍ଷୟ ବି ହାତୀକୁ ମରଣ ମୁହଁକୁ ଠେଲିଦେଇଛି। ହାତୀର ସୁରକ୍ଷା ପାଇଁ ଯୋଜନା ହେଉଛି, ଏହା କେତେ ଫଳପ୍ରଦ ହେଉଛି ତାହା ବି ଏକ ପ୍ରଶ୍ନ। ଆଜିର ସ୍ବତନ୍ତ୍ର ଦିବସରେ ଏହି ବନ୍ୟପ୍ରାଣୀ ପାଇଁ ଚିନ୍ତା କରିବାର ସମୟ ଆସିଛି । ୨୦୧୨ ଅଗଷ୍ଟ ୧୨ରୁ ବିଶ୍ୱ ହାତୀ ଦିବସ ପାଳିତ ହୋଇ ଆସୁଛି । ଉଦେଶ୍ୟ ହାତୀ-ମଣିଷ ମଧ୍ୟରେ ସଂପର୍କ ।  ତଥ୍ୟ କହୁଛି ପ୍ରତିର୍ବଷ ହାତୀ ମଣିଷ ଲଢଇରେ ଦେଶରେ ୫ ଶହ ବ୍ୟକ୍ତି ଏବଂ ୧୦୦ ହାତୀଙ୍କ ଜୀବନ ଯାଉଛି ।

ଆଜି ବିଶ୍ବ ହସ୍ତୀ ଦିବସ । ହାତୀ ପାଇଁ ଦିନଟିଏ । ତେବେ ଉଦବେଗର ବିଷୟ ହେଉଛି ହାତୀ ବଂଶ ହ୍ରାସ ପାଇବାରେ ଲାଗିଛି । କେବଳ ଆମ ରାଜ୍ୟ ବା ଦେଶ ନୁହେଁ , ସାରା ବିଶ୍ବରେ କମୁଛି ହାତୀ ସଂଖ୍ୟା । ୨୦୧୭ ହାତୀ ଗଣନା ରିପୋର୍ଟ ଅନୁଯାୟୀ ଦେଶରରେ ୩୦ ହଜାର ହାତୀ ଅଛନ୍ତି । ଏହି ତୁଳନାରେ ଓଡ଼ିଶାରେ ଅଛନ୍ତି ୧୯ ଶହ ୭୬ଟି । ୧୯୭୯ ରେ ରାଜ୍ୟରେ ହାତୀ ସଂଖ୍ୟା ଥିଲା ୨୦୪୪ । ଶିମିଳିପାଳରେ ୩୩୦ ,ଢେଙ୍କାନାଳରେ ୧୬୯, ସାତକୋଶିଆରେ ୧୪୭, ଆଠଗଡରେ ୧୧୫, କୁଲଡିହାରେ ୯୭ଟି ହାତୀ ଅଛନ୍ତି । ତେବେ ସେମାନଙ୍କର ବଂଶ ବିସ୍ତାର ହୋଇ ପାରୁନି । ତଥ୍ୟ କହୁଛି ବିଗତ ଦଶ ବର୍ଷରେ ଓଡ଼ିଶାରେ ହାତୀ ମଣିଷ ଲଢେଇରେ ୭୪୪ ଜଣ ବ୍ୟକ୍ତିଙ୍କ ଜୀବନ ଯାଇଛି । ଏହି ସମୟରେ ୭୪୦ ହାତୀ ମରିଛନ୍ତି ।

ତେବେ କାହିଁକି ହାତୀ ବଂଶ ବଢୁନି । ଏଥିପାଇଁ କ’ଣ ସବୁ ପଦକ୍ଷେପ ନେବାକୁ ପଡିବ । ଗୋଟିଏ ହାତୀ ଦିନକୁ ଦୁଇ ଶହ ପଚାଶ ଲିଟର ପାଣି ପିଇଥାଏ । ଦେଢ କୁଇଣ୍ଟାଲ ଓଜନର ଡାଳ ପତ୍ର ଖାଇଥାଏ । ଏଥିପାଇଁ ଆବଶ୍ୟକ ଯଥେଷ୍ଟ ଜଙ୍ଗଲ ଏବଂ ନଦୀ, ଝରଣା । ଜଙ୍ଗଲ ହ୍ରାସ ପାଉଥିବାରୁ ହାତୀ ଅଣନିଶ୍ବାସୀ ହୋଇ ପଡୁଛି । ଏ ଜଙ୍ଗଲରୁ ସେ ଜଙ୍ଗଲକୁ ଧାଉଁଛି । ଜନବସତିକୁ ମୁହାଁଉଛି । ଜଙ୍ଗଲ କ୍ଷୟ, ଜଙ୍ଗଲ ଭିତରେ ବିଦ୍ୟୁତ ତାର, ବେଆଇନ ବ୍ଲାଷ୍ଟିଂ, ଶିକାରୀଙ୍କ ପାଦ୍ରଭାବ, ଆଉ ହାତୀ ମଣିଷର ବିବାଦ ଏହାର ମୁଖ୍ୟ କାରଣ । ଏହା ସହ ଏଯାଏ ହାତୀ କରିଡର ହୋଇପାରିଲା ନାହିଁ । ତେବେ ଆଗକୁ ହାତୀ ବଂଶ କିପରି ବୃଦ୍ଧି ପାଇବ , ସେଦିଗରେ ଧ୍ୟାନ ଦେବା ଆବଶ୍ୟକ ବୋଲି ଅନେକ ପ୍ରାଣୀ ଗବେଷକ କହିଛନ୍ତି ।

   Related Posts