Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ମୁସାରଫଙ୍କୁ ସଜା-ଏ-ମୌତ୍ , ଦେଶଦ୍ରୋହ ଅପରାଧରେ ସଜା ଶୁଣାଇଲା ପାକିସ୍ତାନ କୋର୍ଟ

17/12/2019 at 12:26 PM

ଇସଲାମାବାଦ ୧୭।୧୨: ପାକିସ୍ତାନର ପୂର୍ବତନ ରାଷ୍ଟ୍ରପତି ମୁସାରଫଙ୍କୁ ମୃତ୍ୟୁଦଣ୍ଡ । ଦେଶଦ୍ରୋହ ମାମଲାରେ ପରଭେଜ ମୁସାରଫଙ୍କୁ ମୃତ୍ୟୁଦଣ୍ଡ ଶୁଣାଇଛନ୍ତି  କୋର୍ଟ । ପାକିସ୍ତାନର ଏକ ସ୍ବତନ୍ତ୍ର କୋର୍ଟ ଏହି ମାମଲାର ଶୁଣାଣି କରି ସଜା ଶୁଣାଇଛନ୍ତି । କୋର୍ଟରେ ଶୁଣାଣି କରୁଥିବା ତିନି ଜଣିଆ ଖଣ୍ଡପୀଠର ୨ବିଚାରପତି ମୃତ୍ୟୁଦଣ୍ଡ ସପକ୍ଷରେ ଅଛନ୍ତି ।  ମୁସାରଫ ଏବେ ଦୁବାଇରେ ରହୁଛନ୍ତି ।

ମୁସାରଫ ବିଭିନ୍ନ ସମୟରେ ଭାରତ ବିରୋଧୀ ମନ୍ତବ୍ୟ ଦେବାର ମଧ୍ୟ ନଜର ରହିଛି । ୨୦୦୧ ଜୁନ୍ ୨ ରୁ ୧୮ ଅଗଷ୍ଟ ୨୦୦୮ ପର୍ଯ୍ୟନ୍ତ ମୁସାରଫ ପାକିସ୍ତାନର ୧୦ତମ ରାଷ୍ଟ୍ରପତି ଭାର ସମ୍ଭାଲିଛନ୍ତି । ତେବେ ଆସନ୍ତୁ ଜାଣିବା ମୁସାରଫ ରାଷ୍ଟ୍ରପତି ଥିବା ସମୟର ଘଟଣାବଳୀ ଉପରେ-

୧୯୯୯ ମସିହା ଅକ୍ଟୋବର ୧୨ ତାରିଖ- ତତ୍କାଳୀନ ସାମରିକ ବାହିନୀ ମୁଖ୍ୟ ପରଭେଜ୍ ମୁସାରଫଙ୍କୁ ଚାକିରୀରୁ ବରଖାସ୍ତ ପାଇଁ ନୱାଜ ଉଦ୍ୟମ କରି ବିଫଳ ହୋଇଥିଲେ । ତେବେ ମୁସାରଫ ବିନା ରକ୍ତପାତରେ ସରିଫଙ୍କୁ ଗାଦିଚ୍ୟୁତ କରିବାରେ ସଫଳ ହୋଇଥିଲେ । ମୁସାରଫ ବିରୋଧରେ ଷଡଯନ୍ତ୍ର ଅଭିଯୋଗରେ ଅଦାଲତ ନୱାଜଙ୍କୁ ନିର୍ବାସନ ଦଣ୍ଡରେ ଦଣ୍ଡିତ କଲେ ।

୨୦୦୨ ମସିହା ଅକ୍ଟୋବର ୧୦ ତାରିଖ- ମୁସାରଫଙ୍କ ତତ୍ତ୍ବାବଧାନରେ ସାଧାରଣ ନିର୍ବାଚନ ଅନୁଷ୍ଠିତ ହେଲା । ମୁସାରଫ ସମର୍ଥନ କରୁଥିବା ଦଳ କ୍ଷମତାକୁ ଆସିଲା ଏବଂ ଜାଫରୁଲା ଜମାଲି ହେଲେ ପ୍ରଧାନମନ୍ତ୍ରୀ
୨୦୦୪ ମସିହା ଅଗଷ୍ଟ ୨୩ ତାରିଖ- ମୁସାରଫଙ୍କ ସହ ଜମାଲିଙ୍କ ମତଭେଦ କାରଣରୁ ଜମାଲି ଇସ୍ତଫା ପ୍ରଦାନ କରିଥିଲେ । ସଉକତ ଅଜିଜ୍ ପାକିସ୍ତାନର ୨୩ତମ ପ୍ରଧାନମନ୍ତ୍ରୀ ହୋଇଥିଲେ ।

୨୦୦୭ ମସିହା ଅକ୍ଟୋବର ୫ ତାରିଖ- ରାଷ୍ଟ୍ରପତି ପରଭେଜ୍ ମୁସରଫ ଏକ ବିବାଦୀୟ ଆଇନ ପ୍ରଣୟନ କରିଥିଲେ । ଯାହା ଫଳରେ ନିର୍ବାସନରେ ଥିବା ନୱାଜ ସରିଫ ଏବଂ ବେନଜୀର ଭୁଟ୍ଟୋ ପାକିସ୍ତାନ ଫେରିଥିଲେ ।

୨୦୦୭ ନଭେମ୍ବର ୩ ତାରିଖ- ମୁସରଫଙ୍କ ରାଷ୍ଟ୍ରପତି ପଦର ବୈଧତା ନେଇ ସୁପ୍ରିମକୋର୍ଟ ପ୍ରଶ୍ନ ଉଠାଇବାକୁ ଯାଇ ରାୟ ପ୍ରଦାନ କରିବା ପୂର୍ବରୁ ମୁସାରଫ ଆଗୁଆ ପଦକ୍ଷେପ ସ୍ବରୂପ ସୁପ୍ରିମକୋର୍ଟର କେତେକ ମୁଖ୍ୟ ପଦାଧିକାରୀଙ୍କୁ ଚାକିରୀରୁ ବରଖାସ୍ତ କରିଥିଲେ ।

୨୦୦୮ ମସିହା ଅଗଷ୍ଟ ୮ତାରିଖ- ପ୍ରବଳ ରାଜନୈତିକ ଚାପ ଯୋଗୁଁ ପରଭେଜ ମୁସରଫ ରାଷ୍ଟ୍ରପତି ପଦରୁ ଇସ୍ତଫା ପ୍ରଦାନ କରିଥିଲେ ।

   Related Posts