Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନାଲରୁ ବୃଦ୍ଧାଙ୍କ ମୃତଦେହ ଉଦ୍ଧାର, ଗାଧୋଇବା ବେଳେ ନିଖୋଜ ହୋଇଯାଇଥିଲେ
  • ||
  • ହାତ ଛାଡିଲେ ପ୍ରଦୀପ ମାଝି, କଂଗ୍ରେସର ପ୍ରାଥମିକ ସଦସ୍ୟ ପଦରୁ ଦେଲେ ଇସ୍ତଫା
  • ||
  • ଟ୍ରକ୍‌କୁ ଧକ୍କା ଦେଲା ଯାତ୍ରୀବାହୀ ବସ୍, ୨ ମୃତ ଓ ୫ ଆହତ
  • ||
  • ବାଇକକୁ ଧକ୍କା ଦେଲା ଟ୍ରକ୍, ଜଣେ ମୃତ : କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ
  • ||
  • ଶିଶୁଙ୍କୁ ଟିକା ପାଇଁ ପ୍ରସ୍ତୁତି ଆରମ୍ଭ, ଶୁକ୍ରବାର ସ୍ୱାସ୍ଥ୍ୟ ଅଧିକାରୀଙ୍କୁ ପ୍ରଶିକ୍ଷଣ ଦେବ କେନ୍ଦ୍ର
  • ||
  • ଶୁକ୍ରବାର ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ, ବିଏସକେଓ୍ୱାଇ ସ୍ମାର୍ଟ କାର୍ଡ ବଣ୍ଟନର କରିବେ ଶୁଭାରମ୍ଭ
  • ||
  • ୨୬ ଯାଏଁ ଶୁଖିଲା ପାଗ : ଧିରେଧିରେ କମିବ ରାତି ତାପମାତ୍ରା, ସକାଳେ କୁହୁଡି
  • ||
  • ମମିତା ମେହେର ହତ୍ୟା ଘଟଣା : ଭୋର୍‌ରେ ଡେମୋ ଦେଖାଇଲା ଅଭିଯୁକ୍ତ ଗୋବିନ୍ଦ ସାହୁ
  • ||

ଦିନତମାମ ଚାମ୍ବରରୁ ବାହାରିଲେନି ଲୋକସଭା ବାଚସ୍ପଚି ଓମ ବିରଳା, ଜାଣନ୍ତୁ କାହିଁକି

4/03/2020 at 4:37 PM

ନୂଆଦିଲ୍ଲୀ ୪।୩:  ଦିଲ୍ଲୀ ଦଙ୍ଗାକୁ ନେଇ ଲୋକସଭାରେ ବିରୋଧୀ ଦଳ ସାଂସଦଙ୍କ ବ୍ୟବହାର ବାଚସ୍ପତି ଓମ୍ ବିରଳାଙ୍କୁ ବ୍ୟଥିତ କରିଛି। ଏଣୁ ବାଚସ୍ପତି ବୁଧବାର ଦିନ ତମାମ ଗୃହ କାର୍ଯ୍ୟରୁ ନିଜକୁ ଦୂରେଇ ରଖିଥିବା ବେଳେ ପୀଠାସୀନ ଅଧ୍ୟକ୍ଷ କିରିଟ ସୋଲାଙ୍କୀ ଗୃହ କାର୍ଯ୍ୟ ପରିଚାଳନା କରିଛନ୍ତି । ଏହି ସମୟରେ ବାଚସ୍ପତି ସଂସଦରେ ଥାଇବି ଗୃହକୁ ଆସିନଥିଲେ ଓ ନିଜକୁ ନିଜ ଚାମ୍ବରେ ବନ୍ଦ କରି ରଖିଥିଲେ।

ମିଳିଥିବା ସୂଚନା ଅନୁସାରେ ମଙ୍ଗଳବାର ଅପରାହ୍ଣର ଘଟଣା ଲୋକସଭା ବାଚସ୍ପତିକୁ ବ୍ୟଥିତ କରିଥିଲା। କିଛି ସାଂସଦ ବାଚସ୍ପତିଙ୍କ ମେଜ ଉପରକୁ କାଗଜ ଫୋପାଡିଥିଲେ।  ଏ ନେଇ ସକାଳେ ସର୍ବଦଳୀୟ ବୈଠକ ବି ହୋଇଥିଲା। ସାଂସଦମାନେ ନିଜନିଜ ଆସନ ଅତିକ୍ରମ କରିବେନି ବୋଲି ସହମତ ବି ହୋଇଥିଲେ। ତେବେ ସୋମବାର ଭଳି ବିରୋଧୀ ଦଳ ସାଂସଦମାନେ ମଙ୍ଗଳବାର ମଧ୍ୟ ଗୃହରେ ଅସ୍ୱଭାବିକ ପରିସ୍ଥିତି ସୃଷ୍ଟି କରିଥିଲେ।

ମଙ୍ଗଳବାର ପ୍ରସଙ୍ଗର ଆଲୋଚନା ବେଳେ ବିରୋଧୀ ଦଳ ଅନୁଶାସନ ଭୁଲିଯାଇଥିଲେ ।ଏପରିକି  ସେମାନେ ନିଜନିଜ ମଧ୍ୟରେ ଧସ୍ତାଧସ୍ତି ବି ହୋଇଥିଲେ । ଫଳରେ ବିଶୃଙ୍ଖଳା ଚରମ ସୀମାରେ ପହଞ୍ଚିଥିଲା। ଏଥିଲାଗି ଦିନ ତମାମ ସଂସଦର ନିଜ କକ୍ଷରେ ବାଚସ୍ପତି ବସି ରହିଥିଲେ ବି ଗୃହକୁ ଆସିନଥିଲେ। ଗୃହର ଗୌରବରେ ଆଞ୍ଚ ଆସୁ ତାହା ବାଚସ୍ପତି ଚାହାନ୍ତି ନାହିଁ। ତେବେ ସାଂସଦମାନେ ଉତ୍ତେଜନାରେ କରୁଥିବା କାମ ଏବେ ତାଙ୍କ ଲାଗି ଅସହ୍ୟ ବୋଧ ହେଉଛି। ସଂସଦ ବଜେଟ ଅଧିବେଶନର ଆରମ୍ଭଠାରୁ ବିରୋଧୀ ଦଳ ଗୃହେ ଦିଲ୍ଲୀ ହିଂସାର ଆଲୋଚନା ଦାବି କରିଆସୁଛନ୍ତି। ଏଥିଲାଗି ସେମାନେ ଗୃହରେ ହଟ୍ଟଗୋଳ ବି କରୁଛନ୍ତି। ତେବେ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ହୋଲି ପରେ କୌଣସି ଦିନ ସରକାର ଗୃହରେ ଦିଲ୍ଲୀ ହିଂସାର ଆଲୋଚନା କରିବେ ବୋଲି ଗୃହକୁ ବୁଧବାର ଆଶ୍ୱସ୍ତ କରିଛନ୍ତି।  

   Related Posts