ମାଡ୍ରିଡ ୨୬/୦୩ : ସ୍ପେନ୍ରେ କରୋନା ଭାଇରସ୍ ଜନିତ ମୃତ୍ୟୁ ସଂଖ୍ୟା ଚୀନ୍କୁ ଟପିଗଲାଣି। ଗତ ଡିସେମ୍ବରରେ ଏହି ଚୀନରେ କରୋନା ଭାଇରସ ମୂଳଦୁଆ ପକାଇଥିଲା ଓ ପରେ ସାରା ବିଶ୍ୱକୁ ବ୍ୟାପିବା ଯାଇଥିଲା। ୱାଶିଂଟନ୍ର ଜନ୍ ହପକିନ୍ସ ବିଶ୍ୱବିଦ୍ୟାଳୟ ଅନୁଯାୟୀ ସ୍ପେନରେ ଏହି ମାରାତ୍ମକ ଭୂତାଣୁ ଠାରୁ ୩୬୪୭ ଜଣଙ୍କର ମୃତ୍ୟୁ ହୋଇ ସାରିଲାଣି। ଚୀନରେ ମୃତ୍ୟୁ ସଂଖ୍ୟା ୩୨୯୧ ଥିଲା | କିନ୍ତୁ ସ୍ପେନରେ ଏବେ ଯାଏଁ ମୋଟ ୪୯୫୧୫ ଜଣ କରୋନା ଆକ୍ରାନ୍ତ ହୋଇଥିବା ସ୍ପଷ୍ଟ ହୋଇଛି | ଏହି ଭାଇରସର ମୃତ୍ୟୁ ହାର ୭.୨ ପ୍ରତିଶତରେ ପହଞ୍ଚିଛି। ଏଥି ସହ ପ୍ରତିଦିନ ୨୦ ପ୍ରତିଶତ ନୂଆ ମାମଲା ମଧ୍ୟ ସାମ୍ନାକୁ ଆସୁଛି।
ଦେଶର ଜରୁରୀ ଜନସ୍ୱାସ୍ଥ୍ୟ ବିଭାଗର ମୁଖ୍ୟ ଫର୍ନାଡୋ ସାଇମୋନଙ୍କ ଅନୁଯାୟୀ, ମୃତ୍ୟୁ ସଂଖ୍ୟା ତୀବ୍ର ଗତିରେ ବୃଦ୍ଧି ପାଇଛି। ତଥ୍ୟକୁ ଅନୁଯାୟୀ, ସ୍ପେନ୍ କରୋନା ଭାଇରସ୍ ରୋଗର ସର୍ବୋଚ୍ଚ ସ୍ତରରେ ପହଞ୍ଚି ଯାଇଛି ।ବୁଧବାର ଦିନ ସେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଯଦିଓ ଆମେ ଏହାର ସର୍ବୋଚ୍ଚ ସ୍ତରରେ ପହଞ୍ଚି ନାହୁଁ, ତଥାପି ଆମେ ଏହାର ଅତି ନିକଟତର ଅଛୁ ।
ପ୍ରକାଶିତ ନୂତନ ତଥ୍ୟ ଦର୍ଶାଉଛି ଯେ ଏହି ସପ୍ତାହ ସ୍ପେନ ପାଇଁ ବହୁତ କଷ୍ଟସାଧ୍ୟ ହୋଇଛି। ସ୍ୱାସ୍ଥ୍ୟ ସାମଗ୍ରୀ ଯୋଗାଇବା ପାଇଁ ସ୍ପେନ ସ୍ୱାସ୍ଥ୍ୟମନ୍ତ୍ରୀ ବୁଧବାର ଚୀନ୍ ସହ ଏକ ନୂତନ ଚୁକ୍ତି ଘୋଷଣା କରିଛନ୍ତି। ସେ କହିଛନ୍ତି ଯେ, ଏହି ଚୁକ୍ତି ଅନୁଯାୟୀ, ୫୫୦ କୋଟି ମାସ୍କ ମିଳିବ, ସ୍ୱାସ୍ଥ୍ୟ ସଙ୍କଟର ପ୍ରଥମ ୧୦ ଦିନରେ ଏପର୍ଯ୍ୟନ୍ତ ମାତ୍ର ୬ କୋଟି ମାସ୍କ ବଣ୍ଟନ କରାଯାଇଛି। ପରବର୍ତ୍ତୀ ଚାରିରୁ ଆଠ ସପ୍ତାହରେ ୫.୫ କୋଟି ପରୀକ୍ଷଣ କିଟ୍ ଏବଂ ୧୧ କୋଟି ଗ୍ଲୋଭସ୍ ଆବଶ୍ୟକ ହେବ |
ସେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, "ଏହି ସାମଗ୍ରୀଗୁଡିକ ସାପ୍ତାହିକ ଭିତ୍ତିରେ ହେବ। ଏହାର ପ୍ରଥମ ପର୍ଯ୍ୟାୟ ରପ୍ତାନି ଏହି ସପ୍ତାହ ଶେଷରେ ପ୍ରଥମ ଥର ପାଇଁ ପହଞ୍ଚିବ। "ଆଇସିୟୁରେ ମନିଟରିଂ ରୋଗୀଙ୍କ ପାଇଁ ବହୁତ କମ ସଂଖ୍ୟକ ଭେଣ୍ଟିଲେଟର ଅଛି | ଏପ୍ରିଲରୁ ଜୁନ୍ ମଧ୍ୟରେ ୯୫୦ ଭେଣ୍ଟିଲେଟର ବିତରଣ କରାଯିବ ବୋଲି ଆଶା କରାଯାଉଛି |
