Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଦିନକରେ ସୁସ୍ଥ ହେଲେ ୩୪୮୬ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୫୪୧ ଡିସଚାର୍ଜ
  • ||
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ସମ୍ବଲପୁରରେ ଅନ୍ତର୍ଜାତୀୟ ସମ୍ବଲପୁରୀ ନୃତ୍ୟ ମହୋତ୍ସବ : ଡାଲ୍‌ଖାଇ ଓ ରଙ୍ଗବତୀର ତାଳେ ତାଳେ ନାଚିଲେ ଜାପାନ ଓ ସ୍ପେନ୍ କଳାକାର

31/12/2018 at 4:23 PM

ସମ୍ବଲପୁର ୩୧|୧୨: ସମ୍ବଲପୁରରେ ଅନ୍ତର୍ଜାତୀୟ ସମ୍ବଲପୁରୀ ନୃତ୍ୟ ମହୋତ୍ସବ । ବିଦେଶୀ କଳାକାରମାନେ ସମ୍ବଲପୁରୀ ବାଦ୍ୟର ତାଳେତାଳେ ନୃତ୍ୟ କରି, ଉପସ୍ଥିତ ଦର୍ଶକଙ୍କ ମନ ମୋହିପଛନ୍ତି । ଜାପାନ ଓ ସ୍ପେନ୍‌ରୁ ଆସିଥିବା କଳାକାରମାନେ ଓଡିଆରେ ନିଜର ଅଭିଜ୍ଞତା ପ୍ରକାଶ କରିବା ସହ, ସମ୍ବଲପୁରର କଳା, ଐତିହ୍ୟ ଓ ପରମ୍ପରାକୁ ଢେର ପ୍ରସଂଶା କରିଛନ୍ତି ।

ସମ୍ବଲପୁରର ଶୀତୁଆ ସଂଧ୍ୟାକୁ ଉଷ୍ମ କଲେ ବିଦେଶୀ କଳାକାର ।  ସ୍ଥାନୀୟ କଳାକାରଙ୍କ ସହ ବିଦେଶୀ କଳାକାର ମାନେ, ଢୋଲ୍‌, ମାଦଲ, ନିଶାନ ଓ ତାସାର ତାଳେ ସମ୍ବଲପୁର ନୃତ୍ୟ ପରିବେଷଣ କରି ଉପସ୍ଥିତ ଦର୍ଶକଙ୍କ ମନମୋହିଛନ୍ତି । ଚୁଟ୍‌କୁଚୁଟା,ରସର୍‌କେଲୀ,ମାଏଲାଜଡ, ଡାଲ୍‌ଖାଇ ଓ ରଙ୍ଗବତୀ ଆଦିକୁ ଅତି ନିଖୁଣ ଭାବେ ଦର୍ଶକଙ୍କୁ ଭେଟି ଦେଇଥିଲେ କଳାକାରମାନେ । ବିଦେଶୀ କଳାକାରଙ୍କ  ରସ,ଲୟ ଓ ତାଳକୁ ସତରେ ଦେଖିଲା ଭଳି । ସ୍ଥାନୀୟ ତପସ୍ବନୀ ପ୍ରେକ୍ଷାଳୟରେ ଆୟୋଜିତ ଅନ୍ତର୍ଜାତୀୟ ସମ୍ବଲପୁରୀ ନୃତ୍ୟ ଓ ଗୀତର ଆସରରେ ସୁଦୂର ଜାପାନ ଓ ସ୍ପେନ୍‌ରୁ ଦୁଇଟି କଳାକାର ଦଳ ଅଂଶ ଗ୍ରହଣ କରିବା ସହ, ବିଦେଶରେ ସମ୍ବଲପୁରୀ ନୃତ୍ୟର କେତେ ଆଦର ତାହା ପ୍ରମାଣ କରିଦେଇଥିଲେ ।

ସମ୍ବଲପୁରର ଅଭୟ ଆର୍ଟ ଏକାଡେମୀ ପକ୍ଷରୁ ଆୟୋଜିତ  ହୋଇଥିଲା ଏହି ନୃତ୍ୟ ମହୋତ୍ସବ। ଏଥିରେ ଦୁଇଟି ବିଦେଶୀ କଳାକାର ଦଳ ସହ,ଓଡିଶାର ବହୁ ପ୍ରତିଷ୍ଠିତ ସମ୍ବଲପୁରୀ ନୃତ୍ୟଦଳ ଅଂଶ ଗ୍ରହଣ କରିଥିଲେ। ଆସନ୍ତାଦିନରେ ଏଭଳି ନୃତ୍ୟ ମହୋତ୍ସବ ଆୟୋଜନ କରିବା ସହ, ପଶ୍ଚିମଓଡିଶାର କଳାକୁ ବିଦେଶରେ ପହଞ୍ଚାଇବାକୁ ଉଦ୍ୟମ ଜାରି ରହିବ ବୋଲି କହିଛନ୍ତି ଆୟୋଜକ ।

ପୂର୍ବରୁ ଅନ୍ତର୍ଜାତୀୟ ଓଡିଶୀ ମହୋତ୍ସବ ଅନୁଷ୍ଠିତ ହେଉଥିବା ବେଳେ, ପ୍ରଥମଥର ପାଇଁ ସମ୍ବଲପୁରରେ, ଅନ୍ତର୍ଜାତୀୟ ସମ୍ବଲପୁରୀ ନୃତ୍ୟ ମହୋତ୍ସବ ସଫଳତାର ସହ ଆୟୋଜନ କରାଯାଇପାରିଛି। ଆସନ୍ତାଦିନରେ ଏଭଳି କାର୍ଯ୍ୟକ୍ରମ ଅଧିକ ଆୟୋଜନ କରାଗଲେ, ସମ୍ବଲପୁରୀ ନୃତ୍ୟ ଓ ବାଦ୍ୟଯନ୍ତ୍ର ପ୍ରତି ଲୋକପ୍ରିୟତା ବଢିବା ଆଶା କରାଯାଉଛି ।

   Related Posts