Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଇକକୁ ଧକ୍କା ଦେଲା ଟ୍ରକ୍, ଜଣେ ମୃତ : କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ
  • ||
  • ଶିଶୁଙ୍କୁ ଟିକା ପାଇଁ ପ୍ରସ୍ତୁତି ଆରମ୍ଭ, ଶୁକ୍ରବାର ସ୍ୱାସ୍ଥ୍ୟ ଅଧିକାରୀଙ୍କୁ ପ୍ରଶିକ୍ଷଣ ଦେବ କେନ୍ଦ୍ର
  • ||
  • ଶୁକ୍ରବାର ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ, ବିଏସକେଓ୍ୱାଇ ସ୍ମାର୍ଟ କାର୍ଡ ବଣ୍ଟନର କରିବେ ଶୁଭାରମ୍ଭ
  • ||
  • ୨୬ ଯାଏଁ ଶୁଖିଲା ପାଗ : ଧିରେଧିରେ କମିବ ରାତି ତାପମାତ୍ରା, ସକାଳେ କୁହୁଡି
  • ||
  • ମମିତା ମେହେର ହତ୍ୟା ଘଟଣା : ଭୋର୍‌ରେ ଡେମୋ ଦେଖାଇଲା ଅଭିଯୁକ୍ତ ଗୋବିନ୍ଦ ସାହୁ
  • ||

ପଞ୍ଚତତ୍ତ୍ୱରେ ବିଲୀନ ହେଲେ ଏସ୍‌ପି ବାଲସୁବ୍ରମଣ୍ୟମଙ୍କ ପାର୍ଥିବ ଶରୀର

26/09/2020 at 2:02 PM

ମୁମ୍ବାଇ ୨୬/୦୯ : ଶନିବାର ଅପରାହ୍ନରେ ଏସପି ବାଲସୁବ୍ରମଣ୍ୟମ ପଞ୍ଚତତ୍ତ୍ୱରେ ବିଲୀନ ହୋଇଯାଇଛନ୍ତି । ଅଶ୍ରୁଳ ନୟନରେ ପରିବାର ଓ ପ୍ରଶଂସକ ତାଙ୍କୁ ଅନ୍ତିମ ବିଦାୟ ଜଣାଇଛନ୍ତି । ରାଜକୀୟ ସମ୍ମାନ ସହ ବାଲସୁବ୍ରମଣ୍ୟମଙ୍କ ଅନ୍ତିମ ସଂସ୍କାର କରାଯାଇଛି । ବାଲସୁବ୍ରମଣ୍ୟମଙ୍କ ପୁଅ ଏସପି ଚରଣ ଅନ୍ତିମ ସଂସ୍କାରର ସମସ୍ତ କାମ ପୁରା କରିଛନ୍ତି ।

ବହୁ ଦିନ ହେଲା ଅସୁସ୍ଥ ଥିବା ଏସପି ବାଲସୁବ୍ରମଣ୍ୟମଙ୍କ ୭୪ ବର୍ଷ ବୟସରେ ଶୁକ୍ରବାର ଅପରାହ୍ନରେ ଦେହାନ୍ତ ହୋଇଥିଲା । ଗୁରୁବାର ଦିନ ତାଙ୍କ ସ୍ୱାସ୍ଥ୍ୟ ଗମ୍ଭୀର ଥିଲା । ତାଙ୍କ ସ୍ୱାସ୍ଥ୍ୟ ଗୁରୁତର ଥିବା ଖବର ସାମ୍ନାକୁ ଆସିବା ପରେ ପରିବାର ଓ ପ୍ରଶଂସକ ତାଙ୍କ ସୁସ୍ଥ କାମନା କରିଥିଲେ । ଲକ୍ଷ ଲକ୍ଷ ଲୋକଙ୍କ ହୃଦୟ ଜିତିଥିବା ଏସପି ବାଲସୁବ୍ରମଣ୍ୟମ ଶୁକ୍ରବାର ଅପରାହ୍ନରେ ସବୁଦିନ ପାଇଁ ଦୁନିଆକୁ ଅଲବିଦା କରିଛନ୍ତି ।

ସଂଗୀତଜ୍ଞ ଏସପି ବାଲସୁବ୍ରମଣ୍ୟମଙ୍କ ପାର୍ଥିବ ଶରୀର ଶୁକ୍ରବାର ରାତିରେ ଚେନ୍ନାଇ ବାହାରେ ଥିବା ରେଡ ହିଲସ ସ୍ଥିତ ତାଙ୍କ ଫାର୍ମ ହାଉସରେ ପହଞ୍ଚିଥିଲା ।

ପାର୍ଥିବ ଶରୀର ଫାର୍ମ ହାଉସରେ ପହଞ୍ଚିବା ପରେ ସେଠାରେ ଲୋକଙ୍କ ଭିଡ ଜମିଥିଲା । କାରଣ କଟକଣା ସତ୍ତ୍ୱେ ବାଲସୁବ୍ରମଣ୍ୟମଙ୍କ ଫାର୍ମ ହାଉସରେ ଅନେକ ସଂଖ୍ୟାରେ ପ୍ରଶଂସକ ଏକତ୍ରିତ ହୋଇଥିଲେ ।

ତାମିଲନାଡୁର ମୁଖ୍ୟମନ୍ତ୍ରୀ କେ ପାଲାନିସ୍ୱାମୀ ଶୁକ୍ରବାର ଦିନ କହିଥିଲେ ଯେ ପ୍ରସିଦ୍ଧ ଗାୟକ ଏସପି ବାଲାସୁବ୍ରମଣ୍ୟନଙ୍କ ଅନ୍ତିମ ସଂସ୍କାର ରାଜକୀୟ ସମ୍ମାନ ସହିତ ସମ୍ପନ୍ନ କରାଯିବ । ଏକ ସରକାରୀ ବିଜ୍ଞପ୍ତିରେ ସେ ଏହା ଘୋଷଣା କରିଥିଲେ ।

   Related Posts