Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||
  • ଚିନ୍ତା ବଢାଇଲାଣି କରୋନାର ୨ୟ ଲହର : ଆଜି PM-CM ଆଲୋଚନା, କୋଭିଡ -19 ର ସ୍ଥିତି ଏବଂ ଟିକା ବିତରଣ ନେଇ ସମୀକ୍ଷା
  • ||
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||

ଦକ୍ଷିଣ କୋରିଆ ଏହି ୩ଟି କାର୍ଯ୍ୟ କରି କରୋନାକୁ ହରାଇଲା, ଏବେ ଆମେରିକା ଲୋଡିଲାଣି ସହାୟତା

26/03/2020 at 11:42 AM

ନୂଆଦିଲ୍ଲୀ ୨୬।୩: ଆଜିର ପରିସ୍ଥିତିରେ କୌଣସି ଦେଶ କରୋନା ଭାଇରସ୍ କୁ ମାତ୍ ଦେବା ନିହାତି ପ୍ରଶଂସାର ବିଷୟ | ଦକ୍ଷିଣ କୋରିଆ ମାତ୍ର ୩ଟି କାମ କରି ଦୁଇ ମାସ ମଧ୍ୟରେ କରୋନା ଭାଇରସ୍ କୁ ମାତ୍ ଦେଇଛି । ଏହି ଦେଶ ବର୍ତ୍ତମାନ ସମଗ୍ର ବିଶ୍ବ ପାଇଁ ଆଦର୍ଶ ପାଲଟିଛି । ଆସନ୍ତା ଦୁଇ ସପ୍ତାହ ମଧ୍ୟରେ କୋରିଆ ସରକାର ବନ୍ଦ ରହିଥିବା ସ୍କୁଲ ଗୁଡିକୁ ପୁଣି ଥରେ ଖୋଲିବାକୁ ମଧ୍ୟ ଯାଉଛନ୍ତି। ବିଶ୍ବର ସବୁଠାରୁ ଶକ୍ତିଶାଳୀ ଦେଶ ଆମେରିକା ନିଜେ ଦକ୍ଷିଣ କୋରିଆ ନିକଟରୁ ସହାୟତା ଲୋଡିଛି।

ଦକ୍ଷିଣ କୋରିଆର ୩ଟି ଫର୍ମୁଲା :

ରିପୋର୍ଟ ଅନୁଯାୟୀ, ଦକ୍ଷିଣ କୋରିଆରେ କରୋନା ଭାଇରସ୍ ସଂକ୍ରମଣକୁ ଏଡାଇବା ପାଇଁ କେବଳ ୩ଟି ଫର୍ମୁଲା ଉପରେ କାମ କରିଥିଲା ।

ପ୍ରଥମେ ଦେଶର ସମସ୍ତ ସରକାରୀ ଏବଂ ବେସରକାରୀ ଲ୍ୟାବରେ କରୋନା ଭାଇରସ୍ ପରୀକ୍ଷା ଆରମ୍ଭ ହୋଇଥିଲା । ପ୍ରତିଦିନ ପ୍ରାୟ ୨୦ ହଜାର ଲୋକଙ୍କ କରୋନା ଭାଇରସ୍ ପରୀକ୍ଷା କରାଯାଇଥିଲା ।

ଦ୍ବିତୀୟରେ ଦେଶର ପ୍ରତ୍ୟେକ ନାଗରିକଙ୍କୁ ଫୋନରେ ଯୋଗାଯୋଗ କରାଯାଇଥିଲା ଏବଂ ନିକଟରେ କରୋନା ଭାଇରସ୍ ସଂକ୍ରମିତଙ୍କ ସଂପର୍କରେ ଅଗବତ କରାଯାଇଥିଲେ । ଯାହାଦ୍ବାରା ଲୋକମାନେ ନିଜେ ଘରୁ ବାହାରକୁ ଆସିବେନାହିଁ |

ତୃତୀୟରେ ଚର୍ଚ୍ଚ ଏବଂ ଅନ୍ୟାନ୍ୟ ଧାର୍ମିକ ସ୍ଥାନଗୁଡିକୁ ଲୋକଙ୍କୁ ନ ଆସିବା ପାଇଁ ପାଦ୍ରିମାନଙ୍କୁ ନିର୍ଦ୍ଦେଶ ଦିଆଯାଇଥିଲା ।
ବିଶେଷଜ୍ଞମାନେ କହିଛନ୍ତି ଯେ, ଏହି ୩ଟି କାର୍ଯ୍ୟ ଏତେ ପ୍ରଭାବଶାଳୀ ପ୍ରମାଣିତ ହୋଇଛି ଯେ ଦୁଇ ମାସ ମଧ୍ୟରେ ଦକ୍ଷିଣ କୋରିଆ କରୋନା ଭାଇରସ୍ ସଂକ୍ରମଣକୁ ନିୟନ୍ତ୍ରଣ କରିପାରିଛି ।

ଅନ୍ୟପଟେ ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଦକ୍ଷିଣ କୋରିଆର ରାଷ୍ଟ୍ରପତି ମୁନ୍ ଜେଇନଙ୍କୁ ଫୋନ୍ କରି ସାହାଯ୍ୟ ମାଗିଛନ୍ତି । ଟ୍ରମ୍ପ୍ ଦକ୍ଷିଣ କୋରିଆକୁ ଯଥାଶୀଘ୍ର ଟେଷ୍ଟ କିଟ୍ ଯୋଗାଇବାକୁ ଅନୁରୋଧ କରିଛନ୍ତି । କାରଣ ଆମେରିକାରେ ବଢୁଥିବା ସଂକ୍ରମିତଙ୍କ ସଂଖ୍ୟାକୁ ରୋକାଯାଇପାରିବ ।

ସୂଚନାଯୋଗ୍ୟ ଯେ, ସମଗ୍ର ବିଶ୍ବରେ ପ୍ରାୟ ୪.୧୬ ଲକ୍ଷ ଲୋକ କରୋନା ଭାଇରସ୍ ଦ୍ବାରା ସଂକ୍ରମିତ ହୋଇସାରିଲେଣି । ଏହି ମହାମାରୀ ଭାଇରସ୍ ଯୋଗୁଁ ଏପର୍ଯ୍ୟନ୍ତ ୧୮୫୮୯ ଜଣଙ୍କର ମୃତ୍ୟୁ ହୋଇସାରିଛି । କେବଳ ଦକ୍ଷିଣ କୋରିଆରେ ଏପର୍ଯ୍ୟନ୍ତ ୯୧୩୭ ଲୋକ ସଂକ୍ରମିତ ହୋଇଛନ୍ତି । ଏଥିମଧ୍ୟରୁ ୧୨୬ ଜଣଙ୍କର ମୃତ୍ୟୁ ହୋଇଛି ।

   Related Posts