Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ରାତିର ନିଶା ଉତୁରି ନଥିଲା କିନ୍ତୁ ପିଚ୍‌ରେ କମାଲ କଲେ ଗିବ୍‌ସ: ୪୩୪ ରନକୁ ଚେଜ୍‌ରେ ୧୭୫ ରନ୍‌ର ରେକର୍ଡ୍

16/05/2020 at 5:27 PM

ସିଡନୀ, ୧୬|୦୫:  ଦକ୍ଷିଣ ଆଫ୍ରିକାର ବିବାଦୀୟ କ୍ରିକେଟର ହର୍ଷେଲ୍ ଗିବସ୍ ଜଣେ ଷ୍ଟାର ଖେଳାଳି ଭାବେ ଜଣାଶୁଣା । ସେ ଅନେକ ମ୍ୟାଚ ବିଜୟୀ ଇନିଂସ ଖେଳିଛନ୍ତି । କ୍ରିକେଟର ତିନୋଟି ଯାକ ଫର୍ମାଟରେ ତାଙ୍କ ପ୍ରଦର୍ଶନ ଚମତ୍କାର  । ଗୋଟିଏ ଓଭରରେ ଲଗାତାର ୬ଟି ଛକ୍କା ଲଗାଇବାର ରେକର୍ଡ ମଧ୍ୟ ତାଙ୍କ ନାମରେ ରହିଛି । ଏହା ବ୍ୟତୀତ ୨୦୦୬ରେ ଅଷ୍ଟ୍ରେଲିଆ ବିପକ୍ଷରେ ୧୭୫ରନର ଐତିହାସିକ ଇନିଂସ ଖେଳି ଦଳକୁ ଜିତାଇଥିଲେ, ଯାହା ସ୍ମରଣୀୟ ହୋଇ ରହିଛି ଓ ରହିବ ।

ନିଶାସକ୍ତ ଅବସ୍ଥାରେ ୧୭୫ ରନର ଇନିଂସ

ଗିବସଙ୍କ ଦମରେ ଦକ୍ଷିଣ ଆଫ୍ରିକା ଐତିହାସିକ ବିଜୟ ଲାଭ କରିଥିଲା । ସେ ନିଜ ଆତ୍ମଜୀବନୀରେ ଅନେକ କିଛି ଗୁମର ଫିଟାଇଛନ୍ତି । ସେ କହିଛନ୍ତି ଯେ, ଅଷ୍ଟ୍ରେଲିଆ ବିପକ୍ଷରେ ୧୭୫ ରନର ଇନିଂସ ବେଳେ ସେ ନିଶାସକ୍ତ ଥିଲେ । ସେ ପୂର୍ବ ରାତି ୧ଟା ଯାଏଁ ଜଣେ ବନ୍ଧୁଙ୍କ ସହ ମଦ୍ୟପାନ କରିଥିଲେ । ମ୍ୟାଚ ଦିନ ମଧ୍ୟ ତାଙ୍କର ନିଶା ଛାଡିନଥିଲା ।  ମ୍ୟାଚରେ କଙ୍ଗାରୁ ପ୍ରଥମେ ବ୍ୟାଟିଂ କରି ୪୩୩ରନର ବିଶାଳ ସ୍କୋର ଅର୍ଜନ କରିଥିଲା । କିନ୍ତୁ ଗିବସଙ୍କ ବ୍ୟାଟିଂରେ ଦକ୍ଷିଣ ଆଫ୍ରିକା ଏହି ଲକ୍ଷ ହାସଲ କରିନେଇଥିଲା । ଏହି ଦିନିକିଆ କ୍ରିକେଟ ଇତିହାସର ସବୁଠାରୁ ଆକର୍ଷଣୀୟ ବିଜୟ ବୋଲି କୁହାଯାଏ ।

କ୍ୟାରିଅର

୧୯୯୬ରେ ଭାରତ ବିପକ୍ଷରେ ଅନ୍ତରାଷ୍ଟ୍ରୀୟ ମ୍ୟାଚରେ ପଦାର୍ପଣ କରିଥିବା ଗିବସ୍ ୯୦ଟି ଟେଷ୍ଟ୍ ଖେଳି ୪୧.୯୫ ଆଭରେଜରେ ୬୧୬୭ ରନ କରିଛନ୍ତି । ଏଥିରେ ୧୪ଟି ଶତକ ଓ ୨୬ଟି ଅର୍ଧଶତକ ରହିଛି । ସେହିପରି ଦିନିକିଆରେ ସେ ୨୪୮ଟି ମ୍ୟାଚ ଖେଳି ୩୬.୧୩ ଆଭରେଜରେ ୮୦୯୪ ରନ କରିଛନ୍ତି । ଏଥିରେ ୨୧ଟି ଶତକ ଓ ୩୭ଟି ଅର୍ଧଶତକ ରହିଛି । ଏତତ୍ ବ୍ୟତୀତ ୨୩ଟି ଟି୨୦ରେ ସେ ୪୦୦ ରନ କରିଛନ୍ତି ।

   Related Posts