କୋଲକାତା ୧୦/୦୧- ସୌରଭ ଗାଙ୍ଗୁଲିଙ୍କ ପରେ ତାଙ୍କ ବଡ ଭାଇ ସ୍ନେହାଶିଷ ଗାଙ୍ଗୁଲିଙ୍କ ଉପରେ ଭରସା କରିଛି କ୍ରିକେଟ ଆସେସିଏସନ ଅଫ ବେଙ୍ଗଲ । ଦାଦାଙ୍କ ପରେ ଦାଦାଙ୍କ ଦାଦାଙ୍କୁ ମିଳିବ ବଡ ଦାୟିତ୍ୱ । ଖବର ଅନୁଯାୟୀ ଖୁବଶୀଘ୍ର ସ୍ନେହାଶିଷ ଗାଙ୍ଗୁଲି କ୍ରିକେଟ ଆସେସିଏସନ ଅଫ୍ ବେଙ୍ଗଲ (ସିଏବି) ସଂପାଦକ ପଦବୀର ଅଧିଷ୍ଠିତ ହେବେ । ସେହି ରିପୋର୍ଟ ଅନୁଯାୟୀ ଅଭିଷେକ ଡାଲମିଆ ସିଏବିର ନୂଆ ସଭାପତି ଭାବେ ନିର୍ବାଚିତ ହେବେ । ବିସିସିଆଇ ସଭାପତି ହେବା ପୂର୍ବରୁ ଭାରତର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ସିଏବି ସଭାପତି ଥିଲେ । ସେ ପଦ ଛାଡିବା ପରଠୁ ଏହି ପଦଟି ଖାଲି ରହିଛି ।
{"id":209487,"width":584,"height":440,"sizeSlug":"large"}ଏକ ଇଂରାଜୀ ଖବର କାଗଜ ରିପୋର୍ଟ ଅନୁଯାୟୀ ସିଏବିର ପଦପଦବୀରେ ଏବେ ପରିବର୍ତ୍ତନ ହେବାକୁ ଯାଉଛି । ବର୍ତ୍ତମାନ ଅଭିଷେକ ଡାଲମିଆ ସିଏବିର ସଂପାଦକ ଅଛନ୍ତି । ତାଙ୍କର ପଦୋନ୍ନତି ପରେ ସଂପାଦକ ହେବେ ସ୍ନେହାଶିଷ ଗାଙ୍ଗୁଲି । ତେବେ ସ୍ନେହାଶିଷ ବି ଜଣେ କ୍ରିକେଟର ।
{"id":209488,"width":573,"height":283,"sizeSlug":"large"}ପୂର୍ବତନ ଫାଷ୍ଟକ୍ଲାସ କ୍ରିକେଟ ପ୍ଲେୟାର ସ୍ନେହାଶିଷ ବେଙ୍ଗଲ ପାଇଁ ୫୯ ମ୍ୟାଚ୍ ଖେଳିଛନ୍ତି । ପ୍ରଥମସ୍ରେଣୀ କ୍ରିକେଟରେ ସେ ୨୫୩୪ ରନ୍ ସଂଗ୍ରହ କରିଛନ୍ତି । ତାଙ୍କର ହାରାହାରି ରେକର୍ଡ ୩୯.୫୯ । ଏହା ବ୍ୟତୀତ ସେ ଲିଷ୍ଟ ଏ ଟୁର୍ଣ୍ମାମେଣ୍ଟରେ ୧୮ ଟି ମ୍ୟାଚ୍ ଖିଳି ୧୮.୩୩ ହାରାହାରି ହାରରେ ମୋଟ ୨୭୫ ରନ୍ ସ୍କୋର କରିଛନ୍ତି । ଯଦି ସ୍ନେହାଶିଷ ସିଏବି ସମ୍ପାଦକ ନିଯୁକ୍ତ ହୁଅନ୍ତି , ତେବେ କ୍ରିକେଟ ପ୍ରଶାସନରେ କ୍ରିକେଟ ଖେଲାଳିଙ୍କ ସଂଖ୍ୟା ବୃଦ୍ଧି ପାଇବ । ଏପଟେ ବେଙ୍ଗଲ କ୍ରିକେଟର ମହାରଥି ସୌରଭଙ୍କ ଦବଦବା ପୁଣି ଥରେ ଜାହିର ହେବ ।
{"id":209489,"sizeSlug":"large"}