Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ବିଜେପିରେ ମିଶିବେ ସୌରଭ ଗାଙ୍ଗୁଲି ! ରାଜ୍ୟପାଳଙ୍କୁ ଭେଟିବା ପରେ ପଶ୍ଚିମବଙ୍ଗ ରାଜନୀତିରେ ହଟଚମଟ

27/12/2020 at 7:19 PM

କୋଲକାତା ୨୭/୧୨ : ବିସିସିଆଇ ଅଧ୍ୟକ୍ଷ ତଥା ପୂର୍ବତନ ଭାରତୀୟ ଅଧିନାୟକ ସୌରଭ ଗାଙ୍ଗୁଲି ରାଜନୀତିକୁ ଆସିବା ନେଇ ଚର୍ଚ୍ଚା ଜୋର ଧରିଛି । ଆଜି ବିସିସିଆଇ ପ୍ରମୁଖ ସୌରଭ ଗାଙ୍ଗୁଲି ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡଙ୍କୁ ଭେଟିଛନ୍ତି । ଏହି ଭେଟଘାଟ ମଧ୍ୟରେ ଏହା ଶୁଣିବାକୁ ମିଳୁଛି ଯେ, ଗାଙ୍ଗୁଲି ରାଜନୀତିରେ ପାଦ ଦେଇପାରନ୍ତି । ଏହାକୁ ଏକ ବ୍ୟକ୍ତିଗତ ସାକ୍ଷାତକାର ବୋଲି କୁହାଯାଉଛି ।

ସୂଚନା ଅନୁସାରେ, ଗତ କିଛି ଦିନ ଧରି ସୌରଭ ଗାଙ୍ଗୁଲି ବିଜେପିରେ ସାମିଲ ହେବା ନେଇ ପଶ୍ଚିମବଙ୍ଗରେ ଚର୍ଚ୍ଚା ଜୋର ଧରିଛି । ଏହାରି ମଧ୍ୟରେ ସେ ରାଜ୍ୟପାଳଙ୍କୁ ଭେଟିବା ଏହି ଚର୍ଚ୍ଚାକୁ ଖୋରାକ ଯୋଗାଇଛି । ଯେବେଠାରୁ ସୌରଭ ଗାଙ୍ଗୁଲି ବସିସିଆଇର ଅଧ୍ୟକ୍ଷ ହୋଇଛନ୍ତି, ସେବେଠାରୁ ତାଙ୍କର ବିଜେପିରେ ସାମିଲ ହେବା ଚର୍ଚ୍ଚା ଆରମ୍ଭ ହୋଇଥିଲା । କିନ୍ତୁ ଗାଙ୍ଗୁଲିଙ୍କ ପକ୍ଷରୁ ଏ ନେଇ କୌଣସି ସୂଚନା ଦିଆଯାଇନାହିଁ ।

ଆସନ୍ତା ୧୨ ଜାନୁୟାରୀରେ ସ୍ବାମୀ ବିବେକାନନ୍ଦଙ୍କ ଜୟନ୍ତୀରେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହାଙ୍କ ପଶ୍ଚିମବଙ୍ଗ ଗସ୍ତ କାର୍ଯ୍ୟକ୍ରମ ରହିଛି । ଏହି ଗସ୍ତରେ ବିଭିନ୍ନ ଦଳର ନେତା ଦଳ ଛାଡି ବିଜେପିରେ ସାମିଲ ହୋଇପାରନ୍ତି । ତେବେ ଶୁଣିବାକୁ ମିଳୁଛି ସୌରଭ ଗାଙ୍ଗୁଲି ମଧ୍ୟ ଅମିତ ଶାହାଙ୍କ ଉପସ୍ଥିତିରେ ଗେରୁଆ ଦଳରେ ସାମିଲ ହୋଇପାରନ୍ତି ।

ସୂଚନାଯୋଗ୍ୟ, ଗୃହ ମନ୍ତ୍ରୀ ଅମିତ ଶାହାଙ୍କ ଗତ ପଶ୍ଚିମବଙ୍ଗ ଗସ୍ତ ସମୟରେ ସେ କହିଥିଲେ ଯେ, ବେଙ୍ଗଲର ଭୂମି ପୁତ୍ର ହିଁ ପଶ୍ଚିମବଙ୍ଗର ଆଗାମୀ ମୁଖ୍ୟମନ୍ତ୍ରୀ ହେବ । ତେବେ ଏଠି ପ୍ରଶ୍ନ ଉଠୁଛି ସେହି ଭୂମି ପୁତ୍ର ସୌରଭ ଗାଙ୍ଗୁଲି ନୁହେଁ ତ ? ତେବେ ଆଗାମୀ କିଛି ଦିନ ମଧ୍ୟରେ ଏହା ସ୍ପଷ୍ଟ ହୋଇଯିବ ଯେ ଗାଙ୍ଗୁଲିଙ୍କ ପରବର୍ତ୍ତୀ ପରିପନ୍ଥି କଣ ହେବ । କିଛିଦିନ ପୂର୍ବରୁ ତୃଣମୂଳ କଂଗ୍ରେସର ବରିଷ୍ଠ ନେତା ବୈଶାଳୀ ଡାଲମିଆଁ ମଧ୍ୟ ରାଜ୍ୟପାଳଙ୍କୁ ଭେଟିଥିଲେ । ବୈଶାଳୀ ଡାଲମିଆଁ, ସୌରଭ ଗାଙ୍ଗୁଲିଙ୍କର ବହୁତ ଖାସ ବୋଲି ଜଣାଯାନ୍ତି । ତେବେ ସେ ମଧ୍ୟ ଶାହାଙ୍କ ଉପସ୍ଥିତିରେ ବିଜେପିରେ ସାମିଲ ହୋଇପାରନ୍ତି ।

   Related Posts