Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ମୋଗା ବସ୍ ଦୁର୍ଘଟଣା: ଆହତଙ୍କୁ ଦେଖିବାକୁ ହସ୍ପିଟାଲରେ ପହଞ୍ଚିଲେ ସୋନୁ ସୁଦ୍, କହିଲେ ସବୁ ସମ୍ଭାବ୍ୟ ସହାୟତା କରିବି

23/07/2021 at 3:34 PM

ଚଣ୍ଡୀଗଡ଼ ୨୩/୦୭ : ଶୁକ୍ରବାର ଦିନ ପଞ୍ଜାବର ମୋଗାରେ ଦୁଇଟି ବସ୍ ମୁହାଁମୁହିଁ ଧକ୍କା ହେବା ଫଳରେ ଅନେକ ଯାତ୍ରୀ ଆହତ ହୋଇଛନ୍ତି। ଆହତଙ୍କ ଅବସ୍ଥା ସମ୍ପର୍କରେ ପଚାରି ବୁଝିବା ପାଇଁ ବଲିଉଡ ଅଭିନେତା ସୋନୁ ସୁଦ ତାଙ୍କ ଭଉଣୀ ମାଲଭିକା ସୁଦ ଏବଂ ଭିଣୋଇ ସେଚ୍ଚର ଗୌତମଙ୍କ ସହ ସିଭିଲ ହସ୍ପିଟାଲରେ ପହଞ୍ଚିଥିଲେ। ଆହତଙ୍କୁ ସବୁ ସମ୍ଭାବ୍ୟ ସହାୟତା ଦେବାକୁ ସେ ଆଶ୍ୱାସନା ଦେଇଛନ୍ତି। ଅନ୍ୟପକ୍ଷରେ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ମଧ୍ୟ ଆହତ ତଥା ଏହି ଦୁର୍ଘଟଣାରେ ପ୍ରାଣ ହରାଇଥିବା ତିନି ଜଣ କଂଗ୍ରେସ କର୍ମଚାରୀଙ୍କ ପରିବାରକୁ ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରିବାକୁ ଘୋଷଣା କରିଛନ୍ତି। ମୋଗା ଜିଲ୍ଲା ଡେପୁଟି କମିଶନର ଆହତମାନଙ୍କୁ ତୁରନ୍ତ ସହାୟତା ପ୍ରଦାନ କରିଛନ୍ତି। ପୋଲିସ ମାମଲାର ତଦନ୍ତ କରୁଛି ଏବଂ ଦୁର୍ଘଟଣାର ପ୍ରକୃତ କାରଣ ଖୋଜୁଛି।

ସୋନୁ ପଞ୍ଜାବର ଲୁଧିଆନାରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ଜଣେ ଉଦ୍ୟୋଗୀ ଏବଂ ମାତା ଜଣେ ଶିକ୍ଷକ ଥିଲେ। ଚଳଚିତ୍ର ଜଗତ ସହ ତାଙ୍କ ପରିବାରର କୌଣସି ସମ୍ପର୍କ ନଥିଲା। କିନ୍ତୁ ସୋନୁ ସୁଦ ଫିଲ୍ମ ଜଗତରେ ନିଜ କ୍ୟାରିଅର ଗଢିବାକୁ ନିଷ୍ପତ୍ତି ନେଇଥିଲେ ଏବଂ ସଫଳ ମଧ୍ୟ ହୋଇଥିଲେ। ତାଙ୍କର ଦୁଇ ଭଉଣୀ ମଧ୍ୟ ଅଛନ୍ତି। ସବୁବେଳେ ଅନ୍ୟମାନଙ୍କୁ ସାହାଯ୍ୟ କରୁଥିବା ସୋନୁ ସୁଦ ପଞ୍ଜାବରେ କୋଭିଡ ଟିକା କାର୍ଯ୍ୟକ୍ରମର ବ୍ରାଣ୍ଡ ଆମ୍ବାସାଡର ଅଛନ୍ତି।

ସୂଚନାଯୋଗ୍ୟ, ଶୁକ୍ରବାର ସକାଳେ ଏକ ମିନି ବସ୍ରେ ଥିବା ଅନେକ କଂଗ୍ରେସ କର୍ମୀ ଚଣ୍ଡିଗଡ଼ରେ ନବଜୋତ ସିଂ ସିଦ୍ଧୁଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେବାକୁ ଯାଉଥିଲେ। ବସ୍ ଅନ୍ୟ ଏକ ବସ୍ ସହିତ ମୁହାଁମୁହିଁ ଧକ୍କା ହେବା ଫଳରେ ୩ ଜଣଙ୍କର ମୃତ୍ୟୁ ହୋଇଥିବାବେଳେ ଏହି ଦୁର୍ଘଟଣାରେ ୨୦ ଜଣ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ସମସ୍ତ କଂଗ୍ରେସ କର୍ମୀ ଥିଲେ ବୋଲି କୁହାଯାଉଛି। ସୂଚନାନୁସାରେ, ଫିରୋଜେପୁରର ହାଲ୍କା ଜିରାରୁ କଂଗ୍ରେସ ବିଧାୟକ କୁଲବୀର ସିଂ ଜିରାଙ୍କ ସମର୍ଥକଙ୍କ ଏକ ମିନି ବସ୍ ଚଣ୍ଡିଗଡ଼ରେ ନବଜୋତ ସିଂ ସିଦ୍ଧୁଙ୍କ ଶପଥ ଗ୍ରହଣ ଉତ୍ସବକୁ ଯାଉଥିଲା।

ଲୋହରା ଗାଁ ନିକଟରେ ବସ ନିୟନ୍ତ୍ରଣ ହରାଇ ସାମ୍ନା ପଟୁ ଆସୁଥିବା ପଞ୍ଜାବ ରୋଡୱେ ମୋଗା ଡିପୋ ବସ୍ ସହିତ ଧକ୍କା ହୋଇଥିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ ମିନିବସ୍ ଛୀନଛତ୍ର ହୋଇଯାଇଥିଲା। ଦୁର୍ଘଟଣା ପରେ ଅମରିନ୍ଦର ସିଂ ଟ୍ୱିଟ୍ କରି କହିଛନ୍ତି ‘ମୋଗା ଜିଲ୍ଲାରେ ଏକ ବସ୍ ଦୁର୍ଘଟଣା ଘଟିଥିବାର ଜାଣି ଦୁଃଖିତ। ୩ କଂଗ୍ରେସ କର୍ମୀଙ୍କ ମୃତ୍ୟୁ ହୋଇଛି। ଅନେକ ଲୋକ ମଧ୍ୟ ଆହତ ହୋଇଛନ୍ତି। ଆହତମାନଙ୍କୁ ଚିକିତ୍ସା ସୁବିଧା ଯୋଗାଇବାକୁ ମୋଗା ଡେପୁଟି କମିଶନରଙ୍କୁ ନିର୍ଦ୍ଦେଶ ଦିଆଯାଇଛି। ଏହି ମାମଲାରେ ତଦନ୍ତ ରିପୋର୍ଟ ମଗାଯାଇଛି।’

   Related Posts