Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ପୁଣି ସାହାଯ୍ୟ ପାଇଁ ଆଗେଇ ଆସିଲେ ସୋନୁ ସୁଦ : ଆଦିବାସୀ ଯୁବତୀଙ୍କ ଲୁହ ଦେଖି କହିଲେ- ‘ବହି ବି ନୂଆ ମିଳିବ ଆଉ ଘର ବି…’

19/08/2020 at 9:13 PM

ବିଜାପୁର ୧୯/୦୮ : କରୋନା ମହାମାରୀ ଯୋଗୁଁ ଲାଗୁ ହୋଇଥିବା ଲକଡାଉନ ସମୟରେ ହଜାର ହଜାର ପ୍ରବାସୀ ଶ୍ରମିକଙ୍କୁ ନିଜ ନିଜ ଘରକୁ ଯିବାରେ ସାହାଯ୍ୟ କରି ବଲିଉଡ ଅଭିନେତା ସୋନୁ ସୁଦ କୋଟି କୋଟି ଭାରତୀୟଙ୍କ ହୃଦୟ ଜିତିଛନ୍ତି | କେବଳ ପ୍ରବାସୀ ଶ୍ରମିକ ନୁହେଁ ବରଂ ଅନେକ ଆବଶ୍ୟକୀୟଙ୍କୁ ମଧ୍ୟ ସୋନୁ ସାହାଯ୍ୟ କରିଛନ୍ତି ଏବଂ ଏବେ ମଧ୍ୟ କରି ଚାଲିଛନ୍ତି | ପ୍ରାକୃତିକ ବିପର୍ଯୟ ସମୟରେ ମଧ୍ୟ ସେ ଲୋକଙ୍କୁ ସାହାଯ୍ୟ କରିଛନ୍ତି | ବର୍ତ୍ତମାନ ସୋନୁ ଛତିଶଗଡ଼ର ଜଣେ ଆଦିବାସୀ ଯୁବତୀଙ୍କ ଲୁହ ପୋଛିଛନ୍ତି | ଛତିଶଗଡ଼ ବିଜାପୁର ଜିଲ୍ଲାର ଏକ ଛୋଟ ଗାଁ କୋମଳାରେ ରହୁଥିବା ଆଦିବାସୀ ଛାତ୍ରୀ ଅଞ୍ଜଳି କୁଡିୟମଙ୍କୁ ସାହାଯ୍ୟ କରିବାକୁ ସୋନୁ ସୁଦ ଆଗେଇ ଆସିଛନ୍ତି | ଅଗଷ୍ଟ ୧୫-୧୬ ତାରିଖ ରାତିରେ ଅଞ୍ଜଳିଙ୍କ ଗାଁରେ ବନ୍ୟାଜଳ ପଶି ଯାଇଥିଲା | ପରିଜନ ଓ ଗ୍ରାମବାସୀଙ୍କ ସହ ବିଳମ୍ବିତ ରାତିରେ ଜୀବନ ବିକଳରେ ଗାଁ ଠାରୁ ୫ କିମି ଦୂର ଧାକଡପାରାରେ ଶରଣ ନେଇଥିଲେ |

ବର୍ଷା କାରଣରୁ ହୋଇଥିବା ବନ୍ୟା ଯୋଗୁଁ ଅଞ୍ଜଳି ନିଜ ପିତା, ଜେଜେମା, ପିଉସୀ ଓ ଭାଇ ସହ ସୁରକ୍ଷିତ ସ୍ଥାନକୁ ଚାଲିଯାଇଥିଲେ | କିନ୍ତୁ ପାଣି କମିଲା ପରେ ଯେତେବେଳେ ଗାଁକୁ ଫେରିଥିଲେ ନିଜ ଘର ଅବସ୍ଥା ଦେଖି କାନ୍ଦି ପକାଇଥିଲେ | ବନ୍ୟା ଜଳରେ ତାଙ୍କ ଘର ସମ୍ପୂର୍ଣ ଭୁଶୁଡି ଯାଇଥିଲା | ନିଜ ବହିଗୁଡିକୁ ଦେଖି ସେ କୋହ ରୋକି ପାରିନଥିଲେ | ଭୋ ଭୋ ହୋଇ କାନ୍ଦିଥିଲେ | ତାଙ୍କର ସବୁ ବହି ନଷ୍ଟ ହୋଇଯାଇଥିଲା | ସେଠାରେ ଉପସ୍ଥିତ ଜଣେ ବ୍ୟକ୍ତି ଏହି ଦୃଶ୍ୟକୁ ନିଜ ମୋବାଇଲ କଏଦ କରିଥିଲେ | ପରେ ଏହାକୁ ସୋସିଆଲ ମିଡ଼ିଆରେ ସେୟାର କରିଥିଲେ | ଭିଡିଓଟି କୌଣସି ପ୍ରକାରେ ରିଟ୍ୱିଟ ହୋଇ ସୋନୁ ସୁଦଙ୍କ ପାଖକୁ ପହଞ୍ଚିଥିଲା | ମାତ୍ର କିଛି ଘଣ୍ଟା ମଧ୍ୟରେ ଭିଡିଓ ସୋନୁଙ୍କ ପାଖକୁ ପହଞ୍ଚି ଯାଇଥିଲା | ଏହାପରେ ସୋନୁଙ୍କ ଟିମ ଭିଡିଓ ସେୟାର କରିଥିବା ବ୍ୟକ୍ତିଙ୍କୁ ଯୋଗାଯୋଗ କରିଥିଲା | ସେଠାରୁ ଅଞ୍ଜଳିଙ୍କ ସମ୍ପର୍କରେ ସମସ୍ତ ତଥ୍ୟ ମିଳିଥିଲା | ଏହାପରେ ସୋନୁ ସୁଦ ନିଜ ଟ୍ୱିଟର ଆକାଉଣ୍ଟରୁ ଅଞ୍ଜଳିଙ୍କ ଭିଡିଓ ପୋଷ୍ଟ କରି ତାଙ୍କ ପାଠ ପଢା ପାଇଁ ସମ୍ଭାବ୍ୟ ସାହାଯ୍ୟ କରିବାକୁ ପ୍ରତିଶୃତି ଦେଇଥିଲେ |

କୋମଳା ଗାଁରେ ରହୁଥିବା ଅଞ୍ଜଳି ସରକାରୀ ସ୍କୁଲରେ ଦ୍ୱାଦଶ ପାସ କରି ବର୍ତ୍ତମାନ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତି କରୁଛନ୍ତି | ତାଙ୍କ ଭାଇ ମଧ୍ୟ ଏକ ସରକାରୀ ସ୍କୁଲରେ ପଢେ | ତାଙ୍କ ବାପା ଜଣେ ଚାଷୀ | ୫ ଏକର ଜମିରେ ଚାଷ କରି ପରିବାର ଭରଣ ପୋଷଣ କରନ୍ତି | ବନ୍ୟା ଜଳରେ ଅଧାରୁ ଅଧିକ ଫସଲ ନଷ୍ଟ ହୋଇଯାଇଛି | ଅଞ୍ଜଳିଙ୍କ ସ୍ବପ୍ନ ମଧ୍ୟ ଭାଙ୍ଗି ଯାଇଥିଲା | କିନ୍ତୁ ସୋନୁ ସୁଦଙ୍କ ପାଇଁ ତାଙ୍କ ଭବିଷ୍ୟତ ସୁଧୁରିବା ଭଳି ପ୍ରତୀତ ହେଉଛି |

   Related Posts