ନୂଆଦିଲ୍ଲୀ ୨୪/୦୭ : ଗତ ବର୍ଷ ଲକଡାଉନ୍ ପରଠାରୁ ସୋନୁ ସୁଦ କ୍ରମାଗତ ଭାବରେ ଲୋକଙ୍କୁ ସାହାଯ୍ୟ କରିଆସୁଛନ୍ତି । ଲୋକମାନେ ସୋନୁଙ୍କୁ ବହୁତ ପ୍ରଶଂସା କରିବା ସହିତ ତାଙ୍କୁ ଦେବଦୂତ ବୋଲି କହୁଛନ୍ତି । ଏହି ସମୟରେ ସୋନୁ ସୁଦଙ୍କ କ୍ୟାରିୟର ସହ ଜଡିତ ଏକ ଖବର ସାମ୍ନାକୁ ଆସିଛି । ଫିଲ୍ମ ‘ହାପି ନ୍ୟୁ ଇୟର’ ରେ ଏକାଠି କାମ କରିଥିବା ଫରାହ ଖାନ ଏବଂ ସୋନୁ ସୁଦ ପୁଣି ଏକ ପ୍ରୋଜେକ୍ଟରେ ଏକାଠି କାମ କରିବାକୁ ଯାଉଛନ୍ତି।
wp:html/wp:html
ଏହା ଏକ ମ୍ୟୁଜିକ୍ ଭିଡିଓ ସହିତ ଜଡିତ ପ୍ରୋଜେକ୍ଟ । ସୂଚନା ଅନୁଯାୟୀ, ଏହି ଭିଡିଓ ୧୯୯୭ ମସିହାରେ ରିଲିଜ୍ ହୋଇଥିବା କ୍ଲାସିକ୍ ଗୀତ ‘ତୁମ୍ ତୋ ଠେହରେ ପରଦେଶୀ’ର ଏକ ନୂଆ ଭର୍ଜନ୍ ହେବ। ଅଲତାଫ୍ ରାଜାଙ୍କ ଏହି ଗୀତ ୯୦ ଦଶକର ସବୁଠାରୁ ବଡ ହିଟ୍ ଥିଲା । ବର୍ତ୍ତମାନ ଟୋନି କକ୍କର ଏବଂ ଅଲତାଫ ରାଜା ଏକାଠି ହୋଇ ନୂଆ ଗୀତର ରିକ୍ରିଏଟ୍ କରିବେ ।
ନିଜର ନୂଆ ମ୍ୟୁଜିକ୍ ଭିଡିଓକୁ ନେଇ ସୋନୁ ସୁଦ ତାଙ୍କ ଏବଂ ଫରାହ ଖାନଙ୍କ ବନ୍ଧୁତା ବିଷୟରେ ଉଲ୍ଲେଖ କରିଛନ୍ତି । ସେ କହିଛନ୍ତି ଯେ ଫରାହ ‘ହାପି ନ୍ୟୁ ଇୟର’ରେ ମୋତେ ଡାଇରେକ୍ଟ କରିଥିଲେ ଏବଂ ମୁଁ ସେହି ସମୟର ଜିନିଷଗୁଡ଼ିକୁ ଏବେବି ମନେ ରଖିଛି । ବର୍ତ୍ତମାନ ଆମେ ପଞ୍ଜାବରେ ସୁଟିଂ କରୁଛୁ ଏବଂ ଏଥର ମଧ୍ୟ ସେଟରେ ସମାନ ପରିବେଶ ଅଛି । ଏଥି ସହିତ ସୋନୁ ସୁଦ ମଧ୍ୟ ତାଙ୍କ ପ୍ରୋଜେକ୍ଟ ବିଷୟରେ ପ୍ରକାଶ କରିଛନ୍ତି। ସେ କହିଛନ୍ତି ଯେ ଏହି ଭିଡିଓରେ ସେ ଜଣେ କୃଷକଙ୍କ ଭୂମିକାରେ ଅଭିନୟ କରୁଛନ୍ତି, ଯାହା ପରେ ଜଣେ ପୋଲିସ କର୍ମଚାରୀ ହୋଇଛନ୍ତି । ଏହି ଗୀତରେ ଏକ ସୁନ୍ଦର ପ୍ରେମ କାହାଣୀ ମଧ୍ୟ ଦେଖିବାକୁ ମିଳିବ । ସୋନୁ କହିଛନ୍ତି ଯେ ଏହି ପ୍ରୋଜେକ୍ଟ କେବଳ ଏକ ମଜାଦାର ପ୍ରୋଜେକ୍ଟ ଏବଂ ଏହାକୁ ଅଧିକ ଗମ୍ଭୀରତାର ସହ ଗ୍ରହଣ କରାଯିବା ଉଚିତ ନୁହେଁ।