Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ସୋନୁ ସୁଦଙ୍କ ମହାନତା: ବସ୍ ଓ ଫ୍ଲାଇଟ୍ ପରେ ଟ୍ରେନରେ ପ୍ରବାସୀ ଶ୍ରମଜୀବୀଙ୍କୁ ଘରକୁ ପଠାଇଲେ, ଦେଖନ୍ତୁ ଭିଡିଓ

2/06/2020 at 12:06 PM

ମୁମ୍ବାଇ, ୦୨|୦୬:  କରୋନା ଭାଇରସ ଏବ ସାରା ବିଶ୍ୱରେ ଆତଙ୍କ ସୃଷ୍ଟି କରିଛି । ଭାରତ ମଧ୍ୟ ଏଥିରୁ ବାଦ୍ ପଡିନାହିଁ । ତେବେ କରୋନା ଭାଇରସ୍ ପାଇଁ ବିଭିନ୍ନ ରାଜ୍ୟରେ ହଜାର ହଜାର ଶ୍ରମିକ ଫସିରହିଛନ୍ତି । ଲକଡାଉନ୍ ଓ ଅର୍ଥାଭାବ ପାଇଁ ସେମାନେ ନିଜ ନିଜ ଘରକୁ ଫେରିପାରୁ ନାହାଁନ୍ତି । ବହୁ ଅସୁବିଧାର ସାମ୍ନା କରୁଛନ୍ତି । ତେବେ ଶ୍ରମିକଙ୍କ ଏହି ଅସୁବିଧାକୁ ନଜରରେ ରଖି ଅଭିନେତା ସୋନୁ ସୁଦ୍ ଅନେକ ପ୍ରବାସୀ ଶ୍ରମିକଙ୍କୁ ବସ୍ ଯୋଗେ ନିଜ ନିଜ ଘରକୁ ପଠାଇବାର ବ୍ୟବସ୍ଥା କରିଥିଲେ । ଏପରିକି ସମସ୍ତ ପ୍ରକାରର ସହାୟତା ଓ ସହଯୋଗ ଯୋଗାଇ ଦେଇଥିଲେ । ସୋନୁଙ୍କୁ ସାରା ଦେଶ ପ୍ରଶଂସା କରିଥିଲା ।  ବସ୍ ଓ ଫ୍ଲାଇଟ୍ ପରେ ଏବେ ଟ୍ରେନରେ ପ୍ରବାସୀ ଶ୍ରମିକଙ୍କୁ ନିଜ ନିଜ ଘରକୁ ପଠାଉଛନ୍ତି ଏହି ଅଭିନେତା ।

ସୋନୁ ପ୍ରବାସୀ ଶ୍ରମିକଙ୍କୁ ମୁମ୍ବାଇର ଠାଣେ ରେଳ ଷ୍ଟେସନରୁ ଉତ୍ତର ପ୍ରଦେଶ ଓ ବିହାର ଯାଉଥିବା ଟ୍ରେନରେ ସେମାନଙ୍କ ଘରକୁ ପଠାଇଛନ୍ତି । ସେ ଦୈନିକ ପ୍ରାୟ ୧୮ ଘଣ୍ଟା କାମ କରି ଶ୍ରମିକଙ୍କୁ ଲଗାତାର ଭାବେ ସାହାଯ୍ୟ କରୁଛନ୍ତି । ଲୋକଙ୍କୁ ସାହାଯ୍ୟ କରିବା ପାଇଁ ତାଙ୍କ ଟିମ୍ ମଧ୍ୟ ଆଗକୁ ଆସିଛି । ଏବେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏଥିରେ ସୋନୁ ସୋମବାର ମୁମ୍ବାଇରୁ ଯାଉଥିବା ଏକ ସ୍ୱତନ୍ତ୍ର ଟ୍ରେନରେ ପ୍ରବାସୀ ଶ୍ରମିକଙ୍କୁ ସେମାନଙ୍କ ଘରକୁ ପଠାଉଥିବା ଦେଖିବାକୁ ମିଳିଛି । ଏପରିକି ସେ ଷ୍ଟେସନରେ ପହଁଚି ଟ୍ରେନରେ ଥିବା ଆବଶ୍ୟକୀୟ ବ୍ୟବସ୍ଥା ମଧ୍ୟ ତଦାରଖ କରିଥିଲେ । ଏହାସହ ଯାତ୍ରୀଙ୍କୁ ସାମାଜିକ ଦୂରତା ରକ୍ଷା କରିବାକୁ କହିଥିଲେ । ଆହୁରି ମଧ୍ୟ ଶିଶୁ ଓ ମହିଳାଙ୍କୁ ସେମାନଙ୍କ ଖାଇବା ପିଇବା ବ୍ୟବସ୍ଥା ମଧ୍ୟ ପଚାରି ବୁଝିଥିଲେ ।

ଏହି ଭିଡିଓରେ ସୋନୁ ନିଜେ ଲୋକଙ୍କୁ ଭେଟିବା ସହ ବିଦାୟ ଦେଉଥିବା ନଜର ଆସିଛି । ସେ ଲୋକଙ୍କୁ ଜଲଦି ଘରକୁ ଯାଇ ଫେରିଆସିବାକୁ ମଧ୍ୟ କହୁଛନ୍ତି । ଲୋକମାନେ ମଧ୍ୟ ସୋନୁଙ୍କୁ ଧନ୍ୟବାଦ ଦେଉଥିବା ନଜର ଆସିଛି ।

   Related Posts