Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ଦୂର ହେବ କଂଗ୍ରେସ କନ୍ଦଳ ! ଆଜି ଅସନ୍ତୁଷ୍ଟ ନେତାଙ୍କୁ ମନାଇବେ ସୋନିଆ ଗାନ୍ଧୀ, ନୂଆ ରଣନୀତି ଉପରେ ହେବ ଆଲୋଚନା

19/12/2020 at 11:24 AM

ନୂଆଦିଲ୍ଲୀ, ୧୯|୧୨ : ଶନିବାର ଅସନ୍ତୁଷ୍ଟ କଂଗ୍ରେସ ନେତାଙ୍କୁ ମନାଇବେ ସୋନିଆ ଗାନ୍ଧୀ । ଏଥିପାଇଁ ଶନିବାର ବସୁଛି କଂଗ୍ରେସର ବୈଠକ । ଦଳରେ ଦେଖାଦେଇଥିବା ଆଭ୍ୟନ୍ତରୀଣ କନ୍ଦଳର ସମାଧାନ ପାଇଁ ଅଣ୍ଟା ଭିଡିଛନ୍ତି ଅଧ୍ୟକ୍ଷା ସୋନିଆ ଗାନ୍ଧୀ । ଦଳକୁ ମଜବୁତ କରିବା ସହ ସମସ୍ତ ଅସନ୍ତୁଷ୍ଟ ନେତାଙ୍କୁ ମନାଇବା ପାଇଁ ସୋନିଆ ଶନିବାର ଏକ ବୈଠକ ଡାକିଛନ୍ତି । ସୋନିଆ ଏହି ବୈଠକରେ ସେହି ଅସନ୍ତୁଷ୍ଟ ନେତାଙ୍କୁ ଭେଟିବେ ଯେଉଁମାନେ ଚିଠି ଲେଖି ନେତୃତ୍ୱ ଉପରେ ପ୍ରଶ୍ନ କରିଥିଲେ । ଏହି ଚିଠିକୁ ନେଇ କଂଗ୍ରେସ କାର୍ଯ୍ୟକାରୀ ବୈଠକରେ ପ୍ରବଳ ହଟ୍ଟଗୋଳ ହୋଇଥିଲା ।

ଦଳରେ ଫାଟ ସେତେବେଳେ ପଦାକୁ ଆସିଥିଲା ଯେତେବେଳେ ଚିଠି ଲେଖିଥିବା ନେତା ଅନ୍ୟ ବରିଷ୍ଠ ନେତାଙ୍କୁ ସମାଲୋଚନା କରିଥିଲେ । ପରସ୍ପର ପ୍ରତି ଆରୋପ ପ୍ରତ୍ୟାରୋପ କରିଥିଲେ । ଏହାମଧ୍ୟରେ ସୋନିଆ ଗାନ୍ଧୀ ଡାକିଥିବା ବୈଠକ ଅଧ୍ୟକ୍ଷ ଚୟନ ସହ କନ୍ଦଳକୁ ପ୍ରଶମିତ କରିବା ପାଇଁ ହୋଇଥିବା କୁହାଯାଉଛି । ତେଣୁ ଏହି ବୈଠକ ଅନେକ ମହତ୍ତ୍ୱ ରଖୁଛି । ଏହାସହ ନିକଟରେ ସରିଥିବା ଅନେକ ନିଗର ନିଗମ ନିର୍ବାଚନରେ ଦଳର ପରାଜୟକୁ ନେଇ ମଧ୍ୟ ବୈଠକରେ ଆଲୋଚନା ହୋଇପାରେ । ବୈଠକରେ ଯୋଗ ଦେବାକୁ ଅନେକ ଛାମୁଆ ନେତା ସୋନିଆ ଗାନ୍ଧୀଙ୍କ ବାସଭବନରେ ପହଁଚିଛନ୍ତି ।

କୁହାଯାଉଛି ଯେ, ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥ ସୋନିଆଙ୍କୁ ଭେଟି ଅସନ୍ତୁଷ୍ଟ ନେତାଙ୍କୁ ମନାଇବାକୁ ପରାମର୍ଶ ଦେଇଥିଲେ । ଅସନ୍ତୁଷ୍ଟ ନେତାଙ୍କୁ ମନାଇବା ପଛରେ କମଲନାଥଙ୍କ ହାତ ଥିବା ଆଲୋଚନା ହେଉଛି । ତେବେ ଚିଠି ଲେଖିଥିବା ୨୩ ନେତା ବୈଠକରେ ସାମିଲ ହେବେ ନାହିଁ । ୫ରୁ ୬ଜଣ ନେତାଙ୍କ ସହ ସୋନିଆ ସାକ୍ଷାତ କରିବେ ।

ଅନ୍ୟଦିଗରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ନେତ୍ରୀ  ମମତା ବାନାର୍ଜୀ ଶୁକ୍ରବାର ଜରୁରୀକାଳିନ ବୈଠକ ଡାକିଛନ୍ତି । କାରଣ ଟିଏମସିରୁ ଗୋଟିଏ ପରେ ଗୋଟିଏ ନେତା ମୁହଁ ଫେରାଇଲାଣି । ପ୍ରଥମେ ବରିଷ୍ଠ ନେତା ଶୁଭେନ୍ଦୁ ଅଧିକାରୀ ଓ ଶୁକ୍ରବାର ବିଧାୟକ ଶୀଳଭଦ୍ର ଦତ୍ତ ମମତାଙ୍କ ହାତ ଛାଡିଛନ୍ତି । ବିଜେପିକୁ କାଉଣ୍ଟର ଦେବା ସହ ନୂଆ ରଣନୀତି ଆପଣାଇବା ପାଇଁ ମମତା ବୈଠକରେ ଆଲୋଚନା କରିବେ ।  

   Related Posts