Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଙ୍କୀ : ଶୌଚ ପାଇଁ ଯିବାବେଳେ କଚାଡି ଦେଲା ଦନ୍ତା, ଜଣେ ଗୁରୁତର
  • ||
  • ଭୁବନ : ୨ ଦିନ ପାଇଁ କଲେଜ ସଟ୍‌ଡାଉନ୍, କରୋନା ସଂକ୍ରମିତ ଚିହ୍ନଟ ପରେ ପଦକ୍ଷେପ‌
  • ||
  • ରାଜ୍ୟରେ କରୋନା ନେଲା ଆଉ ୩ ଜଣଙ୍କ ଜୀବନ, ୧୯୩୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଢ଼ି ଚାଲିଛି କରୋନା ସଂକ୍ରମଣ, ମହାରାଷ୍ଟ୍ରରେ ଆଜିଠାରୁ ମେ ପହିଲା ପର୍ଯ୍ୟନ୍ତ ୧୪୪ ଧାରା
  • ||
  • ଜଗତସିଂହପୁର : ଆଜି ପବିତ୍ର ମହାବିଷୁବ ସଂକ୍ରାନ୍ତି : ମା ଶାରଳାଙ୍କ ପୀଠରେ ଲାଗୁ ହେଲା ୧୪୪ ଧାରା, ନୀତି ସମ୍ପନ୍ନ କରିବେ ସେବାୟତ
  • ||
  • ବାରଙ୍ଗ : ନନ୍ଦନକାନନକୁ ନୂଆ ଅତିଥି, ଦ୍ୱିତୀୟ ଥର ପାଇଁ ମା ହେଲା ବାଘୁଣୀ ମେଘା
  • ||
  • ୨ହଜାର ଟପିଲା ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୨୬୭ ପଜିଟିଭ୍ ଚିହ୍ନଟ
  • ||

ଧାନ ବିକି ବ୍ୟାଙ୍କରେ ଟଙ୍କା ରଖିଥିଲା ବାପା, ପ୍ରେମିକା ପାଇଁ ଏଟିଏମରୁ ୭୭ ହଜାର ଉଠାଇନେଲା ପୁଅ, ରଚିଲା ଅପହରଣ ନାଟକ

5/03/2021 at 11:20 AM

ଡେରାବିଶ,୦୫/୦୩: ଅତି ସ୍ନେହ ପାଇ ବିଗିଡିଗଲା ପୁଅ । ହୁଡିଗଲା ବାଟ । ରଚିଲା ମିଛ ଅପହରଣ ନାଟକ । ପ୍ରେମିକାକୁ ଖୁସି କରିବା ଓ ବନ୍ଧୁମାନଙ୍କ ସାଙ୍ଗରେ ଅୟସ୍‌ କରିବା ପାଇଁ ଜଣେ ନାବାଳକ (୧୭ ବର୍ଷ) ବାପା-ମା’ଙ୍କ ଅଜାଣତରେ ବାପାଙ୍କ ଏଟିଏମ୍‌ରୁ ୭୭ ହଜାର ଟଙ୍କା ଉଠାଇ ନେଇ ଖର୍ଚ୍ଚ କରିଥିଲା । ବାପା-ମା’ ଜାଣିବା ପରେ ସେମାନଙ୍କ ରୋଷରୁ ବର୍ତ୍ତିବା ପାଇଁ ଏକ ମିଛିମିଛିକା ଅପହରଣ ନାଟକ ରଚିଥିଲା । ଶେଷରେ ସେ ନିଜ ଜାଲରେ ନିଜେ ଫସିଯାଇଥିଲା । ନିଜେ ପୋଲିସ୍‌ ଆଗରେ ପର୍ଦ୍ଦାଫାସ୍‌ କରିଥିଲା ଅପହରଣ ନାଟକର ସମ୍ପୂର୍ଣ୍ଣ କାହାଣୀ । କେନ୍ଦ୍ରାପଡା ଜିଲ୍ଲା ଡେରାବିଶ ଥାନା ଅନ୍ତର୍ଗତ ରଘୁଦେଇପୁର ପଂଚାୟତ ବେଲାରପୁର ଗ୍ରାମରେ ଏପରି ଏକ ଚାଞ୍ଚଲ୍ୟକର ଘଟଣା ଘଟିଛି ।

ସୂଚନାନୁସାରେ, ମିଛ ଅପହରଣ ନାଟକ ରଚିଥିବା ନାବାଳକକୁ ଉଦ୍ଧାର କରିବା ପାଇଁ ଡେରାବିଶ ଆଇଆଇସି ଉମାକାନ୍ତ ନାୟକଙ୍କୁ ପୂରା ପୋଲିସ୍‌ ଟିମ୍‌ ସହିତ ରାତିସାରା ନୟାନ୍ତ ହେବାକୁ ପଡ଼ିଛି । ଶେଷରେ ପୋଲିସ୍‌ ସଂପୃକ୍ତ ନାବାଳକକୁ ଧରି ତା’ଠାରୁ ସତ ଓକାଳିବା ପରେ ତା’ ବାପା-ମା’ଙ୍କୁ ହସ୍ତାନ୍ତର କରିଛି । ଘଟଣାଟି ସମଗ୍ର ଅଂଚଳରେ ଚର୍ଚ୍ଚାର ବିଷୟ ହୋଇଛି ।

ନାବାଳକର ବୟାନ ଅନୁଯାୟୀ, ତା’ ବାପା ଧାନ ବିକି ବ୍ୟାଙ୍କରେ ଟଙ୍କା ଜମା ରଖିଥିଲେ । ଏହା ଜାଣିବା ପରେ ସଂପୃକ୍ତ ନାବାଳକ ବାପାଙ୍କ ଏଟିଏମ୍‌ କାର୍ଡ ଲୁଚାଇ ଆଣି ୧୫ ଦିନ ତଳେ ସେଥିରେ ୩୭ ହଜାର ଟଙ୍କା ଉଠାଇ ନେଇଥିଲା । ପୁଣି ମାର୍ଚ୍ଚ ୧ ତାରିଖ ଦିନ ଆଉ ୪୦ହଜାର ଟଙ୍କା ଉଠାଇ ଖର୍ଚ୍ଚ କରିଥିଲା । ଏ ସମ୍ପର୍କରେ ଜାଣି ବାପା-ମା’ ବିରକ୍ତ ହୋଇଥିଲେ । ବାପା-ମା’ଙ୍କ ରାଗରୁ ବର୍ତ୍ତିବା ପାଇଁ ସେ ତାରେଣୀ ଛକକୁ ବାଇକ୍‌ରେ ଆସି ସେହି ସମୟରେ ଏକ ବୋଲେରୋ ସେପଟେ ଜାତୀୟ ରାଜପଥ ଆଡ଼କୁ ଯାଉଥିବା ଦେଖି ଲିଫ୍‌ଟ୍‌ ମାଗି ସେଥିରେ ଯାଇଥିଲା । ଏହା ପରେ ସେମାନେ ବାଟରେ ଗାଡ଼ିରେ ଡିଜେଲ ପକାଇବା ସହ ହୋଟେଲ୍‌ରେ ଖାଇଥିଲେ । ଯାଜପୁରର ଭାକୁଡ଼ ଛକରେ ସେ ବୋଲେରୋରୁ ଓହ୍ଲାଇ ପଡ଼ିଥିଲା ।

ଏପରିକି ବାପାଙ୍କ ଏଟିଏମ୍‌ରେ ଉଠାଇ ଖର୍ଚ୍ଚ କରିଥିବା ଟଙ୍କା ରୋଜଗାର କରିବା ପରେ ସେ ଘରକୁ ଫେରିବ ନାହିଁ ବୋଲି ପ୍ରତିଜ୍ଞା କରି ଘରୁ ଚାଲିଯାଇଥିବା କଥା ନାବାଳକ ଜଣକ ପୋଲିସକୁ କହିଛି। ପୋଲିସ ନାବାଳକର ବାପା-ମା’ଙ୍କୁ ଡକାଇ ତାଗିଦ୍‌ କରିବା ପରେ ନାବାଳକକୁ ହସ୍ତାନ୍ତର କରିଛି ।

   Related Posts