ପାଲିପାଟଣା୬/୧୧: ସମ୍ପତ୍ତି ଲୋଭରେ ଏତେ ନିଷ୍ଠୁର ହୋଇପାରେ ରକ୍ତର ସଂପର୍କ। ଭୋକ-ଉପାସରେ ରହି ପିଲାମାନଙ୍କୁ ବଡ କରିବା ପରେ ପରିଣତ ବୟସରେ ବାପାଙ୍କ ପ୍ରତି ପୁଅର ନିର୍ଯାତନା ଅସହ୍ୟ ହୋଇପଡିଛି। ସାମାନ୍ୟ ସମ୍ପତ୍ତି ପାଇଁ ଜନ୍ମକଲା ବାପାଙ୍କୁ ୮ ଦିନ ଧରି ବାଥରୁମ୍ରେ ବନ୍ଦ କରି ରଖିଥିଲା ପୁଅ।ପୁଣି ତା ସାଙ୍ଗକୁ ମାଡ ଗାଳି ଦେଉଥିଲେ ପୁଅ-ବୋହୂ।
{"id":356979,"sizeSlug":"large"}
ଏମିତି ଲଜ୍ଜାଜନକ ଘଟଣା କୌଣସି ଗ୍ରାମାଞ୍ଚଳରେ ନୁହେଁ ଖୋଦ୍ ରାଜଧାନରେ ଦେଖିବାକୁ ମିଳିଛି। ଭୁବନେଶ୍ବର ପଳାଶୁଣିରେ ନବଘନ ସେଠୀଙ୍କୁ ତାଙ୍କ ପୁଅ- ବୋହୂ ଏପରି ନିର୍ଯ୍ୟାତନା ଦେଉଥିଲେ। କେବଳ ସେତିକି ନୁହେଁ, ମାଡ଼ ମାରିବା ସହ ବୃଦ୍ଧଙ୍କୁ ଲଣ୍ଡା ମଧ୍ୟ କରି ଦେଇଥିଲେ।୮ ଦିନ କାଳ ବାପାଙ୍କୁ ଖାଇବା-ପିଇବାକୁ ନ ନେଇ ବାଥରୁମ୍ରେ ବନ୍ଦ କରିବା ରଖିବା ଘଟଣାକୁ ପଡୋଶୀ ଜାଣି ପାରିଥିଲେ।ଏ ସଂପର୍କରେ ବୃଦ୍ଧଙ୍କ ଝିଅଙ୍କୁ ଖବର ଦେଇଥିଲେ।
{"id":356980,"width":552,"height":787,"sizeSlug":"large"}
ମିଳିଥିବା ସୂଚନା ଅନୁସାରେ ନବ ଘନଙ୍କ ନାମରେ ଥିବା ଏକ ଘରକୁ ପୁଅ - ବୋହୁଙ୍କ ନାମରେ କରାଇ ଦେବାକୁ ଚାପ ପକାଇଥିଲେ ପୁଅ-ବୋହୂ । ବୃଦ୍ଧ ଜଣକ ରାଜି ନହେବାରୁ ତାଙ୍କୁ ଏପରି ନିର୍ଯ୍ୟାତନା ଦେଇଛନ୍ତି ପୁଅ - ବୋହୁ । ବୃଦ୍ଧଙ୍କ ଝିଅ ପୋଲିସ୍ ଧରି ବାପାଙ୍କୁ ଉଦ୍ଧାର କରିଥିଲେ।ଏହି ଘଟଣାରେ ପୋଲିସ୍ ବର୍ତ୍ତମାନ ତଦନ୍ତ କରୁଛି।
