Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ଘରର ଏକମାତ୍ର ରୋଜଗାରିଆ ପୁଅର ଦୁଇଟିଯାକ କିଡ୍ନୀ ଖରାପ, ମା ଗୋଟିଏ କିଡନୀ ଦେଲାପରେ ମଧ୍ୟ ହେଲେନି ଭଲ, ଜୀବନ ପାଲଟିଛି ଖାଲି ଯନ୍ତ୍ରଣା

8/07/2019 at 7:31 PM

ବୌଦ୍ଧ୮|୭; ଗରିବ ଅସହାୟଙ୍କ ପାଇଁ ସରକାରଙ୍କ କାହିଁ କେତେ ଯୋଜନା।ପେଟକୁ ଖାଇବା ପାଇଁ ଆଉ ମୁଣ୍ଡଗୁଞ୍ଜିବା ପାଇଁ ଯୋଜନା ପରେ ଯୋଜନା କରୁଛନ୍ତି ସରକାର । କିନ୍ତୁ ବିଭାଗୀୟ ଅଧିକାରୀଙ୍କ ଆନ୍ତରିକତା ଅଭାବରୁ ଖଟିଖିଆ ମୂଲିଆଙ୍କ ପାଇଁ ସରକାରଙ୍କ ଯୋଜନା କାହିଁ କେତେ ଯୋଜନ ଦୂରରେ ଯେମିତି…

ମୃତ୍ୟୁ ସହ ସଂଗ୍ରାମକରୁଛି ଘରର ଏକ ମାତ୍ର ରୋଜଗାରକ୍ଷମ ପୁଅ ।୫ ବର୍ଷ ହେଲା ଜୀବନ ପାଲଟିଛି ଦୁର୍ବିସହ । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଯୁବରାଜପୁର ଗାଁର ଏହି ଭଙ୍ଗା ଦଦରା ଘରକୁ ଦେଖନ୍ତୁ। ଖଟିଆରେ ଅସହାୟ ଅବସ୍ଥାରେ ପଡ଼ିଥିବା ଏହି ବ୍ୟକ୍ତି ହେଉଛନ୍ତି ଭୀମସେନ ରଣା । କିଡିନୀ ରୋଗରେ ଆକ୍ରାନ୍ତ ହୋଇ ଦୁଇଟିଯାକ କିଡ଼ନୀ ହରାଇଛନ୍ତି ଭୀମସେନ ।ଗୋଟିଏ ପଟେ ରୋଜଗାରିଆ ପୁଅ ଅନ୍ୟ ପଟେ ତାର ସଂସାର । କେମିତି ବା ସହିଥାନ୍ତା ମାଆର ହୃଦୟ । ପୁଅର ଅବସ୍ଥା ଦେଖି ଗୋଟିଏ କିଡନୀ ଦେଇଥିଲେ ମାଆ ରେଖା । ଭାବିଥିଲେ ପୁଅ ସୁସ୍ଥ ହେବ ପୁଣି ଥରେ ମୂଲ ମଜୁରୀ କରି ଘର ଚଳାଇବ ।ସେଥି ପାଇଁ କିଡନୀ ଦେବା ସହିତ ଯାହା କିଛି ସମ୍ବଳ ଥିଲା ଆସ୍ତ୍ରୋପଚାରରେ ସବୁ କିଛି ସାରିଦେଲେ । କିନ୍ତୁ ଭାଗ୍ୟର ବିଡ଼ମ୍ବନା ଅସ୍ତ୍ରୋପଚାର ପରେ ଏବେ ଔଷଧ କିଣି ବାକୁ ପାଖରେ ଟଙ୍କା ନାହିଁ ଫଳରେ ଉଭୟ ମାଆ ପୁଅଙ୍କ ଅବସ୍ଥା ଏବେ ବିଗିଡ଼ିବାକୁ ବସିଲାଣି।

ଯମ ଯନ୍ତ୍ରଣାରେ ଛଟପଟ ଘରର ଦୁଇ ମୁରବି । କେବେ ଘରେ ଚୁଳି ଜଳୁଛି ତ ଆଉ କେବେ ଖାଡ଼ା ଉପାସ । ପାଞ୍ଚପ୍ରାଣୀ କୁଟୁମ୍ବ ସତେ ଯେମିତି ମୃତ୍ୟୁ ଅପେକ୍ଷାରେ ଅଛନ୍ତି ।  ଏପରି କ୍ଷେତ୍ରରେ ସରକାର ତାଙ୍କ ପରିବାରକୁ ଆର୍ଥିକ ସହାୟତା ତ ଦେବା ଦୂରର କଥା । ଆଜି ପର୍ଯ୍ୟନ୍ତ ପକ୍କା ଘର ଖଣ୍ଡେ ମଧ୍ୟ ମିଳିନାହିଁ । ତେବେ ହରଭଙ୍ଗା ବ୍ଲକରେ କେବଳ ଭୀମସେନଙ୍କ ପରିବାରର ଏପରି ଅବସ୍ଥା ନୁହେଁ ।ସମଗ୍ର ବ୍ଳକରେ ଏମିତି ଶହ ଶହ ଭୀମସେନଙ୍କ ପରିବାର ଉଜୁଡ଼ି ଯାଇଛି । ଘଟଣା ସମ୍ପର୍କରେ ସ୍ଥାନୀୟ ପ୍ରଶାସନ ଅବଗତ ଥିଲେ ମଧ୍ୟ ଘଟଣାକୁ ନେଇ ଯେମିତି ଆଖି ବନ୍ଦ କରିଦେଇଛି । ତେବେ ଆମ ପ୍ରତିନିଧିଙ୍କ ଠାରୁ ଶୁଣିବା ପରେ ସହାୟତାର ପ୍ରତିଶ୍ରୁତି ଦେଇଛନ୍ତି ସ୍ଥାନୀୟ ବିଡିଓ।

ଭୀମସେନଙ୍କ ପରିବାରକୁ ସହାୟତା ଦେବା ସହିତ କିଡିନୀ ରୋଗର କାରଣ ଖୋଜିବା ପାଇଁ ସାଧାରଣରେ ଦାବି ହୋଇଛି ।ତେବେ ଯଦି କୌଣସି ସହୃଦୟବ୍ୟକ୍ତି ଭୀମସେନଙ୍କୁ ସାହାର୍ଯ୍ୟ କରିବାକୁ ଚାହାଁନ୍ତି ଭାରତୀୟ ଷ୍ଟେଟ ବ୍ୟାଙ୍କ 36255856066 ଆକାଉଟ ନମ୍ବର ରେ ସାହାଯ୍ୟ କରିପାରିବେ କିମ୍ବା 7609814650 ମୋବାଇଲ ନମ୍ବର ରେ ଯୋଗାଯୋଗ କରି ସହଯୋଗ କରିପାରିବେ । 

   Related Posts