Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହଙ୍ଗା ହେଲା ପ୍ଲାଟଫର୍ମ ଟିକେଟ୍, ପୂର୍ବାପେକ୍ଷା ୩ ଗୁଣା ବଢିଲା ଦାମ୍
  • ||
  • ଭିଜିଲାନ୍ସ ପଞ୍ଝାରେ କିରାଣୀ, ମୃତ୍ୟୁ ପ୍ରମାଣପତ୍ର ପାଇଁ ନେଉଥିଲେ ୬୦୦ ଟଙ୍କା ଲାଞ୍ଚ
  • ||
  • ଆଜି ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ, ପୁରସ୍କୃତ ହେବେ ଶ୍ରେଷ୍ଠ-୧୪ ପ୍ରତିଭାଦୀପ୍ତ ମହିଳା
  • ||
  • ଆଜି ସନ୍ଧ୍ୟାରେ ନ୍ୟୁଜ୍ ସେଭେନ୍ ସର୍ଟଫିଲ୍ମ କଣ୍ଟେଷ୍ଟ୍ ‘ସୋ-କେଶ୍ ୨୦୨୦’ର ପୁରସ୍କାର ବିତରଣୀ, ୧୨ଟି ବର୍ଗରେ ରହିଛି ପୁରସ୍କାର
  • ||
  • ଇଂଲଣ୍ଡ ବ୍ୟାଟିଂରେ ଭନ୍ ନିରାଶ, କହିଲେ- ‘ପିଚ୍ ଭଲ ଥିଲା କିନ୍ତୁ ଖେଳି ପାରିଲେ ନାହିଁ’
  • ||
  • ସୁନ୍ଦରଗଡ଼ : ନଦୀ ପଠାରେ ପଡିଛି ଶରୀରର ବିଭିନ୍ନ କଟା ଅଂଶ, ହତ୍ୟା ପରେ ଫିଙ୍ଗାଯାଇଛି !
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||

‘ଆଜି ମୁଁ ମୋ ମା’କୁ ମୁକ୍ତି ଦେଇ ଦେଲି’… ଛୁରୀ ଭୁସି ମାରି ଦେବା ପରେ ପୁଅ ଏପରି କଲା ଚିତ୍କାର

21/07/2020 at 8:54 PM

ନୂଆଦିଲ୍ଲୀ ୨୧।୦୭ : ସୋମବାର ସକାଳେ ଦକ୍ଷିଣ ଦିଲ୍ଲୀର ମଦନାଗିର ଅଞ୍ଚଳରେ ଜଣେ ୪୫ ବର୍ଷୀୟା ମହିଳାଙ୍କୁ ତାଙ୍କ ପୁଅ ପାଞ୍ଚ ଥର ଛୁରୀ ଭୁସି ଅତି ନିର୍ମମ ଭାବେ ହତ୍ୟା କରିଥିବା ଖବର ସାମ୍ନାକୁ ଆସିଛି। ପୁଲିସ ଅଭିଯୁକ୍ତ ପୁଅକୁ ଗିରଫ କରି ତଦନ୍ତ ଚଳାଇଛି।

ଅଭିଯୁକ୍ତର ୨୨ ବର୍ଷୀୟ ସାଗର କହିଛି ଯେ ‘ଜୀବନରୁ ମୁକ୍ତି’ ଦେବା ପାଇଁ ସେ ନିଜ ମା’କୁ ହତ୍ୟା କରିଛି। ଖବର ପାଇ ପୁଲିସ ଯେତେବେଳେ ଘଟଣାସ୍ଥଳରେ ପହଞ୍ଚିଥିଲା ସାଗର ମା’ର ମୃତଦେହ ପାଖରେ ବସିଥିଲା। ଛୁରାମାଡ଼ ଯୋଗୁଁ ମହିଳାଙ୍କ ଅତ୍ୟଧିକ ରକ୍ତସ୍ରାବ ହୋଇଥିଲା ଏବଂ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା।| 

ତଦନ୍ତକାରୀ ଅଧିକାରୀ କହିଛନ୍ତି ଘଟଣା ବିଷୟରେ ପଚରାଯିବା ପରେ ସାଗର କହିଥିଲା ଯେ ‘ଆଜି ମୁଁ ମୋ ମା’କୁ ମୁକ୍ତି ଦେଇ ଦେଇଛି’। ସେ ବାରମ୍ବାର ଏହି ଗୋଟିଏ କଥା ଦୋହରାଉଥିଲା। ‘ପଚରାଉଚରା ବେଳେ ମଧ୍ୟ ସେ ମୃତ୍ୟୁ ପରର ଜୀବନ ବିଷୟରେ କହୁଥିଲା ଏବଂ ଅସ୍ପଷ୍ଟ ଉତ୍ତର ଦେଉଥିଲା। ଅଭିଯୁକ୍ତ ସାଗରର ହାଲୁସିନାସନ୍ ସମସ୍ୟା ରହିଛି ବୋଲି ଅଧିକାରୀ ସନ୍ଦେହ ପ୍ରକାଶ କରି କହିଛନ୍ତି। ତାର ମାନସିକ ଭାରସ୍ୟାମ ଠିକ୍ ନଥିବା ପୁଲିସ କହିଛି। ତଦନ୍ତରୁ ଜଣାପଡିଛି ଯେ ସାଗର ପ୍ରତିଦିନ ଡ୍ରଗ୍ସ ଏବଂ ମଦ୍ୟପାନ କରୁଥିଲା। ସେ ଦିଲ୍ଲୀର ହାଉଜ ଖାସର ଏକ କାଫେରେ ଡିଜେ ଭାବେ କାମ କରୁଥିଲା।

ପୁଲିସ କହିଛି ଯେ ସେମାନେ ମନଚିକିତ୍ସକଙ୍କ ସହିତ ପରାମର୍ଶ କରୁଛନ୍ତି। ଡିସିପି ଅତୁଲ କୁମାର ଠାକୁର କହିଛନ୍ତି ଯେ ‘ସାଗର ବିରୋଧରେ ହତ୍ୟା ମାମଲା ରୁଜୁ କରାଯାଇଛି ଏବଂ ଅଭିଯୁକ୍ତଙ୍କୁ ଗିରଫ କରାଯାଇଛି। ଅଞ୍ଜଳିଙ୍କ ଘରୁ ହତ୍ୟା ଅସ୍ତ୍ର ମଧ୍ୟ ପୋଲିସ ଜବତ ହୋଇଛି। ହତ୍ୟା ସମ୍ପର୍କରେ ଅଧିକ ତଦନ୍ତ ଜାରି ରହିଛି ବୋଲି ସେ କହିଛନ୍ତି |

ସୋମବାର ସକାଳ ପାଖାପାଖି ସାଢେ ୧୧ଟା ସମୟରେ ଆପାର୍ଟମେଣ୍ଟରୁ ଚିତ୍କାର ଶୁଭିଥିଲା। ଚିତ୍କାର ଶୁଣି ପଡ଼ୋଶୀମାନେ ପୋଲିସକୁ ଖବର ଦେଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ସୂଚନାଯୋଗ୍ୟ ଯେ ମହିଳା ଅଞ୍ଜଲି ଫ୍ରାନ୍ସିସ୍ ତାଙ୍କ ପୁଅଙ୍କ ସହ ମଦନାଗିର ବଜାର ନିକଟ ଜି-ବ୍ଲକରେ ରହୁଥିଲେ |

   Related Posts