ଉମରକୋଟ ୨।୬: ପୁଅକୁ ପିଟି ପିଟି ହତ୍ୟା କଲା ବାପା । ନବରଙ୍ଗପୁର ଜିଲ୍ଲା ରାଇଘର ଥାନା ଅନ୍ତର୍ଗତ ସରଗୁଳି ଗାଁରେ ଘଟିଛି ଏଭଳି ଅଭାବନୀୟ ଘଟଣା । ହତ୍ୟାକାରୀ ବାପାକୁ ଅଟକ ରଖି ପୋଲିସ ତଦନ୍ତ ଜାରି ରଖିଛି ।
ସୂଚନାଯୋଗ୍ୟ ଯେ, ନବରଙ୍ଗପୁର ଜିଲ୍ଲା ରାଇଘର ଥାନା ଅନ୍ତର୍ଗତ ସରଗୁଳି ଗାଁରେ ସୋମବାର ଜମିବାଡି ବିବାଦକୁ ନେଇ ଉଭୟ ବାପା ଏବଂ ପୁଅଙ୍କ ମଧ୍ୟରେ ବଚସା ହୋଇଥିଲା । ବଚସା ଏତେ ଉଗ୍ରରୂପ ନେଇଥିଲା ଯେ, ଉତକ୍ଷିପ୍ତ ହୋଇ ପୁଅକୁ ପିଟି ପିଟି ବାପା ହତ୍ୟା କରିଛି । ମୃତକଙ୍କ ନାଁ ହେଉଛି ଅସିତ ବାସୁ ।
ଖବର ପାଇ ରାଇଘର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ହତ୍ୟାକାରୀ ବାପା ଅମର ବାସୁକୁ ଅଟକ ରଖିଛି । ଶବ ବ୍ୟବଚ୍ଛେଦ ପାଇଁ ମୃତଦେହକୁ ପଠାଇବା ସହ ରାଇଘର ପୋଲିସ ଘଟଣାର ଅଧିକ ତଦନ୍ତ ଚଳାଇଛି ।
