ନୂଆଦିଲ୍ଲୀ ୦୫/୧୦: କଳିଯୁଗର ଜଣେ ପୁଅ ତା ମା’ ସହିତ ଯାହା କରିଛି ତାହା ଜାଣି ସମସ୍ତେ ଆଶ୍ଚର୍ଯ୍ୟ ହୋଇଯିବେ। ବ୍ରିଟେନର ପେମ୍ବ୍ରୋକ୍ ଡକ୍ ଟାଉନରେ ରହୁଥିବା ଡେଲ୍ ମୋର୍ଗାନ୍ ନାମକ ଜଣେ ବ୍ୟକ୍ତି ଅତି ନିର୍ମମ ଭାବେ ତାର ମା’କୁ ହାତୁଡ଼ିରେ ପିଟିପିଟି ହତ୍ୟା କରିଛି। ଏହା ପରେ ସେ ମା’ର ଶବ ସହିତ ଘରେ ଦୁଇମାସ ରହିଛି।
ଯେତେବେଳେ ମୋର୍ଗାନକୁ ପଡୋଶୀମାନେ ପଚାରିଥିଲେ ଯେ ମା କେଉଁଠାରେ ଅଛନ୍ତି, କୋଭିଡ କାରଣରୁ ସେ ଅଲଗା ଅଛନ୍ତି ବୋଲି କହି କଥାକୁ ଏଡାଇ ଦେଇଥିଲା। ଲୋକଙ୍କୁ ଦ୍ୱନ୍ଦ୍ୱରେ ରଖିବା ପାଇଁ ସେ ତାର ମା’ଙ୍କ ନମ୍ବରରେ ମେସେଜ୍ ବି ପଠାଉଥିଲା। ଯେତେବେଳେ ମୋର୍ଗାନର ମା ଜୁଡିଥ ରେଡଙ୍କୁ ଦୀର୍ଘ ସମୟ ପର୍ଯ୍ୟନ୍ତ ଦେଖାଯାଇନଥିଲା, କିଛି ଲୋକ ପୋଲିସକୁ ସୂଚନା ଦେଇଥିଲେ। ଏହା ପରେ ପୋଲିସ ଟିମ୍ ମୋର୍ଗାନ ଘରେ ପହଞ୍ଚିଥିଲା। ଖୋଜାଖୋଜି ସମୟରେ ଶୋଇବା ଘରର ଏକ ଛୋଟ ଝରକା ଖୋଲା ଥିଲା। ଯେତେବେଳେ ଅଧିକାରୀମାନେ ଝରକା ପରଦା କାଢିଥିଲେ ସେ ଆଶ୍ଚର୍ଯ୍ୟ ହୋଇଗଲେ।
କୋଠରୀ ଭିତରେ ରକ୍ତ ଚିହ୍ନ ଦେଖିବାକୁ ମିଳିଥିଲା ଏବଂ ବେଡ୍ ପାଖରେ ଏକ ମୃତ ଦେହ ଦେଖିବାକୁ ମିଳିଥିଲା। ପୋଲିସ ମୃତଦେହ ଉଦ୍ଧାର କରିବା ସମୟରେ ଜୁଡିଥ ରହେଡଙ୍କ ମୁଣ୍ଡରେ ଏକ ପ୍ଲାଷ୍ଟିକ ବ୍ୟାଗ ବନ୍ଧାହୋଇଥିଲା। ପୋଷ୍ଟମର୍ଟମ ରିପୋର୍ଟରୁ ଜଣା ପଡିଲା ଯେ ତାଙ୍କ ମୁଣ୍ଡରେ ଚାରିଆଡ଼େ ଫ୍ୟାକ୍ଚର୍ ହୋଇଛି। ପୋଲିସର କଡା ପଚରାଉଚରାରେ ମୋର୍ଗାନ ସ୍ୱୀକାର କରିଛି ଯେ ସେ ତାର ମାକୁ ଅତି ନିର୍ମମ ଭେବେ ହାତୁଡ଼ିରେ ପିଟିପିଟି ହତ୍ୟା କରିଛି।
ପୋଲିସର ପଚରାଉଚରା ବେଳେ ଅଭିଯୁକ୍ତ କହିଛି ଯେ ତାକୁ ନିଶାର ଅଭ୍ୟସ୍ତ ଥିଲା ଏବଂ ଏହାକୁ ପୂରଣ କରିବା ପାଇଁ ଘରୁ ଟଙ୍କା ଚୋରି କରୁଥିଲା। ସେ ତାର ମା’ଙ୍କ ବ୍ୟାଙ୍କ ଆକାଉଣ୍ଟରୁ ବି ଟଙ୍କା ଉଠାଉଥିଲା। ଯେତେବେଳେ ମା ତାର କାର୍ଯ୍ୟକଳାପ ବିରୁଦ୍ଧରେ ବିରୋଧ କରିବା ଆରମ୍ଭ କଲେ, ସେତେବେଳେ ସେ ତାଙ୍କୁ କରିଦେଲା। ବର୍ତ୍ତମାନ ମା’ର ହତ୍ୟାକାରୀ ମୋର୍ଗାନକୁ କୋର୍ଟ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି।