Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ହଜିଗଲା ମାନବିକତା : ବୃଦ୍ଧା ବାପା-ମା’ଙ୍କୁ ମାଡ ମାରି ଘରୁ ତଡିଦେଲେ ପୁଅବୋହୂ

3/09/2020 at 9:32 AM

ଭୁବନ ୩।୯: ଲକ୍ଷେ ଶିବ ପୂଜି ପାଇଥିଲେ ପୁଅ କିନ୍ତୁ ପୁଅ ଏବେ ସାଜିଛି ଭଗାରୀ । ଚାରି ଝିଅରେ ଗୋଟିଏ ବୋଲି ପୁଅ । ପୁଅଟିଏ ପାଇଁ କେତେ ଦିଅଁ ଦେବତାଙ୍କ ପାଖରେ ମାନସିକ କରିଥିଲେ । ୩୫ ବର୍ଷ ପୂର୍ବେ ଯେଉଁ ସ୍ବପ୍ନ ଦେଖିଥିଲେ, ତାହା ସବୁ ସ୍ବପ୍ନରେ ରହିଗଲା । ଏଭଳି ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅସୁରବନ୍ଧ ପାଟଣା ଗ୍ରାମରେ ।

ସୂଚନାଯୋଗ୍ୟ ଯେ, ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅସୁରବନ୍ଧ ପାଟଣା ଗ୍ରାମରେ ରୁହନ୍ତି ୮୦ ବର୍ଷ ବୟସ୍କ ବୃଦ୍ଧ ଦୋଳ ସାହୁ ଏବଂ ସ୍ତ୍ରୀ ୭୦ ବର୍ଷ ବୟସ୍କ ବୃଦ୍ଧା ଜହ୍ନ ସାହୁ । ମୁଲ ମଜୁରୀ କରି ପରିବାର ପ୍ରତିପୋଷଣ କରିଥାଆନ୍ତି । ଦୋଳ ସାହୁଙ୍କ ବିବାହ ପରେ ଜନ୍ମ ହୋଇଥିଲେ ୪ ଝିଅ । ପୁଅଟିଏ ପାଇଁ କେତେ ଦିଅଁ ଦେବତାଙ୍କୁ ପୂଜା କରି ଭୋକ ଉପବାସରେ କେତେ ଯେ ଦିନ କାଟିଥିବେ ତାର ହିସାବ ନାହିଁ । ଇଶ୍ବରଙ୍କ ଆଶୀର୍ବାଦରୁ କୋଳକୁ ଆସିଥିଲା ପୁଅଟିଏ । ପରିବାରରେ ଖୁସିର ଲହରୀ ଖେଳିଯାଇଥିଲା । ଏକ ମାତ୍ର ପୁଅ ଭ୍ରମର ବଡ ହେଲାପରେ ବାପାଙ୍କୁ ସାହାଯ୍ୟ କରିବା ପାଇଁ କଲିକତାରେ ଯାଇ କାମଧନ୍ଧା କରିଥିଲେ । ହସିଲା ପୁରିଲା ପରିବାର ଚାରି ଝିଅଙ୍କର ବିବାହ କାର୍ଯ୍ୟ ସାରି ପୁଅକୁ ମଧ୍ୟ ହାତକୁ ଦୁଇ ହାତ କରିଥିଲେ ।

କିନ୍ତୁ କିଛି ବର୍ଷ ପରେ ପରିବାରରେ କାହାର ନଜର ଲାଗିଯାଇଥିଲା । ପୁଅ ଭ୍ରମର ଅଧିକାଂଶ ଦିନ କଲିକତାରେ ରହୁଥିଲେ । ତେଣୁ ଘର କଥା ବେଶି ଜାଣିପାରୁ ନଥିଲେ । ଶାଶୁ ଶ୍ବଶୁରଙ୍କ ସହିତ ବୋହୁ ରଶ୍ମୀତାଙ୍କର ପ୍ରାୟ ସମୟ ଝଗଡା ହୁଏ । ଏପରି ଖବର ପାଇ ଭ୍ରମର କଲିକତାରୁ ଆସି ବାପା-ମା’ଙ୍କୁ ଅଲଗା କରିଦେଇଥିଲା ।

ଦୁଇ ବୃଦ୍ଧା ଅଲଗା ରୋଷେଇ କରି ଖାଇଲେ । ସରକାରଙ୍କଠାରୁ ପାଉଥିବା ଚାଉଳ ଓ ଭତ୍ତା ଟଙ୍କାରେ ଗୁଜୁରାଣ ମେଣ୍ଟିଯାଏ । କରୋନା ମହାମାରୀ ଦିନଠାରୁ ପୁଅ ଭ୍ରମର ଘରେ ଅଛି । ତାଙ୍କର ବି ଦୁଇ ଝିଅ ଓ ଗୋଟିଏ ପୁଅ । କିନ୍ତୁ ଗତକାଲି ସନ୍ଧ୍ୟାରେ ବାପା-ମା’ଙ୍କୁ ପୁଅବୋହୂ ମାଡମାରି ଘରୁ ତଡି ଦେଇଛନ୍ତି । ବୃଦ୍ଧ ଦମ୍ପତ୍ତି ନ୍ୟାୟ ପାଇଁ ଭୁବନ ଥାନାର ଦ୍ବାରସ୍ଥ ହୋଇଛନ୍ତି । ଭୁବନ ପୋଲିସ ଅଭିଯୋଗ ଆଧାରରେ ତଦନ୍ତ ଚଳାଇଥିବା ଜଣାପଡିଛି ।

   Related Posts