Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ସ୍ୱିଜରଲ୍ୟାଣ୍ଡ ନିଶା ପାର କରାଇଲା ସୀମା: ୪ ବର୍ଷ ପରେ ପାକିସ୍ତାନ ଜେଲରୁ ମୁକୁଳି ସ୍ବଦେଶ ଫେରିଲେ ହାଇଦ୍ରାବାଦର ସଫ୍ଟୱେୟାର ଇଞ୍ଜିନିୟର

2/06/2021 at 7:34 PM

ହାଇଦ୍ରାବାଦ ୦୨/୦୬ : ଗତ ୪ ବର୍ଷ ହେଲା ପାକିସ୍ତାନ ଜେଲରେ ବନ୍ଦୀ ଥିବା ହାଇଦ୍ରାବାଦର ସଫ୍ଟୱେୟାର ଇଞ୍ଜିନିୟର ସ୍ବଦେଶ ଫେରିଛନ୍ତି । ତେଲେଙ୍ଗାନା ଓ ଭାରତ ସରକାରଙ୍କ ସାହାଯ୍ୟରେ ସେ ବୁଧବାର ଦିନ ହାଇଦ୍ରାବାଦରେ ପହଞ୍ଚିଛନ୍ତି । ମଙ୍ଗଳବାର ଦିନ ପାକିସ୍ତାନ ତାଙ୍କୁ ଅଟାରି ବର୍ଡ଼ର ନିକଟରେ ଥିବା ସାଇବରାବାଦ ମାଧାପୁର ପୋଲିସକୁ ହସ୍ତାନ୍ତର କରିଥିଲା ।
ହାଇଦ୍ରାବାଦର ସଫ୍ଟୱେୟାର ଇଞ୍ଜିନିୟର ପ୍ରଶାନ୍ତ ୨୦୧୭, ଏପ୍ରିଲ ୧୧ ତାରିଖରେ ନିଖୋଜ ହୋଇଯାଇଥିଲେ । ଅନେକ ଦିନ ଖୋଜାଖୋଜି କରିବା ପରେ ପରିବାର ଲୋକେ ୨୦୧୭ ଏପ୍ରିଲ ୨୯ ତାରିଖରେ ମାଧାପୁର ପୋଲିସ ଥାନାରେ ନିଖୋଜ ମାମଲା ରୁଜ୍ଜୁ କରିଥିଲେ । ମାଧାପୁର ପୋଲିସ ମଧ୍ୟ ବହୁତ ଖୋଜାଖୋଜି କରିଥିଲା । କିନ୍ତୁ ପ୍ରଶାନ୍ତଙ୍କୁ ଖୋଜିବାରେ ସଫଳ ହୋଇନଥିଲା ।
ହଠାତ ଦିନେ ତାଙ୍କ ପରିବାର ଲୋକଙ୍କୁ ଖବର ମିଳିଲା ଯେ ପ୍ରଶାନ୍ତ ପାକିସ୍ତାନରେ ଫସି ଯାଇଛନ୍ତି ଓ ପୋଲିସ କଷ୍ଟଡିରେ ଅଛନ୍ତି । ଏହି ଖବର ଶୁଣି ପରିବାର ଲୋକ ଆଶ୍ଚର୍ଯ୍ୟ ହୋଇଯାଇଥିଲେ । ପ୍ରଶାନ୍ତ କିଭଳି ପାକିସ୍ତାନରେ ପହଞ୍ଚିଲେ ଘର ଲୋକ କିଛି ଭାବି ପାରିନଥିଲେ । ପ୍ରଶାନ୍ତ ବେଆଇନ ତରିକାରେ ଭାରତ-ପାକିସ୍ତାନ ସୀମା ପାର କରିଥିଲେ ।


ଏହି ଖବର ପାଇବା ପରେ ପ୍ରଶାନ୍ତଙ୍କ ଘରଲୋକ ତାଙ୍କୁ ଭାରତକୁ ଫେରାଇ ଆଣିବାକୁ ସାଇବରାବାଦ ପୋଲିସ କମିଶନର, ତେଲେଙ୍ଗାନା ସରକାର ଓ ଭାରତ ସରକାରଙ୍କୁ ସାହାଯ୍ୟ ମାଗିଥିଲେ । ତେଲେଙ୍ଗାନା ସରକାର, ବିଦେଶ ମନ୍ତ୍ରାଳୟ, ଗୃହ ମନ୍ତ୍ରାଳୟ ଓ ଭାରତ ସରକାର ପ୍ରଶାନ୍ତଙ୍କୁ ଭାରତକୁ ଫେରାଇ ଆଣିବାକୁ ଲଗାତାର ଚେଷ୍ଟା କରିଥିଲେ । ଏହାପରେ ମେ’ ୩୧ ତାରିଖରେ ପାକିସ୍ତାନ ପ୍ରଶାନ୍ତଙ୍କୁ ମୁକ୍ତ କରିଥିଲା ଓ ଅଟାରି ବର୍ଡ଼ରରେ ମାଧାପୁର ପୋଲିସକୁ ହସ୍ତାନ୍ତର କରିଥିଲା ।
ସାଇବରାବାଦ ପୋଲିସ ଅନୁଯାୟୀ, ପ୍ରଶାନ୍ତ ଜଣେ ସଫ୍ଟୱେୟାର ଇଞ୍ଜିନିୟର । ସେ କୌଣସି ବ୍ୟକ୍ତିଗତ କାରଣ ଯୋଗୁଁ ସ୍ୱିଜରଲ୍ୟାଣ୍ଡ ଯିବାକୁ ଚାହୁଁଥିଲେ । କିନ୍ତୁ ଏଥିପାଇଁ ତାଙ୍କ ପାଖରେ ଆବଶ୍ୟକ ମୁତାବକ ଟଙ୍କା ନଥିଲା । ସେଥିପାଇଁ ସେ ଯେକୌଣସି ପ୍ରକାରେ ଚାଲି ଚାଲି ହେଉ ପଛେ ସ୍ୱିଜରଲ୍ୟାଣ୍ଡରେ ପହଞ୍ଚିବାକୁ ଚାହୁଁଥିଲେ । ନିଜ ଯୋଜନା ଅନୁଯାୟୀ ପ୍ରଶାନ୍ତ ଏପ୍ରିଲ ୧୧ ତାରିଖରେ ଟ୍ରେନ ଯୋଗେ ରାଜସ୍ଥାନ ବିକାନେରରେ ପହଞ୍ଚିଥିଲେ । ଭାରତ-ପାକିସ୍ତାନ ସୀମାକୁ ଯାଇ ତାର ବାଡ ଡେଇଁ ପାକିସ୍ତାନରେ ପ୍ରବେଶ କରିଥିଲେ । ବେଆଇନ ଭାବେ ପାକିସ୍ତାନରେ ପ୍ରବେଶ କରିବା ଅଭିଯୋଗରେ ପାକିସ୍ତାନ ପୋଲିସ ତାଙ୍କୁ ଗିରଫ କରିଥିଲା । ୪ ବର୍ଷ ପାକିସ୍ତାନ ଜେଲରେ ରହିବା ପରେ ସେ ନିଜ ଦେଶକୁ ଫେରିଛନ୍ତି ।

   Related Posts