Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||
  • କେନ୍ଦ୍ରାପଡ଼ା : ରାମଚଣ୍ଡୀ ମନ୍ଦିରରୁ ଚୋରି, ତାଲା ଭାଙ୍ଗି ସୁନା ଅଳଙ୍କାର ଲୁଟ୍
  • ||

ମୁଜ୍ଜଫରପୁରରେ ଥମୁନି ଏଇଏସ୍, କେନ୍ଦ୍ର ଓ ରାଜ୍ୟ ସ୍ୱାସ୍ଥ୍ୟମନ୍ତ୍ରୀଙ୍କ ବିରୋଧରେ ମୋକଦ୍ଦମା ରୁଜୁ

17/06/2019 at 5:20 PM

ମୁଜ୍ଜଫରପୁର ୧୩।୬:   ବିହାର ମୁଜ୍ଜଫରପୁର ଜିଲ୍ଲାରୁ ଆରମ୍ଭ ହୋଇଥିବା ଏନସେଫେଲାଇଟସ୍  (ସ୍ଥାନୀୟ ଭାଷାରେ ଚମକୀ ବୁଖାର) ଏବେ ଅନ୍ୟ ଜିଲ୍ଲାମାନଙ୍କୁ ବ୍ୟାପିଗଲାଣି। ପ୍ରତିଦିନ ଜ୍ୱରରେ ଆକ୍ରାନ୍ତ ଶହଶହ ଶିଶୁଙ୍କ ମୃତ୍ୟୁ ହେଉଥିବା ବେଳେ ଏବେ ରାଜ୍ୟ ଓ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ବିରୋଧରେ ମୋକଦ୍ଦମା ରୁଜୁହୋଇଛି। ମୁଜ୍ଜଫରପୁର ସିଜେଏମଙ୍କ କୋର୍ଟରେ ଏହି ମୋକଦ୍ଦମା ରୁଜୁ ହୋଇଥିବା ବେଳେ ସମାଜିକ କର୍ମୀ ତମନ୍ନା ହାସ୍ମୀ ମାମଲା ଦାୟର କରିଛନ୍ତି। ଅଜଣା ଜ୍ୱରରେ  ଶହଶହ ନିରିହ ଶିଶୁଙ୍କ ମୃତ୍ୟ ପାଇଁ ସାମାଜିକ କର୍ମୀ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ମଙ୍ଗଲ ପାଣ୍ଡେୟ ଓ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡା. ହର୍ଷବର୍ଦ୍ଧନଙ୍କୁ ଦାୟି କରିଛନ୍ତି। କୋର୍ଟ ମାମଲାକୁ ବିଚାର ନିମନ୍ତେ ଗ୍ରହଣ କରିଥିବା ବେଳେ ଜୁନ ୨୪ ତାରିଖରେ ଏହାର ଶୁଣାଣି ହେବ। 

ବିହାରରେ ଆକ୍ୟୁଟ ଏନସେଫାଲାଇଟସ୍ ସିଣ୍ଡ୍ରୋମ ଏଇଏସ କିଛି ନୂଆ କଥା ନୁହେଁ। ଗତ ୫ ବର୍ଷ ହେଲା ରାଜ୍ୟରେ ଏକ ନିର୍ଦ୍ଧିଷ୍ଟ ଋତୁରେ ଏଇଏସ୍ ଲକ୍ଷଣ ପ୍ରକାଶ ପାଉଥିବା ବେଳେ ଶହଶହ ଶିଶୁ ଆକ୍ରାନ୍ତ ହେଉଛନ୍ତି। ହେଲେ ଏହି ରୋଗ ଓ ଏଥିପ୍ରତି ସତର୍କତା ନିମନ୍ତେ ରାଜ୍ୟ ଅଥବା କେନ୍ଦ୍ର ସରକାରଙ୍କ ପକ୍ଷରୁ କୌଣସି ପ୍ରାଥମିକତା ଦିଆଯାଉନି। ଏଣୁ ସଚେତନତା ଅଭାବରୁ ରାଜ୍ୟରେ ପ୍ରତିବର୍ଷ ଶହ ଶହ ନିରିହ ଶିଶୁ ଏହି ରୋଗରେ ପ୍ରାଣ ହରାଉଥିବା ଆବେଦନକାରୀ ତାଙ୍କ ପିଟିସନରେ ଉଲ୍ଲେଖ କରିଛନ୍ତି।

ଚଳିତ ବର୍ଷ ଏଇଏସ୍ ପୁଣି ବ୍ୟାପୀବା ପରେ ମୁଖ୍ୟମନ୍ତ୍ରୀ ନୀତିଶ କୁମାର ମଧ୍ୟ ଏହାକୁ ନେଇ ଲୋକଙ୍କ ମଧ୍ୟରେ ସଚେତନତା ଅଭାକୁ ଦାୟି କରିଥିଲେ। ତେବେ ଲୋକଙ୍କୁ ଏନେଇ ସଚେତନ କରାଇବାକୁ ସରକାରଙ୍କ ପକ୍ଷରୁ କି ପଦକ୍ଷେପ ନିଆଯାଇଥିଲା ବୋଲି ସାମାଜିକ କର୍ମୀ କୋର୍ଟଙ୍କ ଜରିଆରେ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି । କେବଳ ସେତିକି ନୁହେଁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟ ମଧ୍ୟ ବିହାରର ସ୍ୱାସ୍ଥ୍ୟ ସମସ୍ୟା ସମ୍ପର୍କରେ ବେଶ ସଚେତନ ବୋଲି ସାମାଜିକ କର୍ମୀ ଉଲ୍ଲେଖ କରିଥିବା ବେଳେ କେନ୍ଦ୍ର ସରକାରଙ୍କ ପକ୍ଷରୁ ଏ ଦିଗରେ କୌଣସି ପଦକ୍ଷେପ  ନିଆଯାଇନଥିବା ଅଭିଯୋଗ କରିଛନ୍ତି । ଏଣୁ ଉଭୟ କେନ୍ଦ୍ର ଓ ରାଜ୍ୟ ସ୍ୱାସ୍ଥ୍ୟମନ୍ତ୍ରୀଙ୍କୁ ରାଜ୍ୟରେ ଏଇଏସ ପାଇଁ ସେ ଦାୟି କରିଥିବା ବେଳେ କଣ ପାଇଁ ମୋକଦ୍ଦମା ରୁଜୁ ହୋଇ ପାରିବନାହିଁ ବୋଲି ପ୍ରଶ୍ନ କରିଛନ୍ତି।

   Related Posts