Thursday, August 22, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବାତ୍ୟା ଫୋନି ଦ୍ବାରା ବ୍ୟାପକ କ୍ଷତିର ଶିକାର ହୋଇଛି ରାଜ୍ୟର ଅଗ୍ରଣୀ ତଥା ସୁନାମଧନ୍ୟ ଶିକ୍ଷାନୁଷ୍ଠାନ ସୋଆ, ସମ୍ ହସ୍ପିଟାଲ

ଭୁବନେଶ୍ବର୧୦|୫: ବାତ୍ୟା ଫୋନି ଦ୍ବାରା ବ୍ୟାପକ କ୍ଷତିର ଶିକାର ହୋଇଛି ରାଜ୍ୟର ଅଗ୍ରଣୀ ତଥା ସୁନାମଧନ୍ୟ ଶିକ୍ଷାନୁଷ୍ଠାନ ସୋଆ । ଏଥି ସହ ଏହା ଅଧୀନରେ ଥିବା ଆଇଏମସ୍‌ ସମ୍‌ ହସ୍ପିଟାଲ ମଧ୍ୟ କ୍ଷତିଗ୍ରସ୍ତ ହୋଇଛି । ପ୍ରାଥମିକ ଆକଳନ ଅନୁସାରେ ପାଖାପାଖି ୩୦କୋଟି ଟଙ୍କାରୁ ଅଧିକ ସମ୍ପତ୍ତି ନଷ୍ଟ ହୋଇଥିବା କହିଛନ୍ତି ସୋଆ କର୍ତ୍ତୃପକ୍ଷ । ….

ଅଳ୍ପ ସମୟରେ ବହୁତ କିଛି କ୍ଷତି କରିଗଲା ଫୋନି । ସବୁ କିଛି ଭାଙ୍ଗିରୁଜି ଛିନ୍‌ଛତ୍ର କରିଦେଲା । କୋଟି କୋଟି ଟଙ୍କାର ସମ୍ପତ୍ତି ନଷ୍ଟ କଲା । ବାତ୍ୟାର ପ୍ରକୋପରେ କବାଟ-ଝରକା ସବୁ ଭାଙ୍ଗି ଚୁର୍‌ମାର ହୋଇଗଲା । ନଷ୍ଟ ହେଲା କୋଟି କୋଟି ଟଙ୍କାର ଯନ୍ତ୍ରାଂଶ । ଭୁବନେଶ୍ବର ଶିକ୍ଷା ଓ ଅନୁସନ୍ଧାନ ବା ସୋଆ ଡିମ୍‌ଡି୍‌ ଟୁ ବି ୟୁନିଭର୍ସିଟି ଅଧୀନରେ ଥିବା ବିଭିନ୍ନ ଶିକ୍ଷାନୁଷ୍ଠାନ ଧ୍ବସ୍ତବିଧ୍ବସ୍ତ  । ସେହିଭଳି ଆଇଏମଏସ ସମ୍‌ ହସ୍ପିଟାଲ ଚିତ୍ର । ସେଠି ମଧ୍ୟ ବାତ୍ୟା ଫୋନିର ପ୍ରଭାବ ପଡ଼ିଛି । ବ୍ୟାପକ କ୍ଷୟକ୍ଷତି ହୋଇଛି । ହସ୍ପିଟାଲ ପରିସରରେ କିଛି ବିଲଡିଂର ଛାଡ଼ ଉଡ଼ିଯାଇଛି । ସେହିଭଳି ସୋଆ ଅଧୀନରେ ଥିବା ୯ଟି ଶିକ୍ଷାନୁଷ୍ଠାନ ସମେତ ୧୩ଟି ସ୍ବତନ୍ତ ଗବେଷଣା କେନ୍ଦ୍ର ଓ ୩୫ଟି ଲାବୋରେଟୋରିଗୁଡ଼ିକ କ୍ଷତିଗ୍ରସ୍ତ ହୋଇଛି । ପ୍ରାଥମିକ ଆକଳନ ଅନୁସାରେ ପାଖାପାଖି ୩୦କୋଟି ଟଙ୍କାରୁ ଅଧିକ ସମ୍ପତ୍ତି ନଷ୍ଟ ହୋଇଥିବା କହିଛନ୍ତି ସୋଆ କର୍ତ୍ତୃପକ୍ଷ ।  ପରବର୍ତ୍ତି ଆକଳନରେ କ୍ଷତିର ପରିମାଣ ୫୦କୋଟି ଟପିପାରେ ବୋଲି ଆଶଙ୍କା କରାଯାଉଛି । ଏତେ ସବୁ କ୍ଷତି ସତ୍ବେ ସମ୍‌ ହସ୍ପିଟାଲ କର୍ତ୍ତୃପକ୍ଷ ରୋଗୀ ସେବାରେ କୌଣସି  ହେଳା କରିନାହାନ୍ତି । ବାତ୍ୟା ଦିନ ଓ ତାର ପରବର୍ତ୍ତୀ ସମୟରେ ହସ୍ପିଟାଲରେ ଚକିତ୍ସିତ ହେଉଥିବା ରୋଗୀଙ୍କୁ ନିରନ୍ତର  ସ୍ବାସ୍ଥ୍ୟସେବା ଯୋଗାଇଦିଆଯାଉଛି  ଏମିତିକି ରୋଗୀ ଏବଂ ତାଙ୍କ ସମ୍ପର୍କୀୟଙ୍କୁ ମଧ୍ୟ ହସ୍ପିଟାଲ ତରଫରୁ  ମାଗଣାରେ ଖାଦ୍ୟପେୟ ଯୋଗାଇ ଦିଆଯାଇଥିଲା ।

ସେହିଭଳି ସୋଆ ଅଧୀନରେ ଥିବା ଶିକ୍ଷାନୁଷ୍ଠାନ ଗୁଡ଼ିକରେ ବାତ୍ୟା ଦ୍ବାରା ଅନେକ କ୍ଷୟକ୍ଷତି ହୋଇଥିଲେ ମଧ୍ୟ ଛାତ୍ରଛାତ୍ରୀଙ୍କ ପାଠପଢ଼ାରେ କୌଣସି ପ୍ରତିବନ୍ଧକ ସୃଷ୍ଟି ହେବାକୁ ଦେଇନାହାନ୍ତି ସୋଆ କର୍ତ୍ତୃପକ୍ଷ । ପୂର୍ବଭଳି ଶିକ୍ଷାଦାନ ଜାରି ରହିଛି ।

ଫୋନି ଶିକ୍ଷାଦାନ କ୍ଷେତ୍ରରେ ରାଜ୍ୟର ଏକ ନମ୍ବର ଶିକ୍ଷାନୁଷ୍ଠାନ ସୋଆ ଡିମ୍‌ଡ୍‌ ଟୁ ବି ୟୁନିଭର୍ସିଟି ଏବଂ ଏହା ଅଧୀନରେ ଥିବା ଆଇଏମଏସ୍‌ ସମ୍‌ ହସ୍ପିଟାଲ ବାତ୍ୟା ଜନିତ ଏସବୁ କ୍ଷୟକ୍ଷତି ସତ୍ବେ ଛାତ୍ରଛାତ୍ରୀଙ୍କ ଶିକ୍ଷା ଓ ରୋଗୀସେବା କ୍ଷେତ୍ରରେ ନିଜର କର୍ତ୍ତବ୍ୟ ସମ୍ପାଦନ କରିଚାଲିଛି ଆଉ ଆଗକୁ କରିବ ମଧ୍ୟ ।

225 Views

   ସମ୍ବନ୍ଧିତ ଖବର