Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

କରୋନା ଥମୁନି, ଭୂତାଣୁ ଭୟ ଯିବନି : ପଶୁପକ୍ଷୀଙ୍କ ଜରିଆରେ ୮.୫ ଲକ୍ଷ ଭୟଙ୍କର ଭାଇରସ ଏବେବି ସକ୍ରିୟ, ପ୍ରତିବର୍ଷ ୧ କୋଟି ଜୀବନକୁ ବିପଦ, ଚିନ୍ତାରେ ବିଶେଷଜ୍ଞ

18/05/2021 at 1:14 PM

ନୂଆଦିଲ୍ଲୀ, ୧୮।୦୫: ଭବିଷ୍ୟତରେ ପଶୁଙ୍କଠାରୁ ମଣିଷଙ୍କୁ ବ୍ୟାପୁଥିବା ରୋଗର ମାତ୍ରା ବଢିପାରେ । ଯଦି ଠୋସ୍ ପଦକ୍ଷେପ ଗ୍ରହଣ କରାନଯାଏ ତେବେ ୨୦୫୦ ବେଳକୁ ଏପ୍ରକାର ରୋଗ ପ୍ରତିବର୍ଷ ୧ କୋଟି ଜୀବନ ନେବ । ଏହି ସଂଖ୍ୟା କ୍ୟାନ୍ସର ଓ ସଡକ ଦୁର୍ଘଟଣାରେ ମୃତକଙ୍କୁ ମଧ୍ୟ ଟପିଯିବ ।

ଇଣ୍ଡିଆନ ଜର୍ଣ୍ଣାଲ ଅଫ୍ ମେଡିକାଲ ରିସର୍ଚ୍ଚର ରିପୋର୍ଟ ଅନୁସାରେ, ଗତ ୨ ଦଶନ୍ଧୀ ହେଲା ଜୁନାଟିକ୍ ରୋଗର ପ୍ରକୋପ ବଢିଛି । ୨୦୦୦ରୁ ପ୍ରତି ତୃତୀୟ ବର୍ଷରେ ଏକ ବଡ ସ୍ୱାସ୍ଥ୍ୟ ସମସ୍ୟା ସୃଷ୍ଟି ହୁଏ । ଯେଉଁଥିରେ ପଶୁଙ୍କଠାରୁ ମଣିଷଙ୍କୁ ବିଭିନ୍ନ ଭାଇରସ, ପାନ୍ଥୋଜେନ୍ ଓ ବ୍ୟାକ୍ଟେରିଆ ବ୍ୟାପିଥାଏ । ଫଳରେ ଜାପାନୀ ଏନସେଫାଲାଇଟସ, ବାର୍ଡ ଫ୍ଲୁ, ନିପାହ, ସାର୍ସ, ଜିକା ଆଦି ରୋଗ ସାମିଲ ରହିଛି ।

ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ, ଏବେ ୮ ଲକ୍ଷ ୫୦ ହଜାରରୁ ଅଧିକ ଭାଇରସ ଓ ପାଥୋଜେନ୍ ସକ୍ରିୟ ଅଛନ୍ତି । ଏହାସହ ୨୦ ହଜାରରୁ ଅଧିକ ପ୍ରକାରର କରୋନା ଭାଇରସ ରହିଛି । ଏହା ପଶୁ ପକ୍ଷୀଙ୍କ ଜରିଆରେ ମଣିଷଙ୍କୁ ବ୍ୟାପେ । ଏପରି ବିପଦ ପୂର୍ବ ତୁଳନାରେ ବଢିଛି । ଜଳବାୟୁ ପରିବର୍ତ୍ତନ ସହ ପଶୁଙ୍କୁ ଅଧିକ ଆଣ୍ଟି ବାୟୋଟିକ୍ ଔଷଧ ଅଧିକ ଦେବା ଦ୍ୱାରା ମାଇକ୍ରୋବାୟଲ ରେଜିଷ୍ଟାନ୍ସ ଉତ୍ପନ୍ନ ହୁଏ । ଯାହା ଭାଇରସ ମ୍ୟୁଟେସନର ପ୍ରଧାନ କାରଣ ଅଟେ । ଏହାସହ ଦୂଷିତ ପରିବେଶ ପାଇଁ ମଧ୍ୟ ପଶୁଙ୍କଠାରୁ ମଣିଷକୁ ଅନେକ ରୋଗ ବ୍ୟାପେ ।

ଆହୁରି ମଧ୍ୟ କୁହାଯାଇଛି ଯେ, ଏହାର ମୁକାବିଲା ପାଇଁ ଏକ ସ୍ୱାସ୍ଥ୍ୟ ଦୃଷ୍ଟିକୋଣକୁ ଆପଣାଇବାକୁ ହେବ । ଏହାସହ ପଶୁଙ୍କ ସ୍ୱାସ୍ଥ୍ୟ ମଧ୍ୟ ନଜରରେ ରଖିବାକୁ ହେବ । ପଶୁ ଚିକିତ୍ସା ବିଜ୍ଞାନୀମାନେ ଚିକିତ୍ସକଙ୍କ ସହ ମିଶି ଏ ଦିଗରେ ଗବେଷଣା କରିବାର ଆବଶ୍ୟକତା ରହିଛି ବୋଲି ରିପୋର୍ଟରେ ପ୍ରକାଶ ପାଇଛି ।

   Related Posts