Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହାଇଦର ମାମଲାରେ ପୋଲିସକୁ ସହାୟତା କରିବି: ୟାକୁବ୍‌
  • ||
  • ଆତ୍ମସମର୍ପଣ କରିବି ବୋଲି କହିଲେ ହାଇଦର ସହଯୋଗୀ ୟାକୁବ
  • ||
  • ହାଇଦର ଫେରାର ନେଇ ନୂଆ ଖୁଲାସା: ବୁର୍ଲା ମେଡିକାଲରୁ ରେଫର ହୋଇନି, ଆଉଟ୍‌ଡୋର କି ଇନଡୋର୍‌ରେ ନାହିଁ ଗ୍ୟାଙ୍ଗଷ୍ଟରର ନାଁ
  • ||
  • କରୋନା ସ୍ଥିତି ନସୁଧୁରିବା ଯାଏ ରେମଡେସିଭିର ରପ୍ତାନୀ ବନ୍ଦ
  • ||
  • ରାସନ୍ ଧରି ଫେରୁଥିଲେ, ଓଲଟି ଗଲା ଟ୍ରାକ୍ଟର ଡାଲା, ୨ ମୃତ
  • ||
  • ପୋଲିସର ଅପରେସନ୍ ହାଇଦର : ଚଢାଉ ଜୋରଦାର, ବିଭିନ୍ନ ସ୍ଥାନରେ ଲାଗିଲା ପୋଷ୍ଟର
  • ||
  • ମଙ୍ଗଳବାରଠୁ ଲଗାତାର ୬ ଦିନ ବନ୍ଦ ରହିବ ବ୍ୟାଙ୍କ: ସୋମବାର ସାରି ଦିଅନ୍ତୁ ବ୍ୟାଙ୍କ କାମ
  • ||
  • SCBରୁ ଗ୍ୟାଙ୍ଗଷ୍ଟାର ହାଇଦର୍‌ ଫେରାର ଘଟଣା, ୬ ପୋଲିସ କର୍ମଚାରୀ ସସ୍‌ପେଣ୍ଡ
  • ||
  • ଭଦ୍ରକ : ବସକୁ ପିଟିଲା ଟ୍ରକ୍, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଚଣ୍ଡିଖୋଲ : ଧକ୍କା ଦେଲା ଟ୍ରକ୍, ଜୀବନ ହାରିଲେ ସ୍ୱାମୀ-ସ୍ତ୍ରୀ, ଝିଅ ଗୁରୁତର
  • ||

ହିମାଚଳରେ ଭୀଷଣ ତୁଷାରପାତ ଓ ବର୍ଷା: ୩ ଜାତୀୟ ରାଜପଥ ସମେତ ୧୦୫ଟି ରାସ୍ତା ବନ୍ଦ

4/02/2021 at 12:07 PM

ଶିମଲା ୦୪/୦୨ : ହିମାଚଳ ପ୍ରଦେଶରେ ଗତ ୨୪ ଘଣ୍ଟାରେ ଭୀଷଣ ତୁଷାରପାତ ଓ ବର୍ଷା ହୋଇଛି। ବୁଧବାର ରାତିରେ ସୁବେ ଅଞ୍ଚଳରେ ଜୋରଦାର ବର୍ଷା ହୋଇଛି। ଶିମଲା ଓ ମନାଲି ସମେତ ଉଚ୍ଚ ପାହାଡିଆ ଅଞ୍ଚଳରେ ଭୀଷଣ ତୁଷାରପାତ ହୋଇଛି । ଯାହାଫଳରେ ସୁବେରେ ୩ଟି ଜାତୀୟ ରାଜପଥରେ ଯାତାୟାତ ଠପ୍ ହୋଇପଡିଛି। ଶିମଲା-ନାରକଣ୍ଡା-ରାମପୁର ରାଜପଥ ତୁଷାରପାତ ଯୋଗୁଁ ବନ୍ଦ ହୋଇଯାଇଛି। ଚୌପାଲା ଦେହା ସଡକ ମାର୍ଗରେ ମଧ୍ୟ ଯାତାୟାତ ଠପ୍ ହୋଇଯାଇଛି ।ଏଠାରେ ୨ ରୁ ୪ ଇଞ୍ଚ ଯାଏଁ ବରଫ ପଡିଛି। ମନାଲି ଲେହ ରାଜପଥ ମନାଲିରୁ ନେହରୁ କୁଣ୍ଡ ଆଗକୁ ବନ୍ଦ ରହିଛି। ସୁବେରେ ପାଖାପାଖି ୧୦୦ରୁ ଅଧିକ ରାସ୍ତାରେ ଯାତାୟାତ ବନ୍ଦ ରହିଛି। ତୁଷାରପାତ ଯୋଗୁଁ ଲାହୌଲ ଘାଟି ଧଳା ଚାଦରରେ ଘୋଡେଇ ହୋଇ ରହିଛି।

ପାଣିପାଗ ବିଭାଗ ଅନୁସାରେ, ହିମାଚଳରେ ଫେବୃଆରୀ ୫ ତାରିଖ ଯାଏଁ ତୁଷାରପାତ ଓ ବର୍ଷା ହେବ। ଏହାପରେ ପାଗ ସଫା ହେବ ଓ ତାପମାତ୍ରା ବଢିବ। ବୁଧବାର ଦିନ ରାଜ୍ୟର ଉଚ୍ଚତମ ଅଞ୍ଚଳରେ ତୁଷାରପାତ ଓ ତଳିଆ ଅଞ୍ଚଳରେ ବର୍ଷା ହୋଇଛି। ଫଳରେ ତାପମାତ୍ରା ବହୁତ ହ୍ରାସ ପାଇଛି। ପାହାଡ ରାଣୀ ଶିମଲାରେ ହାଲୁକା ବର୍ଷା ଓ ତୁଷାରପାତ ହୋଇଛି। ତୁଷାରପାତ ଯୋଗୁଁ ପର୍ଯ୍ୟଟକଙ୍କ ଭିଡ ଦେଖିବାକୁ ମିଳିଥିଲା। ପର୍ଯ୍ୟଟକ ତୁଷାରପାତର ମଜା ନେଉଥିବା ଦେଖିବାକୁ ମିଳିଛି। ମନାଲିରେ ଅଟଳ ଟନେଲକୁ ପର୍ଯ୍ୟଟକଙ୍କ ପାଇଁ ବନ୍ଦ କରିଦିଆଯାଇଛି।

ପାଣିପାଗ ବିଭାଗ ନିର୍ଦ୍ଦେଶକ ମନମୋହନ ସିଂହ କହିଛନ୍ତି ଯେ ଆଗାମୀ ୪୮ ଘଣ୍ଟାରେ ଉନା,  ବିଳାସପୁର, ହମିରପୁର ଓ କାଙ୍ଗଡାର ଅନେକ ଅଞ୍ଚଳରେ ବଜ୍ରପାତ ଓ ତୁଷାରପାତ ହେବାର ସମ୍ଭାବନା ରହିଛି। ପାଣିପାଗ ବିଭାଗ ୟେଲୋ ଆଲର୍ଟ ଜାରି କରିଛି। ୫ ତାରିଖରେ କେବଳ ଉପରିଆ ଅଞ୍ଚଳରେ ତୁଷାରପାତ ଓ ବର୍ଷା ହେବାର ସମ୍ଭାବନା ରହିଛି। ଅତ୍ୟଧିକ ଉଚ୍ଚ ସ୍ଥାନରେ ତୁଷାରପାତ ଯୋଗୁଁ ବିଜୁଳି ଓ ପାଣି ସେବା ବାଧାପ୍ରାପ୍ତ ହୋଇପାରେ। ବୁଧବାର ଦିନ ଲାହୌଲ ସ୍ପିତି ଜିଲ୍ଲା ମୁଖ୍ୟାଳୟ କେଲାଙ୍ଗରେ ସର୍ବାଧିକ ତାପମାତ୍ରା ୧.୭ ଡିଗ୍ରୀ ସେଲସିୟସ ରେକର୍ଡ ହୋଇଥିଲା।

   Related Posts