ନୀଳଗିରି/ଚଣ୍ଡିଖୋଲ ୦୯।୦୯: ଦୁଇଟି ସ୍ଥାନରୁ ୨ଟି ବିରାଟକାୟ ସାପ ଉଦ୍ଧାର । ନୀଳଗିରି ବରିସାହି ଗାଁରୁ ସାଢେ ୫ ପୁଟ ଲମ୍ବର ରଣା ସାପ ଉଦ୍ଧାର ହୋଇଥିବା ବେଳେ ଯାଜପୁର ଜିଲ୍ଲା ଜାରକା-କାଏମା ରାସ୍ତା ନିକଟରୁ ୭ ଫୁଟିଆ ଅଜଗର ସାପ ଉଦ୍ଧାର ହୋଇଛି । ଉଭୟ ସାପଙ୍କୁ ଉଦ୍ଧାର କରି ନିକଟସ୍ଥ ଜଙ୍ଗଲରେ ଛାଡି ଦିଆଯାଇଛି ।
ଖବର ଅନୁଯାୟୀ, ବାଲେଶ୍ୱର ଜିଲ୍ଲା ନୀଳଗିରି ବରିସାହି ଗାଁର ମାଳି କୁଅଁର ବାଡ଼ି ପଛପଟେ ଏକ ସାଢେ ୫ ଫୁଟ ଲମ୍ବର ରଣା ସାପ ଗର୍ଜନ କରୁଥିଲା । ଏହା ଶୁଣି ପରିବାର ଲୋକେ ସାପ ଧରାଳିକୁ ଖବର ଦେଇଥିଲେ । ଖବର ପାଇ ସାପ ଧରାଳି ଘଟଣାସ୍ଥଳରେ ପହଞ୍ଚି ଅତି ସତର୍କତା ସହ ସାପଟିକୁ ଉଦ୍ଧାର କରିଥିଲେ । ଏହାପରେ ସାପଟିକୁ ସୂର୍ଣ୍ଣଚୂଡ଼ ସଂରକ୍ଷିତ ଜଙ୍ଗଲରେ ଛାଡିଦେଇଛନ୍ତି ।
wp:html/wp:htmlନୀଳଗିରିରୁ ୫ଫୁଟ୍ ରଣା ସାପ, ଚଣ୍ଡିଖୋଲରୁ ୭ଫୁଟିଆ ଅଜଗର ସାପ ଉଦ୍ଧାର#Odisha #snake #odishanews pic.twitter.com/l7b7tvoUS1
— Prameya News7 (@NEWS7Odia) September 9, 2021
ସେହିପରି ଯାଜପୁର ଜିଲ୍ଲା ଜାରକା-କାଏମା ରାସ୍ତାର କାଏମା ହାଇସ୍କୁଲ ପଡିଆରେ ଏକ ୭ ଫୁଟ ଲମ୍ବର ଅଜଗତ ସାପ ରାସ୍ତା ପାର ହେଉଥିଲା । ଜଣେ ବାଇକ୍ ଚାଳକ ସାପଟିକୁ ଦେଖି ସ୍ନେକ ହେଲ୍ପ ଲାଇନ୍ ସଦସ୍ୟଙ୍କୁ ଖବର ଦେଇଥିଲେ । ଖବର ପାଇ ସ୍ନେକ ହେଲ୍ପ ଲାଇନ୍ ସଦସ୍ୟ ସାପଟିକୁ ଉଦ୍ଧାର କରି ସ୍ଥାନୀୟ ପାହାଡ଼ରେ ଛାଡିଥିଲେ ।