ଆଠଗଡ, ୦୧।୧୦ : ନାଗ ସାପର ସଫଳ ଅସ୍ତ୍ରୋପଚାର । ସାପର ଅପରେସନ କରାଯାଇ ସୁସ୍ଥ ହେବା ପରେ ତାକୁ ଜଙ୍ଗଲରେ ଛଡାଯାଇଛି । ଏଭଳି ଘଟଣା ଦେଖିବାକୁ ମିଳିଛି କଟକ ଜିଲ୍ଲା ଆଠଗଡ ଅଞ୍ଚଳରେ ।
ସୂଚନାନୁସାରେ, ଆଠଗଡ କଚେରୀ ରୋଡରେ ଏକ ନାଗସାପ ରାସ୍ତାପାର ହୋଇ ଯାଉଥିଲା । ଏହି ସମୟରେ କିଛି ଲୋକେ ସାପଟିକୁ ଢେଲା ପଥର ମାରି ଆକ୍ରମଣ କରିଥିଲେ । ଖବର ପାଇ ସ୍ନେକ୍ ହେଲପ ଲାଇନ ସଦସ୍ୟ ପହଞ୍ଚିଲା ବେଳକୁ ଲୋକଙ୍କ ଆକ୍ରମଣରେ ସାପଟି ଗୁରୁତର ହୋଇସାରିଥିଲା ।
ସାପଟିକୁ ଉଦ୍ଧାର କରି ଆଠଗଡ ପ୍ରାଣୀ ଚିକିତ୍ସାଳୟରେ ପେଟରେ ଷ୍ଟିଚ୍ ପକାଯାଇଥିଲା । ସେ ସୁସ୍ଥ ହେବା ପରେ ଜଙ୍ଗଲରେ ଛାଡି ଦିଆଯାଇଛି । ଏନେଇ ସ୍ନେକହେଲପ ଲାଇନ ସହ ଚିକିତ୍ସା କରିଥିବା ଡାକ୍ତର ସୂଚନା ଦେଇଛନ୍ତି ।
