କୋଲକତା ୨୯।୧୨: ରେଲଓ୍ବେ ଷ୍ଟେସନରୁ ଜବତ ହେଲା ସୁନା । ନ୍ୟୁ ଫରକ୍କା ଜଙ୍କସନ୍ ରେଲଓ୍ବେ ଷ୍ଟେସନରୁ ୭.୩ କିଲୋଗ୍ରାମ ସୁନା ଜବତ କରି ଦୁଇ ଜଣଙ୍କୁ ଗିରଫ କରିଛି ଡିଆରଆଇ । ଜବତ ସୁନାର ଆନୁମାନିକ ମୂଲ୍ୟ ୨.୮୪ କୋଟି ଟଙ୍କା ବୋଲି ଜଣାପଡିଛି । ସୁନା ସ୍ମଗଲିଂ ନେଇଡିଆରଆଇ ଅଧିକାରୀ ସୂଚନା ପାଇବା ପରେ ଚଢାଉ କରାଯାଇଥିଲା । ସନ୍ଦେହରେଶତାବ୍ଦୀ ଏକ୍ସପ୍ରେସରେ ଯାତ୍ରା କରୁଥିବା ଦୁଇ ଜଣଙ୍କୁ ଅଟକାଇଥିଲା ପୋଲିସ । ଅଟକ ଦୁଇ ଜଣ ନ୍ୟୁ ଫରକ୍କା ଜଙ୍କସନ୍ ରେ ଓହ୍ଲାଇବାର ଥିଲା ।
ସେମାନଙ୍କୁ ଡିଆରଆଇ ଅଧିକାରୀ ଅଟକାଇ ପଚରାଉଚରା କରିଥିଲେ । ପ୍ରାଥମିକ ତଦନ୍ତରୁ ଜଣାପଡିଛି ଯେ, ସୁନା ସ୍ମଗଲିଂ ପାଇଁ କୋଲକତା ନିଆଯାଉଥିଲା ସୁନା । ଅଟକ ଦୁଇ ଜଣଙ୍କୁ ବହିଃଶୁଳ୍କ ଆଇନ ଅନୁଯାୟୀ ଗିରଫ କରାଯାଇଛି ।