Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

COVID-19 ମୁକ୍ତ ଘୋଷଣା କରିବାରେ ସ୍ଲୋଭେନିଆ ୟୁରୋପର ପ୍ରଥମ ରାଷ୍ଟ୍ର, ଖୋଲିଲା ସୀମା

16/05/2020 at 1:25 PM

ଲ୍ୟୁବଲ୍ୟାନା: ନିଜକୁ କରୋନା ଭାଇରସ ମହାମାରୀ ମୁକ୍ତ ଘୋଷଣା କରିବାରେ ସ୍ଲୋଭେନିଆ ୟୁରୋପର ପ୍ରଥମ ଦେଶ ପାଲଟିଛି। ଯଦିଓ ଦେଶରେ କାଁଭାଁ ସଂକ୍ରମଣର ଅଭିଯୋଗ ମିଳୁଛି  ତେବେ ଏହା ଏବେ ଏତେ ଗୁରୁତର ନୁହେଁ ବୋଲି ପ୍ରଧାନମନ୍ତ୍ରୀ ଜନେଜ ଜନସା କହିଛନ୍ତି। ଇଟାଲୀ ସୀମାକୁ ଲାଗି ରହିଥିବା ଏହି ପାର୍ବତ୍ୟ ଦେଶରେ କରୋନା ସଂକ୍ରମଣ ଯୋଗୁ ୧ହଜାର ୫ଶହ ଲୋକେ ସଂକ୍ରମିତ ହୋଇଥିବା ବେଳେ ୧୦୩ ଜଣଙ୍କର ମୃତ୍ୟୁ ହୋଇଛି। ତେବେ ଦେଶ ନିଜକୁ କୋଭିଡ-୧୯ ମୁକ୍ତ ଘୋଷଣା କରିବା ସହ ସମସ୍ତ ସୀମା ଉନ୍ମୁକ୍ତ କରିଛି।

୨ ନିୟୁତ ଜନସଂଖ୍ୟାର ଦେଶରେ ଯଦିଓ ନୂଆ ସଂକ୍ରମଣର ଅଭିଯୋଗ ମିଳି ନାହିଁ ତଥାପି ସ୍ଲୋଭେନିଆ ନିଜ ସୀମାକୁ କେବଳ ୟୁରୋପୀୟ ୟୁନିୟନ ଅନ୍ତର୍ଗତ ଦେଶଙ୍କ ଲାଗି ଖୋଲିଛି। ଅନ୍ୟ ଅଣ ୟୁରୋପୀୟ ଦେଶଙ୍କ ଲାଗି ଏବେବି କଟକଣା କଡାକଡି ରଖିଛନ୍ତି ସରକାର।  ଦେଶରେ ସାର୍ସ-ସିଓଭି-୨ ଜନିତ ଭୟ ଟଳି ନଥିବାରୁ କିଛି ସାଧାରଣ ଓ ସ୍ୱତନ୍ତ୍ର କଟକଣା ମଧ୍ୟ କଡାକଡି ରହିଛି। ଏଥିରେ ଏବେବି ସାମାଜିକ ଦୂରତାକୁ ପ୍ରାଥମିକତା ଦିଆଯାଉଥିବା ବେଳେ ମାସ୍କ ବ୍ୟବହାର ବାଧ୍ୟତାମୂଳକ ରହିଛି।

ଏପର୍ଯ୍ୟନ୍ତ ସପିଂ ସେଣ୍ଟର ଓ ହୋଟେଲ ଖୋଲିନାହିଁ। ତେବେ ଆଗାମୀ ସପ୍ତାହ ବେଳକୁ ଏ ସବୁ ଖୋଲିଯିବ ବୋଲି ସରକାର କହିଛନ୍ତି। ସେହିପରି ଦେଶରେ ଫୁଟବଲ ଓ ଅନ୍ୟ ଟିମ୍‌ ପ୍ରତିଯୋଗୀତା ମେ ୨୩ ପରେ ପୁଣି ଆରମ୍ଭ ହୋଇଯିବ ବୋଲି ସୂଚନା ମିଲିଛି। ଯଦିଓ ସରକାର ସ୍ଲୋଭେନିଆକୁ ସଂକ୍ରମଣ ମୁକ୍ତ ଘୋଷଣା କରିଛନ୍ତି ତଥାପି ଦେଶରେ ରୋଗ ରହିଛି ବୋଲି ବିଶେଷଜ୍ଞମାନେ କହିଛନ୍ତି। ଏପର୍ଯ୍ୟନ୍ତ ଅନ୍ୟ ୟୁରୋପୀୟ ଦେଶ ନିଜକୁ ମହାମାରୀ ମୁକ୍ତ ଘୋଷଣା କରିନାହାନ୍ତି। ଏଣୁ ଆମକୁ ସମ୍ପୂର୍ଣ୍ଣ ସତର୍କତା ଅବଲମ୍ବନ କରିବାକୁ ପଡିବ ବୋଲି ସଂକ୍ରାମକ ରୋଗ ବିଶେଷଜ୍ଞ ମାଟେଜା ଲୋଗର ସରକାରୀ ଟେଲିଭିଜରେ କହିଛନ୍ତି।

   Related Posts