Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ପୁରୀ : ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ, ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||

ଭିଡ ହିଂସା (ଲିଞ୍ଚିଂ ମବ)କୁ ନେଇ ବଲିଉଡ ଦୁଇ ଭାଗ : ପୂର୍ବରୁ ପ୍ରଧାନମନ୍ତ୍ରୀଙ୍କୁ ୪୯ଜଣ ସେଲିବ୍ରିଟି ଦେଇଥିବା ଚିଠିକୁ ବିରୋଧ କରି ଆଜି ୬୨ ଜଣ ସେଲିବ୍ରିଟି ପ୍ରଧାନମନ୍ତ୍ରୀଙ୍କୁ ଲେଖିଲେ ଚିଠି

26/07/2019 at 3:22 PM

ନୂଆଦିଲ୍ଲୀ ୨୬|୭: ଭିଡ ହିଂସା ବା ଲିଞ୍ଚିଂ ମବ୍‌କୁ ନେଇ ବଲିଉଡ ଏବେ ଦୁଇ ଭାଗ । ପୂର୍ବରୁ ପ୍ରଧାନମନ୍ତ୍ରୀଙ୍କୁ ୪୯ ଜଣ ସେଲିବ୍ରିଟି ଦେଇଥିବା ଚିଠିକୁ ବିରୋଧ କରି ଆଜି ୬୨ ଜଣ ସେଲିବ୍ରିଟି ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛନ୍ତି । ଭିଡ ହିଂସାକୁ ନେଇ ୪୯ ଜଣ ସେଲିବ୍ରିଟି ଦେଇଥିବା ଚିଠିକୁ ଆକ୍ରୋଶମୂଳକ କହିବା ସହ ଦେଶ ସମ୍ପର୍କରେ ଭୂଲ ବିବରଣୀ ଦିଆଯାଇଛି ବୋଲି ଚିଠିରେ ଦର୍ଶାଇଛନ୍ତି ୬୨ ଜଣ ।

୪୯ ବନାମ ୬୨। ପ୍ରଧାନମନ୍ତ୍ରୀଙ୍କୁ ଖୋଲାଚିଠି ଲେଖିବାରେ ଫିଲ୍ମ ଓ ବୁଦ୍ଧିଜୀବୀ ମହଲରେ ଚାଲିଛି ଲେଟର ୱାର । ସଂଖ୍ୟାଲଘୁ ଓ ଦଳିତଙ୍କ ଉପରେ ଦିନକୁ ଦିନ ବଢି ଚାଲିଥିବା ଗୋଷ୍ଠୀବଦ୍ଧ ଆକ୍ରମଣ ଓ ହତ୍ୟା ଘଟଣାରେ ଚାଲିଛି ଆରୋପ ପ୍ରତ୍ୟାରୋପ । ଗତ ମଙ୍ଗଳବାର ୪୯ ଜଣ ସେଲିବ୍ରିଟି ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିଲେ । ଦଳିତ ଓ ସଂଖ୍ୟାଲଘୁଙ୍କ ଉପରେ ହେଉଥିବା ଅତ୍ୟାଚାରକୁ ରୋକିବା ସକାଶେ ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ କରନ୍ତୁ ବୋଲି ଖୋଲା ଚିଠିରେ ଉଲ୍ଲେଖ କରିଥିଲେ । ତିନି ଦିନ ପରେ ୬୨ଜଣ ସେଲିବ୍ରିଟି, ଅଧ୍ୟାପକ, ଶିକ୍ଷାବିତ୍‌ ପ୍ରଧାନମନ୍ତ୍ରୀଙ୍କୁ  ଚିଠି ଲେଖିଛନ୍ତି । ଭିଡ ହିଂସାକୁ ନେଇ ୪୯ ଜଣ ସେଲିବ୍ରିଟି ଦେଇଥିବା ଚିଠିକୁ ଆକ୍ରୋଶମୂଳକ, ଭ୍ରାମାତ୍ମକ କହିବା ସହ ଦେଶ ସମ୍ପର୍କରେ ଭୂଲ ବିବରଣୀ ଦିଆଯାଇଛି ବୋଲି ଦର୍ଶାଇଛନ୍ତି। ୪୯ ସେଲିବ୍ରିଟିଙ୍କୁସମାଜର ଆତ୍ମଘୋଷିତ ଅଭିଭାବକ ଓ ବିବେକ ରକ୍ଷକ ବୋଲି କଟାକ୍ଷ କରିଛନ୍ତି।

ନଜର ପକାଇବା ୪୯ ତାଲିକାରେ କେଉଁ କେଉଁ ମାନେ ଅଛନ୍ତି ଏବଂ ୬୨ ତାଲିକାରେ କେଉଁ କେଉଁ ମାନେ ଅଛନ୍ତି। ପ୍ରଥମେ ଯେଉଁ ୪୯ ଜଣ ଖୋଲା ଚିଠି ଲେଖିଥିଲେ ସେମାନଙ୍କ ମଧ୍ୟରେ ଥିଲେ ଫିଲ୍ମ ନିର୍ଦ୍ଦେଶକ ଅପର୍ଣ୍ଣା ସେନ୍,  ଶ୍ୟାମ ବେନେଗଲ, ମଣିରତ୍ନମ, ଅଦୂର ଗୋପାଳ କୃଷ୍ଣନ, ଅନୁରାଗ କାଶ୍ୟପ, କୋଙ୍କଣା ସେନଶର୍ମା, ଐତିହାସିକ ରାମଚନ୍ଦ୍ର ଗୁହା । ସେହିପରି ୬୨ ସେଲିବ୍ରିଟିଙ୍କ ତାଲିକାରେ ଅଛନ୍ତି ଅଭିନେତ୍ରୀ କଙ୍ଗନା ରଣୱତ, ସେନସର ବୋର୍ଡ ଅଧ୍ୟକ୍ଷ ପ୍ରସୁନ ଯୋଶୀ, କ୍ଲାସିକାଲ ଡ୍ୟାନ୍ସର ସୋନାଲ ମାନସିଙ୍ଗ, ମଧୁର ଭଣ୍ଡାରକର, ବିବେକ ଅଗ୍ନିହୋତ୍ରୀ। ପଶ୍ଚିମବଙ୍ଗର ବିଭିନ୍ନ ବିଶ୍ବବିଦ୍ୟାଳୟର ପ୍ରଫେସର। ପୂର୍ବରୁ ଚିଠିଲେଖିଥିବା ସେଲିବ୍ରିଟି କାହିଁକି କାଶ୍ମୀରରେ ପଣ୍ଡିତଙ୍କ ଉପରେ ଆକ୍ରମଣ, କିମ୍ବା ପଶ୍ଚିମବଙ୍ଗରେ ହୋଇଥିବା ହିଂସାକୁ ନେଇ ଚୁପ୍‌ ରହିଥିଲେ ବୋଲି ପ୍ରଶ୍ନ କରିଥିଲେ।   ଏହି ଲେଟର ୱାର୍‌କୁ ନେଇ ତିଆରି ହୋଇଛି ସମାନ୍ତରଳ ରାଜନୀତି।

ଭିଡ ହିଂସା ଘଟଣାରେ ସୁପ୍ରିମକୋର୍ଟ ଉଦବେଗ ପ୍ରକାଶ କରିବା ସହ କେନ୍ଦ୍ର ଓ ୧୦ଟି ରାଜ୍ୟକୁ ନୋଟିସ୍‌ ଜାରି କରିଛନ୍ତି। ଭିଡ ହିଂସାକୁ ନିୟନ୍ତ୍ରଣ କରିବାନେଇ ଏସବୁ ରାଜ୍ୟ ପ୍ରଶାସନ କଣ କଣ ପଦକ୍ଷେପ ନେଇଛନ୍ତି ସେନେଇ କୋର୍ଟଙ୍କୁ ଜଣାଇବାକୁ ନିର୍ଦେଶ ଦେଇଛନ୍ତି। ସେପଟେ ପାର୍ଲାମେଣ୍ଟରେ ମଧ୍ୟ ଭିଡ଼ ହିଂସାକୁ ନେଇ ଦେଖାଦେଇଛି ଆରୋପ ପ୍ରତ୍ୟାରୋପ।    

   Related Posts