Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

୬ ବର୍ଷରେ ଆଖିବୁଜିଲା ଦେବୀଶ୍ରୀ, ହେଲେ ୩ -୩ ଜଣଙ୍କୁ ଦେଇଗଲା ନୂଆ ଜୀବନ ; ଅଲିଅଳି ନାତୁଣୀକୁ ହରାଇ ଦୁଃଖରେ ପରିବାର…

28/07/2020 at 9:39 AM

ଜୟପୁର ୨୮।୦୭: ମାତ୍ର ୬ ବର୍ଷ ବୟସରେ ଦୁନିଆ ଅଲବିଦା କଲା ଦେବୀଶ୍ରୀ । ହେଲେ ୩ ଜଣଙ୍କୁ ଦେଲା ନୂଆ ଜୀବନ । ଆବୁଧାବିରେ ରହୁଥିବା କୁନି ଝିଅର ବାପା-ମାଆଙ୍କୁ ଚାରିଆଡ଼ୁ ମିଳିଛି ପ୍ରଶଂସା । ତେବେ ଅଲିଅଳି ନାତୁଣୀକୁ ହରାଇ  ଦୁଃଖରେ ଭାଙ୍ଗିପଡ଼ିଛନ୍ତି ଜୟପୁରରେ ରହୁଥିବା ତାଙ୍କ ପରିବାର ।

ମାତ୍ର ୬ ବର୍ଷ ବୟସରେ ଆଖିବୁଜିଲା ଦେବୀଶ୍ରୀ । ହେଲେ ୩ -୩ ଜଣଙ୍କୁ ଦେଲା ନୂଆ ଜୀବନ । କିଡନୀ, ଲିଭର ଏବଂ ପାନକ୍ରିୟାସ ଦାନ କରି ଅନ୍ୟ ପାଇଁ ସାଜିଲା ଉଦାହରଣ । ଗେହ୍ଲୀ ଝିଅ ଦେବୀଶ୍ରୀ ବାପା-ମାଙ୍କ ସହ ଆବୁଧାବିରେ ରହୁଥିଲା । ତେବେ ହଠାତ୍ ଝିଅର ହୃଦଘାତ ହେବାରୁ ପରିବାର ଲୋକେ ତାଙ୍କୁ ସେଖ୍ ଖଲିଫା ଡାକ୍ତରଖାନାକୁ ନେଲେ । ବଂଚିବା ଆଶା ନଥିବା କହିବା ପରେ ଦୁଃଖରେ ଭାଙ୍ଗି ପଡିଥିଲେ ବାପା  ଟି.ଅରୁଣ କୁମାର ଏବଂ ମାଆ ଟି.କିର୍ତ୍ତୀ ଦେବୀ । ଡାକ୍ତରଙ୍କ ପରାମର୍ଶ ପରେ ଝିଅର ଅଙ୍ଗଦାନ ପାଇଁ ରାଜି ହୋଇଯାଇଥିଲେ ଉଭୟ ।

ଫଳରେ ସେହି ଡାକ୍ତରଖାନାରେ କିଡନୀ, ଲିଭର ଜନିତ ରୋଗରେ ଆକ୍ରାନ୍ତ ୩ ପିଲା ପାଇଲେ ନୂଆ ଜୀବନ । ଏକମାତ୍ର  ଝିଅର ଫଟୋକୁ ଆଉଁସି ଲୁହ ଗଡ଼ାଉଛନ୍ତି ବାପା-ମାଆ । ହେଲେ ଝିଅର ଅଙ୍ଗ ପ୍ରତିରୋପଣ ହୋଇଥିବା ୩ ପିଲାଙ୍କୁ ଭିତରେ ଦେବୀଶ୍ରୀକୁ ଦେଖିପାରୁଛନ୍ତି ବାପା-ମାଆ । ତେବେ କୁନି ଝିଅର ଏ ମହତ ଦାନକୁ ବିଦେଶୀ ଗଣମାଧ୍ୟମରେ  ବେଶ୍ ପ୍ରଶଂସା ମଧ୍ୟ କରାଯାଇଛି ।

ସେପଟେ ନାତୁଣୀକୁ ହରାଇ ଜୟପୁରରେ ରହୁଥିବା ଅଜା-ଆଈଙ୍କ ଦୁଃଖ କହିଲେ ନସରେ । ନାତୁଣୀ ଅଙ୍ଗଦାନ କରି ୩ଜଣକୁ ନୂଆ ଜୀବନ ଦେଇଥିବାରୁ ସେମାନେ ଗର୍ବିତ । ହେଲେ ଚୁଲୁବୁଲି ନାତୁଣୀ ଯେ ଆଉ ଏ ଦୁନିଆରେ ନାହିଁ ଏକଥାକୁ ସହଜରେ ଗ୍ରହଣ କରିପାରୁନାହାଁନ୍ତି ଏମାନେ । ୩ ଜଣଙ୍କୁ ନୂଆ ଜୀବନ ଦେବା ପାଇଁ ଯେମିତି ଦେବୀଶ୍ରୀ ଦୁନିଆକୁ ଆସିଥିଲା ବୋଲି କହିଛନ୍ତି ତାଙ୍କ ଅଜା-ଆଇ । ଶେଷରେ ସିନା ଦେବୀଶ୍ରୀ ମରିଗଲେ, କିନ୍ତୁ ବଞ୍ଚାଇଦେଇଗଲେ ୩-୩ଜଣଙ୍କ ଜୀବନ ।

   Related Posts