Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଟେନ୍‌ ପରେ ଆଉ ଗୋଟିଏ ଦେଶ କଲା ବଡ଼ ଘୋଷଣା, ଆସନ୍ତା ସପ୍ତାହରୁ ଆରମ୍ଭ ହେବ ଟିକାକରଣ
  • ||
  • କମୁଛି ସଂକ୍ରମଣ, ଲୋକଙ୍କ ମନରୁ ଦୂର ହେଉଛି କରୋନା ଭୟ, ଆଉ ୬୬୦ ସଂକ୍ରମିତ ହେଲେ ଆରୋଗ୍ୟ
  • ||
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||

ନ୍ୟୁଜ୍‌ ସେଭେନର ପ୍ରଭାବ : ଦୁବାଇରୁ ଫେରିଲେ ୬ ଶ୍ରମିକ, ଏବେ ବି ଫଶିଛନ୍ତି ଆହୁରି ୧୨

27/07/2019 at 4:54 PM

ବ୍ରହ୍ମପୁର ୨୭|୭:  ଦୁବାଇରୁ ଫେରିଲେ ୬ ଶ୍ରମିକ, ଏବେ ବି ଆହୁରି ୧୨ ଜଣ ସେଠାରେ ଫଶିଛନ୍ତି । ଖଲ୍ଲିକୋଟ ଅଞ୍ଚଳରୁ ଏହି ୧୮ ଶ୍ରମିକ ରୋଜଗାର ଆଶାରେ ଦୁବାଇ ଯାଇଥିଲେ । କିନ୍ତୁ ପାରିଶ୍ରମିକ ବଦଳରେ ସେମାନେ ସେଠାରେ ଭୋଗିଲେ ନିର୍ଯାତନା । ମୁକ୍ତିପାଇଁ ଆକୁଳ ନିବେଦନ କରିଥିବା ଏହି ଶ୍ରମଜୀବୀଙ୍କ ସଂପର୍କରେ ନ୍ୟୁଜ୍‌ ସେଭେନ ବାରମ୍ବାର ଖବର ପ୍ରସାରଣ ପରେ, ସରକାର ୬ ଜଣ ଶ୍ରମିକଙ୍କୁ ଉଦ୍ଧାର କରିଛନ୍ତି । ତେବେ ଅନ୍ୟ ୧୨ ଜଣଙ୍କ ଭାଗ୍ୟ କେବେ ଖୋଲିବ ତାହା ଅନିଶ୍ଚିତ ।

୬ ଜଣ ଫେରିଲେ, ଅନ୍ୟ ୧୨ ଜଣ ଏବେ ବି ଦୁବାଇରେ ଅଟକ ।  ଭିଟାମାଟି ଛାଡି ସୁଦୂର  ଦୁବାଇ ଯାଇଥିବା ଶ୍ରମିକଙ୍କ ଭଲ ରୋଜଗାର ସ୍ବପ୍ନ କେବଳ ଭାଙ୍ଗିନି, ସୀମା ଟପିଛି ଦୁର୍ଦ୍ଦଶା । ଖଲ୍ଲିକୋଟ ଅଞ୍ଚଳର ୧୮ ଜଣ ଶ୍ରମିକ ରୋଜଗାର ଆଶାରେ ଯାଇଥିଲେ ଦୁବାଇ । ସେମାନଙ୍କୁ ମାସକୁ ୩୫ ହଜାର ଟଙ୍କା ପାରିଶ୍ରମିକ ଦେବାକୁ ପ୍ରତିଶ୍ରୁତି ଦିଆଯାଇଥିଲା । କିନ୍ତୁ ତା ବଦଳରେ ମିଳିଲା କେବଳ  ଯନ୍ତ୍ରଣା ଓ ଦୁଃଖ। ତେବେ ଏହି ଘଟଣା ନେଇ ବାରମ୍ବାର ଖବର ପ୍ରସାରଣ କରିଥିଲା ନ୍ୟୁଜ୍ ସେଭେନ । ଏହାପରେ ଏବେ  ଜିଲ୍ଲା ପ୍ରଶାସନ ଓ ସରକାର ୬ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରିବାରେ ସଫଳ ହୋଇଛନ୍ତି। ଗାଁକୁ ଫେରିଛନ୍ତି କାଳିଆ ଜେନା, ଟୁନା ମଲ୍ଲିକ, ପବିତ୍ର ମଲ୍ଲିକ, ଶାନ୍ତୁନୁ ପଲ୍ଲେଇ, ଦିବାକର ନାହାକ ଓ କବି ଗୌଡ । ଭିଟାମାଟିରେ ପହଞ୍ଚିବାପରେ, ସେମାନେ କେନ୍ଦ୍ର ଓ ରାଜ୍ୟ ସରକାରଙ୍କ ସହ ଜିଲ୍ଲା ପ୍ରଶାସନ ଏ ନ୍ୟୁଜ୍‌ ସେଭେନ୍‌କୁ ଧନ୍ୟବାଦ ଦେଇଛନ୍ତି । ତା ସହ ଏବେ ବି ଦୁବାଇରେ ଫସିରହିଥିବା ସେମାନଙ୍କର ୧୨ ସହଯୋଗୀଙ୍କୁ  ଉଦ୍ଧାର କରିବା ଲାଗି ନିବେଦନ  କରିଛନ୍ତି ।

ଘର ଫେରନ୍ତା ଶ୍ରମଜୀବୀ ଦାଦନର ଦୁଃଖ ଓ ଯନ୍ତ୍ରଣା ବଖାଣିବା ବେଳେ କହିଛନ୍ତି, ଗାଁରେ  କଷ୍ଟ କରି କିଛି ବେଉଷା କରି ପରିବାର ପୋଷିବା ବରଂ ଭଲ ।  ଏପରିକି ଅନ୍ୟ ଶ୍ରମଜୀବୀଙ୍କୁ ବିଦେଶକୁ ଅଧିକ ରୋଜଗାର ଆଶାରେ ନଯିବାକୁ ଅନୁରୋଧ  ବି କରିଛନ୍ତି ।  ସେପଟେ ଦୁବାଇରେ ଅଟକ ଥିବା ୧୨ ଶ୍ରମିକଙ୍କ ପରିବାର ମଧ୍ୟ ପ୍ରଶାସନକୁ ତ୍ବରିତ ପଦକ୍ଷେପ ଲାଗି ନିବେଦନ କରିଛନ୍ତି ।  ଶ୍ରମିକଙ୍କ ଉଦ୍ଧାର ଲାଗି ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ ସହ ପଦକ୍ଷେପ ନିଆଯାଉଥିବା କହିଛନ୍ତି ଜିଲ୍ଲା ଶ୍ରମ ଅଧିକାରୀ ।

୬ ଶ୍ରମିକଙ୍କ ଉଦ୍ଧାର ପରେ ଆଶ୍ବସ୍ତି ସହ ଅନ୍ୟ ୧୨ ଶ୍ରମିକଙ୍କ ଉଦ୍ଧାର ନେଇ ଆଶା  ମଧ୍ୟ ସୃଷ୍ଟି ହୋଇଛି । କେବେ ସେହି ଶ୍ରମିକମାନେ ଘରକୁ ଫେରିବେ ଓ ସେମାନଙ୍କ ଆତ୍ମୀୟଙ୍କ ଓଠରେ ହସ ଫୁଟିବ ତାହାକୁ ଅପେକ୍ଷା ।  

   Related Posts