Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଡକାୟତି ଘଟଣାରେ ସଂପୃକ୍ତ ୬ ଡକାୟତ ଗିରଫ

14/11/2019 at 5:07 PM

ଦେବଗଡ ୧୪।୧୧: ଦେବଗଡ ଜିଲ୍ଲା ବାରକୋଟ ଥାନା ପୋଲିସ ଏକ ଡକାୟତି ଘଟଣାର ତଦନ୍ତ କରି ୬ଜଣ ଡକାୟତକୁ ଗିରଫ କରିଛି । ଗତ ଅକ୍ଟୋବର ମାସ ୨୪ ତାରିଖରେ ବାରକୋଟ ଥାନା ଅନ୍ତର୍ଗତ ସିଂହଶାଳ ଗ୍ରାମର କ୍ଷେତ୍ରବାସୀ ଦଳବେହେରାଙ୍କ ଘରେ ସାତ ଜଣ ଡକାୟତ ଆସି ପିସ୍ତଲ ଦେଖାଇ ଡକାୟତି କରି ନଗଦ ଟଙ୍କା ସହ ସୁନାରୂପା ଅଳଙ୍କାର ଓ ମୋବାଇଲ ଲୁଟ୍ କରି ଏକ ବୋଲେରୋ ଗାଡିରେ ଫେରାର ହୋଇଯାଇଥିଲେ ।

ଏନେଇ ବାରକୋଟ ଥାନାରେ ଲିଖିତ ଅଭିଯୋଗ ପରେ ପୋଲିସ ଏକ ମାମଲା ରୁଜୁ କରିବା ସହ ଘଟଣାର ତଦନ୍ତ କରି ଏଥିରେ ସଂପୃକ୍ତ ଥିବା ଅଭିଯୋଗରେ ୬ଜଣଙ୍କୁ ଗିରଫ କରିଛି ।  ଗିରଫ ସମସ୍ତ ଅଭିଯୁକ୍ତ ସୁନ୍ଦରଗଡ ଜିଲ୍ଲାର ବିଭିନ୍ନ ଅଞ୍ଚଳର ବାସିନ୍ଦା । ସେମାନଙ୍କ ପାଖରୁ ପୋଲିସ ଟଙ୍କା, ସୁନା, ରୂପା ଗହଣା, ଗୋଟିଏ ଦେଶୀ ପିସ୍ତଲ, ଦୁଇଟି ମୋବାଇଲ, ଦୁଇଟି ବାଇକ୍, ଗୋଟିଏ ବୋଲେରୋ ଜବତ କରିଛି ।

ଏହି ଘଟଣାରେ ଝାଡଖଣ୍ଡ ରାଜ୍ୟର ଅନ୍ୟ ତିନି ଜଣଙ୍କ ସଂପୃକ୍ତି ରହିଥିବା ବେଳେ ସେମାନେ ଫେରାର ଅଛନ୍ତି । ଫେରାର ତିନି ଜଣ ପିଏଲଏଫଆଇ ସହ ସଂପୃକ୍ତ ଅଛନ୍ତି ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି । ଏନେଇ ବାରକୋଟଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଦେବଗଡ ଏସପି ରାହୁଲ ଜୈନ ସମସ୍ତ ସୂଚନା ଦେଇଛନ୍ତି ।

   Related Posts