Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ସମ୍ବଲପୁରର ପ୍ରସିଦ୍ଧ ଶୀତଳଷଷ୍ଠୀ ପାଇଁ ଜୋରଦାର ପ୍ରସ୍ତୁତି ; ଯାତ୍ରାର ମୁଖ୍ୟ ଆକର୍ଷଣ କିନ୍ନର ଫେସନ ସୋ, ଲୋକଙ୍କ ମନୋରଞ୍ଜନ କରିବେ ୫୬ଟି ସାଂସ୍କୃତିକ ଦଳ

2/06/2019 at 3:54 PM

ସମ୍ବଲପୁର ୨|୬: ସମ୍ବଲପୁରର ପ୍ରସିଦ୍ଧ ଶୀତଳଷଷ୍ଠୀ ଯାତ୍ରାକୁ ଆଉ ଦିନ କେଇଟା ବାକି । ସେଥିପାଇଁ ବିଭିନ୍ନ ପୂଜା କମିଟି ପ୍ରସ୍ତୁତି ଜୋରଦାର କରିଦେଇଛନ୍ତି । ଏ ବର୍ଷ ପ୍ରାୟ ୯୦ ଲକ୍ଷ ଟଙ୍କା ଖର୍ଚ୍ଚ ଅଟକଳ ରହିଛି । ଯାତ୍ରାର ମୁଖ୍ୟ ଆକର୍ଷଣ କିନ୍ନର ଫେସନ ସୋ ପାଇଁ ବିଭିନ୍ନ ସ୍ଥାନରୁ କିନ୍ନରମାନଙ୍କ ସମାବେଶ ଦେଖିବାକୁ ମିଳୁଛି ।

ଶୀତଳ ଷଷ୍ଠୀ ଯାତ୍ରା ପାଇଁ ବେଶ ଚଳଚଞ୍ଚଳ ସମ୍ବଲପୁର ସମେତ ସମଗ୍ର ପଶ୍ଚିମ ଓଡିଶା । ସଜେଇ ହେଲାଣି ପୁରା ସହର । ଦେବଦମ୍ପତ୍ତିଙ୍କ ପବିତ୍ର ବାହାଘର ପାଇଁ  ଶୁଭଲଗ୍ନ ପ୍ରସ୍ତୁତ ।  ମେ’ ୭ରେ  ଥାଳଉଠା କାମ ସରିଥିବାବେଳେ ଆସନ୍ତା ୫ରେ  ଦେବଦମ୍ପତ୍ତିଙ୍କ ପତରପେଣ୍ଡି ବା ନିର୍ବନ୍ଧ ପର୍ବ ।   ୬ରେ ଗୁଆଗୁଣ୍ଡା ବା ଦେବ ନିମନ୍ତ୍ରଣ ଥିବାବେଳେ  ୭ରେ ଦେବଦମ୍ପତ୍ତିଙ୍କ ବାହାଘର ସଂପନ୍ନ ହେବ ।

ସେହିପରି  ୮ମଧ୍ୟରାତ୍ରରେ ଦେବଦମ୍ପତ୍ତିଙ୍କ ଯୁଗଳମୂର୍ତ୍ତୀ ଶୋଭାଯାତ୍ରା ଓ ୯ ସକାଳେ ଦେବଦମ୍ପତ୍ତିଙ୍କ ନଗର ଭ୍ରମଣ ଓ ଦର୍ଶନ କାର୍ଯ୍ୟକ୍ରମ ସ୍ଥିର କରାଯାଇଛି। ଏଥିପାଇଁ ସହରର ବିଭିନ୍ନ ଶୀତଳଷଷ୍ଠୀ ଯାତ୍ରା କମିଟିଗୁଡିକର ପ୍ରସ୍ତୁତି  ଶେଷ ପର୍ଯ୍ୟାୟରେ।  ଏହା ସହ ୫୬ଟି ସାଂସ୍କୃତିକ ଦଳ ଲୋକଙ୍କ ମନୋରଞ୍ଜନ କରିବେ ।

ଏଥର ସହରର ମୋଦିପଡା, ଝାଡୁଆପଡା ଓ ନନ୍ଦପଡା ଶୀତଳଷଷ୍ଠୀ ଯାତ୍ରା କମିଟି ପକ୍ଷରୁ ପାଖାପାଖି ୯୦ଲକ୍ଷ ଟଙ୍କା ଖର୍ଚ୍ଚ ଅଟକଳ କରାଯାଇଛି । ତେବେ ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଲା, ୪ଶହ ବର୍ଷର ଏହି ପୁରୁଣା ସାଂସ୍କୃତିକ ମହୋତ୍ସବକୁ ଏବେ ଯାଏ, ଓଡିଶା ପର୍ଯ୍ୟଟନ କ୍ୟାଲେଣ୍ଡରରେ ସ୍ଥାନିତ କରାଯାଇନି । 

ସହରରେ   ୨୫ରୁ ଅଧିକ ବଡବଡ ଶିଳ୍ପାନୁଷ୍ଠାନ ଥିଲେ ବି  ମହୋତ୍ସବ ପାଇଁ  କେହି ଟଙ୍କା ଟିଏ   ଅନୁଦାନ ଦେଉନଥିବା ଅଭିଯୋଗ ହୋଇଛି । ଯାହାକୁ ନେଇ ଆୟୋଜକ ଓ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।

ପ୍ରତିବର୍ଷ  ଯାତ୍ରା ସମୟରେ ବିଦ୍ୟୁତ, ପାଣି ଓ ଟ୍ରାଫିକ ସୁବିଧା ମିଳୁନି ।  ପୋଲିସ ପ୍ରଶାସନ ଓ ଯାତ୍ରା କମିଟି ମଧ୍ୟରେ ସମନ୍ବୟ ଅଭାବରୁ ଏପରି ହେଉଥିବା ଅଭିଯୋଗ ହୋଇଛି । ସେହିପରି ସହରରେ ଫ୍ଲାଏ ଓଭର କାମ ଚାଲିଥିବାରୁ ମେଢ ପରିକ୍ରମାରେ ବାଧା ଉପୁଜିବା ଆଶଙ୍କା ରହିଛି ।

   Related Posts