Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ଶୀତଳଷଷ୍ଠୀ ପାଇଁ ଉତ୍ସବମୁଖର ସମ୍ବଲପୁର : ଆଜି ଝାଡୁଆପଡା ପୂଜା କମିଟି ପକ୍ଷରୁ ପତରପେଣ୍ଡି କାର୍ଯ୍ୟକ୍ରମ, ୭ରେ ଦେବଦମ୍ପତ୍ତିଙ୍କ ବିବାହ

5/06/2019 at 9:54 AM

ସମ୍ବଲପୁର ୫|୬: ଶୀତଳଷଷ୍ଠୀ ଯାତ୍ରା ପାଇଁ ସଜେଇ ହୋଇଛି ସମ୍ବଲପୁର । ଦେବଦମ୍ପତ୍ତିଙ୍କ ବାହାଘର ପାଇଁ ସାଜସଜ୍ଜା ଚାଲିଛି । ଘରେ ଘରେ ଜମିଲାଣି ବନ୍ଧୁବାନ୍ଧବଙ୍କ ଭିଡ । ଆଜି ଝାଡୁଆପଡା ପୂଜା କମିଟି ପକ୍ଷରୁ ପତରପେଣ୍ଡି ବା ନିର୍ବନ୍ଧ କାର୍ଯ୍ୟକ୍ରମ ରହିଛି । ସେଥିପାଇଁ ପ୍ରସ୍ତୁତି ଶେଷ ପର୍ଯାୟରେ ପହଞ୍ଚିଛି ।

ସେହିପରି ଗତକାଲି ରାତିରେ ନନ୍ଦପଡା ପୂଜା କମିଟି ପକ୍ଷରୁ ଗୁଆଗୁଣ୍ଡା, ଦେବନିମନ୍ତ୍ରଣ ବା ନୃସିଂହ ନିଉତା ସମ୍ପନ୍ନ ହୋଇଛି  । ଏକ ସୁସଜ୍ଜିତ ରଥରେ ବସି ହନୁମାନ ମନ୍ଦିର ,ଭଗବାନ ନୃସିଂହନାଥ ମନ୍ଦିର, ସହରରେ ଥିବା ବିଭିନ୍ନ ମନ୍ଦିରକୁ ଯାଇ  ଶିବ ବିବାହ କାର୍ଯ୍ୟକ୍ରମକୁ ନିମନ୍ତ୍ରଣ ଦେଇଛନ୍ତି ।

ଏହି ନିମନ୍ତ୍ରଣରେ ଚିଟାଉ,  ପଇତା,ମିଷ୍ଠାନ୍ନ ଦନାରେ ରଖି, ପ୍ରତି ମନ୍ଦିରରେ ପ୍ରଦାନ କରାଯାଇଛି । ଦେବ ନିମନ୍ତ୍ରଣ କାର୍ଯ୍ୟକ୍ରମ ପରେ ଶିବ ବିବାହ ପାଇଁ ସହରର ପ୍ରାୟ ସମସ୍ତ ଶିବ ମନ୍ଦିରରେ ପ୍ରସ୍ତୁତି ଚୁଡାନ୍ତ କରାଯିବ । ଆସନ୍ତା ୭ ତାରିଖରେ ଦେବଦେବ ମହାଦେବଙ୍କ ସହ, ମାତା ପାର୍ବତୀଙ୍କ ବିବାହ  ପାରମ୍ପରିକ ରୀତିନୀତି ଅନୁସାରେ କରାଯିବ । ୮ତାରିଖରେ ଦେବଦମ୍ପତ୍ତିଙ୍କ ବିଶ୍ରାମ ଦିନ ରହିଛି ।

୮ତାରିଖ  ରାତିରୁ, ୯ତାରିଖ ଅପରାହ୍ନ ପର୍ଯ୍ୟନ୍ତ, ଦେବଦମ୍ପତ୍ତିଙ୍କ ଯୁଗଳମୂର୍ତ୍ତୀ ବିଶାଳ ଶୋଭାଯାତ୍ରାରେ ବାହାରି, ନଗର ପରିକ୍ରମା କରିବା ସହ, ଶ୍ରଦ୍ଧାଳୁ ମାନଙ୍କୁ ଦର୍ଶନ ଦେବେ । ଏହାପରେ ନିଜ ନିଜ ମନ୍ଦିରକୁ ପ୍ରତ୍ୟାବର୍ତ୍ତନ କରିବେ ନବ ବିବାହିତ ଦେବ ଦମ୍ପତ୍ତି ।

   Related Posts